BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

جاتاقحانا سالۋ مەملەكەتتىك-جەكەمەنشىك سەرىكتەستىك پرينسيپتەرى نەگىزىندە جۇزەگە اسۋ قاجەت – ساراپشى 

قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى (kaziss) الەۋمەتتىك-ساياسي زەرتتەۋلەر ٴبولىمىنىڭ باسشىسى الۋا جولدىبالينا ەلباسىنىڭ «پرەزيدەنتتىڭ بەس الەۋمەتتىك باستامالار» مالىمدەمەسىندەگى جاتاقحانا ماسەلەسى جونىندە پىكىر ٴبىلدىردى، دەپ حابارلايدى baq.kz ٴتىلشىسى.

ونىڭ ايتۋىنشا، 2022 جىلعا دەيىن 75 مىڭ ورىندىق جاڭا جاتاقحانالار سالۋ جۇمىسىندا مەملەكەت پەن جەكە مەنشىك سەرىكتەستىگى قاعيداسىنىڭ نەگىزىندە شەتەلدىك تاجىريبەنى پايدالانۋ قاجەت. وسى ورايدا، جاتاقحانالاردىڭ جەتىسپەۋشىلىگى ماسەلەسىنىڭ شەشىلۋى ستۋدەنتتەردىڭ تۇرمىستىق قيىندىقتارعا تاپ بولماي، بار كۇش جىگەرىن وقۋعا جۇمساۋىنا جاعداي جاسايدى.

«جاتاقحانانى سالۋدا مەملەكەتتىك-جەكەمەنشىك سەرىكتەستىك پرينسيپتەرىنە نەگىزىندە جۇزەگە اسۋى قاجەت. بۇگىندە كوپتەگەن مەملەكەتتەر مودۋلدى جاتاقحانالار سالۋ تاجىريبەسىن جۇزەگە اسىرۋدا»، - دەدى الۋا جولدىبالينا.

ستاتيستيكا كوميتەتىنىڭ مالىمەتى بويىنشا قازاقستاندا شامامەن 470 مىڭ ستۋدەنت بار. تەك الماتىدا عانا 131 مىڭ ستۋدەنت تۇرسا، ولاردى باسپانامەن قامتاماسىز ەتەتىن 30 مىڭ ورىندىق 94 جاتاقحانا بار.

استانا قالاسىندا 30 جاتاقحانا بار، 2017 جىلى – جاڭا 4 جاتاقحانا سالىندى. 35 كوللەدجدىڭ 2200 ستۋدەنتكە ارنالعان 16 جاتاقحاناسى بار. استانا قالاسىنىڭ جاستار دەپارتامەنتىنىڭ مالىمەتى بويىنشا شامامەن 13 مىڭ ستۋدەنت جاتاقحاناعا مۇقتاج.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي