BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

جامبىلدا جەل ەلەكتر ستانسياسى سالىنادى 

فوتو: интернеттен

تاراز، baq.kz. جامبىل وبلىسىنىڭ سارىسۋ اۋدانىندا «china power international holding ltd» كومپانياسى جەل ەلەكتر ستانسياسىن سالادى. بۇل جوبانى اتالعان كومپانيانىڭ قازاقستانداعى قۇرىلتايشىسى بولىپ تابىلاتىن «ۆيزور كازاقستان» جشس جۇزەگە اسىراتىن بولادى.

وبلىستاعى ينۆەستورلارعا قىزمەت كورسەتۋ، جوبالىق باسقارۋ جانە سيفرلاندىرۋ ورتالىعىنىڭ ٴباسپاسوز قىزمەتى ۇسىنعان اقپاراتقا سايكەس، ينۆەستورلار سارىسۋ اۋدانىندا 100 مۆت جەل ەلەكتر ستانسيالارىن سالادى.

جوبا بويىنشا 233 گەكتار جەرگە جەلدەن قۋات وندىرەتىن 40 ارنايى قوندىرعى ورناتىلماق. ولاردىڭ ٴارقايسىنىڭ قۋاتى 2،5 مۆت بولادى. ستانسيا جىلىنا 350 ملن كۆت/ساع ەلەكتر ەنەرگياسىن وندىرەدى دەپ جوسپارلانىپ وتىر.

قۇنى 130 ملن اقش دوللارىن قۇرايتىن جوبانىڭ قۇرىلىس جۇمىستارى بيىل باستالادى. قۇرىلىس كەزىندە 200-300 ادام ۋاقىتشا جۇمىسپەن، جوبا ىسكە قوسىلعاندا 30-40 ادام تۇراقتى جۇمىسپەن قامتىلۋى مۇمكىن.

ەلىمىزدىڭ ەنەرگەتيكالىق سەكتورىن ستراتەگيالىق ترانسفورماسيالاۋ اياسىندا جاڭارتىلعان ەنەرگيا كوزىنەن وندىرىلەتىن ەلەكتر ەنەرگياسىنىڭ ۇلەسىن ارتتىرۋ، ەكولوگيالىق تازا ەنەرگيا ٴوندىرۋ جانە اتموسفەراعا كومىرقىشقىل گازىنىڭ شىعاندارىن ازايتۋ ماقساتىندا قولعا الىنعان جوبا ٴساتتى جۇزەگە اسىرىلعان جاعدايدا قازىناعا ورتاشا ەسەپپەن 2020 جىلى 8،1 ملرد تەڭگە پايدا تۇسەدى دەپ بولجانىپ وتىر جانە بۇل كورسەتكىش جىل وتكەن سايىن ۇلعايا تۇسەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي