BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

جەمقورلىققا قاتىستى كۇدىككە ىلىككەن استانا اكىمى ورىنباسارىنىڭ ۇستىنەن تەكسەرىس باستالدى

قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ رەسمي وكىلى نۇرلان جاحين استانا قالاسى اكىمىنىڭ ورىنباسارى سەرگەي ٴحوروشۋننىڭ پارا الۋ دەرەگىنە قاتىستى تەرگەۋ جۇمىستارى جۇرگىزىلىپ جاتقانىن مالىمدەدى، دەپ حابارلايدى baq.kz ٴتىلشىسى.

«استانا قالاسىنىڭ جەمقورلىققا قارسى قىزمەتى مەن ماشۋروۆتىڭ ارىزى بويىنشا استانا قالاسى اكىمىنىڭ ورىنباسارى سەرگەي ٴحوروشيننىڭ قۇقىققا قايشى ارەكەتى بويىنشا سوتقا دەيىنگى تەرگەۋ جۇرگىزىلۋدە. ارىزدا ماشۋروۆ «تامىز ينۆەست گرۋپپ» اق-نىڭ قۇرىلىس كومپانياسىنىڭ باسشىسى بولا وتىرىپ، حوروشۋنگە قامقورلىق جاساۋ ٴۇشىن مۇلكىن بەرىپ وتىرعاندىعى كورسەتىلگەن. قازىرگى تاڭدا ماشۋروۆتىڭ دالەلدەرىنىڭ بارلىعى تەكسەرىلۋدە. قىلمىستىق ٴىس بويىنشا تەرگەۋ امالدارى جۇرگىزىلىپ جاتىر»، - دەدى رەسمي وكىل بريفينگتە.

وسى ورايدا ول قىلمىستىق كودەكستىڭ 201 تارماعىنا سايكەس، وزگە اقپارات تەرگەۋدىڭ مۇددەسىنە سايكەس جاريا ەتىلمەيتىنىن اتاپ ٴوتتى.
نۇرلان ٴجاحيننىڭ مالىمدەمەسىنە قاناعاتتانباعان جۋرناليستەر ٴوز ساۋالدارىن جولدادى.

«سەرگەي حوروشۋن تەرگەۋ كەزىندە جۇمىس ىستەي بەرە مە؟ كۇدىگى بار عوي»، - دەدى ولار.

«بۇل سۇراققا تۇسىنىكتەمە بەرە المايمىز»، - دەدى رەسمي وكىل.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي