BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

جامبىلدا 430 مىڭ شارشى مەتر باسپانا پايدالانۋعا بەرىلەدى

فوتو: ic24.kz

2018 جىلدىڭ سوڭىنا دەيىن جامبىل وبلىسىنا 430 مىڭ شارشى مەتر باسپانا پايدالانۋعا بەرىلەدى. بۇل جونىندە وڭىرلىك كوممۋنيكاسيالار قىزمەتىندە وتكەن بريفينگتە جامبىل وبلىسى اكىمدىگىنىڭ قۇرىلىس، جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ادىلەت احاتايەۆ مالىمدەدى، دەپ حابارلايدى baq.kz ٴتىلشىسى.

«باسقارمامەن وبلىستاعى قۇرىلىس سالاسى بويىنشا 107 نىساننىڭ قۇرىلىسىنا 27 ملرد 259 ملن تەڭگە ٴبولىندى. بۇگىنگى تاڭدا 39 نىسان پايدالانۋعا تاپسىرىلىپ وتىر جانە 51 نىسان جىلدىڭ سوڭىنا دەيىن تاپسىرىلادى دەپ جوسپارلاپ وتىرمىز. قالعان 17 نىسان 2019 جىلعا وتەدى. قۇرىلىس جۇمىستارى ٴبىلىم – 15 نىسان، دەنساۋلىق ساقتاۋ – 10 نىسان، اۋىز سۋمەن قامتاماسىز ەتۋ – بارلىعى 19 نىسان، تۇرعىن ٴۇي قۇرىلىسى – 20 نىسان، ينجەنەرلىك-كوممۋنيكاسيالىق جۇيەلەرمەن قامتاماسىز ەتۋ – 31 نىسان، سپورت سالاسى بويىنشا – 7 نىسان جانە باسقا دا باعىتتارى بويىنشا – 4 نىسان شەگىندە جۇرگىزىلدى»، - دەدى باسقارما باسشىسى.

ونىڭ ايتۋىنشا، اعىمداعى جىلى ٴبىلىم سالاسىنداعى 15 نىساننىڭ قۇرىلىسىنا رەسپۋبليكالىق جانە وبلىستىق بيۋدجەت ەسەبىنەن 4 169،1 ملن تەڭگە ٴبولىندى. بۇگىنگى كۇنى 9 نىسان پايدالانۋعا تاپسىرىلىپ وتىر.

«تۇرعىن ٴۇي قۇرىلىسىنا 20 نىسانعا رەسپۋبليكالىق جانە وبلىستىق بيۋدجەت ەسەبىنەن 7 ملرد 220 ملن تەڭگە ٴبولىندى. بۇگىنگى كۇنى 10 نىسان، ياعني، 46،9 مىڭ شارشى مەتر تۇرعىن ٴۇي پايدالانۋعا تاپسىرىلدى. قالعان 10 نىسان جىلدىڭ سوڭىنا دەيىن تاپسىرىلادى دەگەن جوسپار بار. 2018 جىلى بارلىق قارجىلاندىرۋ كوزدەرىنەن پايدالانۋعا تاپسىرىلاتىن تۇرعىن ٴۇي كولەمىنىڭ جىلدىق جوسپارى 430،9 مىڭ شارشى مەتردى قۇراپ وتىر. 8 ايدىڭ قورىتىندىسى بويىنشا جالپى 311،2 مىڭ شارشى مەتر تۇرعىن ٴۇي پايدالانۋعا تاپسىرىلدى. بۇل وتكەن جىلدىڭ ەسەپتى كەزەڭىمەن سالىستىرعاندا كورسەتكىش 16،5%-عا ارتىق»، - دەدى احاتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
03 ناۋرىز 2016, 13:50
430 875 سايلاۋشى تىركەلدى
كوممەنتاريي