BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

جاڭا اۋە كومپانيادا بيلەتتەر باعاسى ارزان بولماق

فوتو: interfax.ru

استانا، baq.kz ٴتىلشىسى. قر ينۆەستيسيالار جانە دامۋ ٴمينيسترى جەڭىس قاسىمبەك air astana بازاسىندا قۇرىلعان جاڭا اۋە كومپانيادا بيلەتتەردىڭ باعاسى ارزان بولاتىنىن مالىمدەدى.

ۇكىمەت وتىرىسىنان شىققان جەڭىس قاسىمبەك air astana بازاسىندا قۇرىلعان جاڭا اۋە كومپانياسىنا قاتىستى ٴوز پىكىرىن ٴبىلدىردى.

«وتكەن اپتادا ەلباسى air astana كومپانياسىنىڭ باسشىلىعى مەن «سامرۇق-قازىنا» ٴال-اۋقات قورىنىڭ تاۋەلسىز ديرەكتورىن قابىلدادى. كەزدەسۋدە مەملەكەت باسشىسى air astana بازاسىندا بيۋدجەتتىك اۋە كومپانيا قۇرۋ تۋرالى تاپسىرما بەردى. الداعى جىلدىڭ مامىر ايىندا اتالعان كومپانيا ٴوز جۇمىسىن باستايدى. جاڭا كومپانيانى قۇرۋ تۋرالى شەشىم air astana اۋە كومپانياسىنىڭ ديرەكتورلار كەڭەسىندە قابىلداندى»، - دەدى ول.

وسى ورايدا مينيستر جاڭا بيۋجەتتىك اۋە كومپانيانى قۇرۋ الەمدىك پراكتيكادا بار ەكەنىن اتاپ ٴوتتى. ونىڭ ايتۋىنشا، الەمدەگى ٴىرى lufthansa، british airways، اەروفلوت سىندى اۋە كومپانيالاردىڭ بيۋدجەتتىك بولىمشەلەرى بار.

سونىمەن قاتار جەڭىس قاسىمبەك جاڭا اۋە كومپانيا ىشكى باعىتقا قىزمەت كورسەتەتىنىن حابارلادى.

«جاڭادان قۇرىلعان اۋە كومپانيا ىشكى باعىتقا قىزمەت كورسەتەدى. ەگەر كومپانيا دامىسا، حالىقارالىق دەڭگەيگە شىعارۋ ماسەلەسى قارالادى. جاڭا اۋە كومپانيا ناقتى قانداي باعىتتارعا قىزمەت كورسەتەتىن الداعى ۋاقىتتا شەشىلەدى»، - دەدى ۆەدومستۆو باسشىسى.

سونداي-اق ول اتالعان كومپانيانىڭ ەنشىسىندە جاڭا ۇشاقتار بولاتىنىن جەتكىزدى.

الداعى جىلى air astana 8 ۇشاق ساتىپ الۋدى جوسپارلاپ وتىر. ول airbus a320 جانە باسقا دا ماركالى ۇشاقتار. تەك وندا ورىندىقتاردىڭ سانى از بولادى. ول جاڭادان قۇرىلعان اۋە كومپانيانىڭ ەنشىسىندە بولادى»، - جەڭىس قاسىمبەك.

ٴسوز سوڭىندا مينيستر اتالعان جاڭا اۋە كومپانيادا بيلەتتەردىڭ باعاسى ايتارلىقتاي ارزان بولاتىنىن اتاپ ٴوتتى.

«ٴبىز قىزمەت كورسەتۋ باعاسى ايتارلىقتاي ارزان بولادى دەپ وتىرمىز. air astana بەرگەن مالىمەتكە سايكەس، قازىرگى تاڭدا «الماتى-استانا» باعىتىنداعى بيلەتتىڭ قۇنى 32 000-34 000 تەڭگە. ال جاڭا اۋە كومپانيادا اتالعان باعىتتاعى بيلەتتىڭ باعاسى 16 000 – 18 000 تەڭگە بولماق. سونىمەن قاتار جاڭا اۋەكومپانياعا ۇكىمەتتەن سۋبسيديا بولىنبەيدى»، - دەدى ينۆەستيسيالار جانە دامۋ ٴمينيسترى.

وسىعان دەيىن ەلىمىزدە قۇرىلعان جاڭا اۋەكومپانيانىڭ اتاۋى بەلگىلى بولعانىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي