BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

زەينەتكەرلىكتى حقو-دا راسىمدەۋگە بولادى

الماتى، baq.kz. 2018 جىلدىڭ قازان ايىنان باستاپ زەينەتكەرلىك جاسقا جەتكەندەر ٴۇشىن زەينەتاقىنى راسىمدەۋ ٴتارتىبى جەڭىلدەتىلدى، دەپ حابارلايدى «ازاماتتارعا ارنالعان ۇكىمەت» مەملەكەتتىك كورپوراسياسى.

ەندى زەينەتكەرلىككە بايلانىستى تولەمدەر تاعايىنداۋ بويىنشا بارلىق مەملەكەتتىك قىزمەتتەر «ٴبىر ٴوتىنىش» ٴپرينسيپى بويىنشا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ حالىققا قىزمەت كورسەتۋ ورتالىقتارى ارقىلى كورسەتىلەتىن بولادى.

«بۇعان دەيىن زەينەتكەرلىك جاسقا جەتكەن ازامات حقو-عا كەلىپ زەينەتكەرلىك جاسقا جەتۋى جانە بازالىق زەينەتاقى تولەۋ تۋرالى 2 ٴوتىنىش بەرەتىن، ٴارى ٴبىر ايدان كەيىن قايتادان مەملەكەتتىك كەپىل تولەم جاساۋ تۋرالى ٴوتىنىش جازىپ، سوسىن ٴبىرىڭعاي جيناقتاۋشى زەينەتاقى قورىنا تولەمدەردى تولەۋ جايلى تاعى ٴبىر ٴوتىنىش بەرەتىن. ەندى وسى 4 قىزمەت ٴۇشىن حقو-عا ٴبىر-اق رەت كەلىپ، ٴبىر عانا ٴوتىنىش تاستاسا جەتكىلىكتى»، - دەلىنگەن حابارلامادا.

كومپوزيتتىك قىزمەت قۇرامىنا جاسىنا بايلانىستى زەينەتاقى تاعايىنداۋ، مەملەكەتتىك بازالىق زەينەتاقى تولەمدەرى جانە بجزق-دان زەينەتاقى تولەۋ قىزمەتتەرى كىرىپ وتىر. بۇدان باسقا، (ينفلياسيانىڭ دەڭگەيى مەن زەينەتاقى جيناقتارىنىڭ سوماسىن ەسكەرە وتىرىپ، ناقتى ەنگىزىلگەن مىندەتتى زەينەتاقى جارناسى، مىندەتتى كاسىپتىك زەينەتاقى جارناسى سوممالارىنىڭ اراسىنداعى ايىرماسى) مەملەكەتتىك كەپىلدى تولەمدەردى تولەۋ پرواكتيۆتى تۇردە – ادامنىڭ مىندەتتى قاتىسۋىنسىز جۇزەگە اسىرىلادى.

ايتا كەتۋ كەرەك، 2018 جىلدىڭ 9 ايىندا مەملەكەتتىك كورپوراسيانىڭ ماماندارى زەينەتكەرلىك جاسىنا جەتكەندەر بويىنشا 67 374 تولەم، سونداي-اق 76 643 بازالىق زەينەتاقى مەن 51 571 مەملەكەتتىك كەپىلدىك تولەمدەرىن راسىمدەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي