BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

جانداربەك بەكشين humana ٴسۇت قوسپاسىنان سىناپ تابىلۋىن ٴتۇسىندىردى

استانا، baq.kz ٴتىلشىسى. ەلىمىزدەگى باس سانيتارلىق دارىگەر جانداربەك بەكشين نەمىستىڭ «humana» ماركالى بالالارعا ارنالعان ٴسۇت قوسپاسىنان سىناپتىڭ تابىلۋىنا قاتىستى تۇسىنىك بەردى. بۇل جونىندە ول ورتالىق كوممۋنيكاسيالار قىزمەتىندە وتكەن بريفينگ بارىسىندا مالىمدەدى.

«ٴبىز قازىرگى ۋاقىتتا بۇل جاعدايعا تولىق تەكسەرۋ جۇرگىزىپ جاتىرمىز. وزدەرىڭىز بىلەتىندەي، شىمكەنت قالاسىندا ەكى ايلىق نارەستە اۋرۋحاناعا ٴتۇسىپ، ول «humana» ٴسۇت قوسپاسىن تۇتىنۋ بارىسىندا ونىڭ اعزاسىنا سىناپ تۇسكەنى بەلگىلى بولدى. ول ٴسابي بۇعان دەيىن ٴدال سول اۋرۋحانادا وكپە قابىنۋىنان ەمدەلگەن. انا ٴسۇتىن ەمۋىنە قارسى تاعايىنداۋلار بولعاندىقتان، وعان بالالارعا ارنالعان «humana» بالالارعا ارنالعان ٴسۇت قوسپاسى بەلگىلەنگەن. بۇل وتە تانىمال نەمىس برەندى»، - دەدى بەكشين.

ول اعىمداعى جىلى ٴبىز بالالارعا ارنالعان ٴسۇت قوسپاسىنىڭ 58 سىناماسىنا تەكسەرۋ جۇرگىزدىك. ولاردىڭ ەشقايسىسىنان سىناپ سەكىلدى بوگدە زياندى زاتتار انىقتالماعان.

«ٴقازىر اتالعان ٴسۇت قوسپاسىن جەكە ٴدارىحانادان ساتىپ العاندارى بەلگىلى بولدى. ٴبىز ارنايى ساراپتاما جۇرگىزەتىن بولامىز. سول سياقتى، بالادان، اناسىنان بيوسىنامالار الىندى. سول سياقتى، ۇيدە قالعان سىناپقا دا زەرتتەۋ جۇرگىزىلەدى»، - دەگەن ول قازىرگى ۋاقىتتا بالانىڭ اكەسى ٴسۇت قوسپاسىنان تابىلعان سىناپتى تابىستاۋدان باس تارتىپ وتىرعانىن ايتتى.

ەسكە سالا كەتسەك، بۇگىن باق پەن الەۋمەتتىك جەلىلەردە شىمكەنت قالاسىندا ەكى ايلىق ٴسابي بالالارعا ارنالعان ٴسۇت قوسپاسىن ىشكەننەن كەيىن قۇسىپ، جان ساقتاۋ بولىمىنەن ٴبىر-اق شىققانى تۋرالى اقپارات تاراعان بولاتىن. بالانىڭ اتا-اناسى ونىڭ ناجىسىنەن سىناپ قالدىقتارىن بايقاپ قالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي