BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

زەينەتاقى تولەمدەرىنە قاتىستى جاڭا وزگەرىستەر

فوتو: Kapital.kz

ٴوزىن جۇمىسپەن قامتاماسىز ەتىپ وتىرعاندار مىندەتتى زەينەتاقى جارنالارىن ازاماتتارعا ارنالعان ۇكىمەت مەملەكەتتىك كورپوراتيۆىنە تولەۋگە مىندەتتى. بۇل جايىندا الماتىدا وتكەن بريفينگ بارىسىندا بجزق اق باسقارما ٴتورايىمىنىڭ ورىنباسارى ساۋلە ەگەۋبايەۆا ايتتى، دەپ حابارلايدى baq.kz ٴتىلشىسى.

بۇعان دەيىن 2018 جىلدىڭ 2 شىلدەسىندە «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قر زاڭىنا زەينەتاقى تولەمدەرىن ەسەپكە الۋ، اۋدارۋ، قايتارۋ ماسەلەلەرى بويىنشا مەملەكەتتىك كورپوراسيا مەن بجزق-نىڭ ٴوزارا ارەكەتتەستىگى تۋرالى ەرەجەسىنە قاتىستى تولىقتىرۋلار ەنگىزىلگەن. سوعان سايكەس «ٴبىر تەرەزە» قاعيداتى قولدانىلا وتىرىپ، كومپوزيتتىك قىزمەت قولعا الىنعانى بۇعان دەيىن ايتىلعان بولاتىن.

«وسى قاعيداتتاردىڭ رەداكسياسىنا سايكەس جەكە كاسىپكەرلەر، جەكە نوتاريۋستار، جەكە سوت ورىنداۋشىلار، ادۆوكاتتار جانە كاسىبي مەدياتورلار مىندەتتى زەينەتاقى جارنالارىن ازاماتتارعا ارنالعان ۇكىمەت مەملەككەتتى كورپوراتيۆىنە تولەۋگە مىندەتتى»، - دەيدى س.ەگەۋبايەۆا.

ونىڭ ايتۋىنشا، ٴقازىر بۇل قاعيدالار جوعارىدا ەنگىزىلگەن زاڭنامالىق وزگەرىستەرگە سايكەس ناقتىلانىپ جاتىر. بانك وپەراسيالارىنىڭ جەكەلەگەن تۇرلەرىن جۇزەگە اسىرۋدا شوتتارى جوق جەكە كاسىپكەرلەر، جەكە نوتاريۋستەر، جەكە سوت ورىنداۋشىلارى، ادۆوكاتتار جانە كاسىبي مەدياتورلار مىندەتتى زەينەتاقى جارنالارىن قورعا اۋدارۋ ٴۇشىن ولاردى ەكىنشى دەڭگەيلى بانكتەرگە قولم-قول اقشا رەتىندە ەنگىزەدى.

«قانداي دا ٴبىر كەزەڭدە تابىس بولماعان جاعدايدا اتالعان تۋلعالار بجزق-نا رەسپۋبليكالىق بيۋدجەت تۋرالى زاڭىندا بەلگىلەنگەن ەڭ تومەنگە جالاقى مولشەرلەمەسىنىڭ 10 پايىزدىق ەسەبىنەن ٴوز پايداسىنان مىندەتتى زەينەتاقى جارناسىن تولەۋگە قۇقىلى»، - دەيدى ول.

ەگەر زەينەتاقىمەن قامسىزداندىرۋ تۋرالى شارت بولماعان جاعدايدا، جەكە زەينەتاقى شوتىن اشۋ تۋرالى وتىنىشكە قول قويۋ ارقىلى زەينەتاقىمەن قامسىزداندىرۋ تۋرالى شارت جاساسۋى قاجەت ەكەن.

سونىمەن قاتار، ول اتالعان تۇزەتۋلەر مىندەتتى زەينەتاقى جارنالارىن تۇراقتى جانە تولىق كولەمدە اۋدارۋ ەسەبىنەن ازاماتتاردىڭ زەينەتاقى جيناقتارىن ارتتىرۋ ماقساتىندا ەنگىزىلىپ وتىرعاندىعىن جەتكىزدى.

«قازىرگى كۇنى ەلىمىزدە ٴۇش دەڭگەيلى زەينەتاقى جۇيەسى جۇمىس ىستەيدى. ول مەملەكەتتى، جۇمىس بەرۋشىلەردى جانە بارلىق جۇمىس ىستەۋشى ازاماتتاردى، ونىڭ ىشىندە جالدانىپ جۇمىس ىستەيتىن ازاماتتاردى دا قامتيدى. ۋاقىت وتە كەلە زەينەتاقى جۇيەسىنىڭ جيناقتاۋشى بولىگى باسىمدىققا يە بولادى، سوندىقتان جۇمىسپەن قامتىلعان تۇرعىنداردى زەينەتاقى جۇيەسىمەن بارىنشا قامتۋ قاجەت. سايكەسىنشە مىندەتتى زەينەتاقى جارنالارىن قورعا ۋاقىتىلى جانە تۇراقتى نەگىزدە اۋدارىپ وتىرۋ ازاماتتاردىڭ بارلىق ساناتى، ونىڭ ىشىندە ازاماتتىق قۇقىقتىق شارتتارى اياسىندا جۇمىس ىستەيتىن ازاماتتار ٴۇشىن وتە ماڭىزدى»، - دەپ اتاپ ٴوتتى ساۋلە ەگەۋبايەۆا.

ونىڭ ايتۋىنشا، بۇل زەينەتاقى جيناقتارى سوماسىن ارتتىرىپ قانا قويماي، بازالىق زەينەتاقى مولشەرىن ارتتىرۋعا دا مۇمكىندىك بەرەدى. سەبەبى 2018 جىلدىڭ 1 شىلدەسىنەن باستاپ بازالىق زەينەتاقىنى ەسەپتەۋ بارىسىندا 1998 جىلعا دەيىن ەڭبەك ٴوتىلى مەن جيناقتاۋشى زەينەتاقى جۇيەسىنە قاتىسۋ ٴوتىلى دە ەسكەرىلەدى ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي