BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

«جاڭا ٴادىستى» مەڭگەرگەن جامبىلدىق دارىگەرلەردىڭ جالاقىسى وسەدى

استانا، baq.kz ٴتىلشىسى. بۇگىن جامبىل وبلىسىنىڭ اكىمى اسقار مىرزاحمەتوۆ ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا مەملەكەت باسشىسىنىڭ جولداۋىنداعى باسىم باعىتتاردىڭ ورىندالۋى تۋرالى باياندادى. ونىڭ ايتۋىنشا، وڭىردەگى جاڭا تەحنولوگيا بويىنشا وقىتىلعان دارىگەرلەردىڭ ەڭبەكاقىسى كەزەڭ-كەزەڭىمەن كوتەرىلەدى.

وبلىس اكىمى جولداۋعا سايكەس مەديسينالىق قىزمەت ساپاسىن جانە اۋىلدىق جەرلەردە العاشقى مەديسينالىق كومەكتىڭ قولجەتىمدىلىگىن ارتتىرۋ ٴۇشىن 95 العاشقى-مەديسينالىق كومەك نىسانىن سالۋ قاجەت ەكەنىن ايتتى. جىل سوڭىنا دەيىن مەملەكەتتىك-جەكەشەلىك ارىپتەستىك شەڭبەرىندە 31 نىسان، بيۋدجەت ەسەبىنەن 9 نىسان پايدالانۋعا بەرىلمەك. 2019 جىلى 68 نىسان سالىنادى.

«العاشقى مەديسينالىق كومەك كورسەتەتىن قىزمەتكەرلەردىڭ ەڭبەكاقىسىن ارتتىرۋ ماقساتىندا 20 ەمحانادا ارنايى باعدارلاما ەنگىزىلدى. ٴقازىر ول جەردەن 180 مامان وقىپ شىقتى. ودان ٴارى 670 دارىگەر مەن 1560 مەيىربيكە جاڭا تەحنولوگيا بويىنشا وقۋدان وتەتىن بولادى. جاڭا ادىستەردى مەڭگەرگەندەردىڭ ەڭبەكاقىسى كەزەڭ-كەزەڭىمەن 20 پروسەنتكە وسىرىلەى»، - دەدى جامبىل وبلىسىنىڭ اكىمى اسقار مىرزاحمەتوۆ.

بۇعان دەيىن، ايماق باسشىسى تۇرعىندار ٴۇشىن گازدى ۇيگە كىرگىزۋ باعاسى تومەندەتىلگەنىن جەتكىزگەن بولاتىن. جالپى، وبلىس ورتالىعى تاراز قالاسىندا تاعى ەكى اۋدان پايدا بولدى. سونىمەن قاتار، اپاتتى مەكتەپتەر ماسەلەسى دە شەشىمىن تاباتىندىعى ايتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي