BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

جەكەمەنشىك بالاباقشالارعا تەكسەرۋ جۇرگىزىلەدى – تجك 

فوتو: Интернеттен алынды

جەكەمەنشىك سيپاتتاعى مەكتەپكە دەيىنگى جانە مەكتەپتەگى ٴبىلىم بەرۋ قىزمەتتەرىن كورسەتەتىن نىسانداردا اعىمداعى جىلدىڭ مامىر-ماۋسىم ايلارىندا ٴورت قاۋىپسىزدىگى ەرەجەلەرىنىڭ ساقتالۋىنا تەكسەرۋ جۇرگىزىلەدى. بۇل جونىندە بريفينگ بارىسىندا قر ىشكى ىستەر ٴمينيسترىنىڭ ورىنباسارى يۋريي يلين مالىمدەدى، دەپ حابارلايدى baq.kz ٴتىلشىسى.

«بۇگىنگى كۇنى بىزدە 693 نىسان بويىنشا تەكسەرۋلەر باستالىپ، ولاردىڭ 460-ى بويىنشا تەكسەرۋلەر اياقتالدى. الدىڭعى بريفينگتەردە اتاپ وتكەنىمىزدەي، تەكسەرۋگە جاتاتىن مۇنداي نىسانداردىڭ رەسپۋبليكا بويىنشا جالپى سانى 1151 بولاتىن. ٴقازىر بۇل ٴتىزىم تاعى دا ناقتىلانىپ جاتىر. ٴتىزىم ناقتىلانعان سوڭ، بۇعان دەيىن تىزىمگە كىرمەگەن نىساندار تەكسەرۋگە جاتاتىن نىساندار تىزىمىنە ەنگىزىلىپ، ول باس پروكۋراتۋراعا ۇسىنىلادى. جالپى، ٴساۋىر ايىندا ٴبىز ٴورت قاۋىپتىلىگى جوعارى ساۋدا-ويىن-ساۋىق نىساندارىنا تەكسەرۋدى اياقتايتىن بولامىز. ودان سوڭ مامىر-ماۋسىم ايلارىندا مەكتەپكە دەيىنگى جانە مەكتەپتەگى ٴبىلىم بەرۋ قىزمەتتەرىن ۇسىناتىن جەكەمەنشىك سيپاتتاعى مىڭنان استام نىسانعا تەكسەرۋ جۇرگىزەتىن بولامىز»، - دەگەن مينيستر ورىنباسارى تەكسەرۋ ناتيجەلەرى قوعام نازارىنا ۇسىنىلاتىنىن ايتتى.

ونىڭ ايتۋىنشا، كوپتەگەن كاسىپكەر ٴورت قاۋىپسىزدىگىن قامتاماسىز ەتۋ ماسەلەسىنە كوڭىل اۋدارۋعا كوشىپ، ٴوز قىزمەتكەرلەرىن ٴورت جاعدايىنداعى ىس-ارەكەتتەرگە ۇيرەتۋ سەكىلدى شارالاردى قولعا الىپ جاتقان كورىنەدى.

«ٴبىز تەكسەرۋلەر جۇرگىزۋمەن قاتار، اتالعان نىسانداردا وقۋلار مەن ترەنينگتەر وتكىزۋدى دە قولعا الىپ جاتىرمىز. قازىرگى تاڭدا، 20 مىڭنان استام وقۋمەن قامتىلدى. سونداي-اق، ٴوز بولىمشەلەرىمىزدە ارنايى وقۋ-جاتتىعۋ تاكتيكالارىن دا جۇرگىزىپ جاتىرمىز. ەسەپتى كەزەڭ ىشىندە 200-دەن استام جەدەل-قۇتقارۋ وپەراسيالارى وتكىزىلدى»، - دەدى يلين.

ەسكە سالا كەتسەك، كورشى رەسەيدىڭ كەمەروۆ قالاسىنداعى قايعىلى وقيعادان كەيىن قر باس پروكۋراتۋراسىنىڭ تاپسىرماسى بويىنشا ٴساۋىر ايىندا ەلىمىزدەگى ٴىرى ساۋدا ويىن-ساۋىق نىساندارىن كەزەكتەن تىس تەكسەرۋلەر باستالعان بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي