BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

زەينەتاقى. مەملەكەتتىك كەپىلدىك دەگەن نە جانە ول كىمگە تولەنەدى؟

فوتو: Хабар 24

استانا، baq.kz. 2018 جىلعى 11 قازاننان باستاپ ەلىمىزدە زەينەتكەرلىك جاسقا جەتكەن سوڭ تولەمدەر تاعايىنداۋ بويىنشا بارلىق قىزمەتتەر كەشەندى تۇردە، باسقالاي اتقاندا، كومپوزيتتىك-پرواكتيۆتى فورماتتا كورسەتىلەدى. بۇل تۋرالى تولىعىراق قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ٴباسپاسوز قىزمەتى حابارلادى.

قۇجاتتاردى راسىمدەۋ ٴۇشىن «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامى حالىققا قىزمەت كورسەتۋ ورتالىعىنا جۇگىنىپ، تەك ٴبىر ٴوتىنىش تولتىرۋ جانە ٴبىر قۇجاتتار پاكەتىن ۇسىنۋ قاجەت. سونىڭ نەگىزىندە ادامنىڭ ٴۇش ٴتۇرلى زەينەتاقى تولەمىن: ىنتىماقتى (ەڭبەك) زەينەتاقى، بازالىق زەينەتاقى جانە ٴبىرىڭعاي جيناقتاۋشى زەينەتاقى قورىنان تولەنەتىن زەينەتاقى الۋعا قۇقىعى قارالادى.

بۇنىڭ الدىندا زەينەتكەرلەر الدىمەن حالىققا قىزمەت كورسەتۋ ورتالىعىنا، سوسىن ٴبىرىڭعاي جيناقتاۋشى زەينەتاقى قورىنا جۇگىندى، وسى رەتتە زەينەتاقى تولەمدەرىنىڭ ٴاربىر ٴتۇرى بويىنشا ٴوتىنىش پەن قۇجاتتار پاكەتى تالاپ ەتىلدى، بۇل بولسا، زەينەتاقى الۋشىلار ٴۇشىن ىڭعايسىزدىق تۋدىردى. بۇعان قوسا، زەينەتاقى تولەمدەرى زەينەتاقى الۋشىنىڭ شوتىنا ٴتۇرلى ۋاقىتتا ٴتۇسىپ وتىردى جانە زەينەتكەرگە قانداي زەينەتاقىسى تۇسكەنىن ٴتۇسىنۋ قيىن بولدى.

زەينەتكەرلىك جاسقا جەتكەن كەزدە زەينەتاقى الۋشىنىڭ زەينەتاقى شوتىنىڭ تابىستىلىعى جيناقتاۋشى زەينەتاقى جۇيەسىنە قاتىسقان بارلىق كەزەڭ بويى بولعان ينفلياسيا دەڭگەيىمەن سالىستىرىلادى. ەگەر ول ينفلياسيا دەڭگەيىنەن تومەن بولسا، مەملەكەت ايىرمانى تولەيدى. وسىنى مەملەكەت كەپىلدىگى دەپ اتايدى. ياعني مەملەكەت قارجى نارىعىنداعى جانە ينۆەستيسيالىق كىرىستەرگە بايلانىستى جاعدايعا قاراماستان ٴبىرىڭعاي جيناقتاۋشى زەينەتاقى جۇيەسىنە قاتىسۋشىلاردىڭ جيناقتارىنىڭ قورعالۋىنا كەپىلدىك بەرەدى.

جۇمىسكەرلەر اي سايىن ٴبىرىڭعاي جيناقتاۋشى زەينەتاقى قورىنا مىندەتتى زەينەتاقى جارنالارىن، ال جۇمىس بەرۋشىلەر مىندەتتى كاسىپتىك زەينەتاقى جارنالارىن اۋداراتىنىن بەلگىلى.

ەگەر ينۆەستيسيالىق كىرىستى ەسكەرگەندە زەينەتاقى جيناقتارىنىڭ جالپى سوماسى ينفلياسيا دەڭگەيىن ەسكەرە وتىرىپ ناقتى ەنگىزىلگەن مىندەتتى زەينەتاقى جارنالارىنىڭ، مىندەتتى كاسىپتىك زەينەتاقى جارنالارىنىڭ سوماسىنا تەڭ نە ودان كوپ بولسا، وندا مەملەكەتتىك كەپىلدىك تولەنبەيدى.

ەگەر زەينەتاقى جيناقتارىنىڭ جالپى سوماسى ينفلياسيا دەڭگەيىن ەسكەرە وتىرىپ ناقتى ەنگىزىلگەن مىندەتتى زەينەتاقى جارنالارىنىڭ، مىندەتتى كاسىپتىك زەينەتاقى جارنالارىنىڭ سوماسىنان از بولسا، وندا مەملەكەتتىك كورپوراسيانىڭ اۋداندىق بولىمدەرى ارنايى فورمۋلا بويىنشا مەملەكەتتىك كەپىلدىكتى ەسەپتەيدى. بۇل رەتتە بەلگىلى ٴبىر كەزەڭدە بولعان ينفلياسيا دەڭگەيى قازاقستان رەسپۋبليكاسى ستاتيستيكا اگەنتتىگىنىڭ مالىمەتتەرى نەگىزىندە بەلگىلەنەدى.

مەملەكەتتىك كەپىلدىك تاعايىنداۋ ماسەلەسى ازاماتتاردىڭ جۇگىنۋىن تالاپ ەتپەيدى، ياعني اۆتوماتتى، پرواكتيۆتى تۇردە قارالادى.

ايىرما تولەمىن تاعايىنداۋ مەرزىمى زەينەتكەرلىك جاسقا كەلۋ كۇنى (ايەلدەر ٴۇشىن – 58،5 جاس، ەرلەر ٴۇشىن – 63 جاس) بولعان ينفلياسيا دەڭگەيى

تۋرالى اقپار بولعان جاعدايدا بازالىق زەينەتاقى تولەمى تاعايىندالعان كۇننەن كەيىنگى كۇنى، ٴبىراق ونىڭ تاعايىنداعان كۇننەن باستاپ وتىز كۇننەن اسپايتىن مەرزىمدە باستالادى.

زەينەتكەر ازاماتتارعا زەينەتاقى تولەمدەرى ٴبىر بانكتىك شوتىنا ٴبىر مەزگىلدە سالىنادى. مەملەكەتتىك كەپىلدىك بويىنشا ايىرما دا سول كەزدە اۋدارىلادى (ادامدا ونى الۋعا قۇقىق بولعان جاعدايدا).

تولەمدەر قازاقستان رەسپۋبليكاسى ۇكىمەتىنىڭ «قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى» 2018 جىلعى 9 قازانداعى № 624 قاۋلىسىنا سايكەس تولەنەدى.

بۇگىنگى كۇنى وسىنداي مۇمكىندىكتى 2084 ادام پايدالاندى. مەملەكەتتىك كەپىلدىكتى ٴبىرجولعى تولەۋ رەسپۋبليكالىق بيۋدجەت قاراجاتى ەسەبىنەن جۇرگىزىلۋدە.

مەملەكەتتىك كەپىلدىك:

- زەينەتكەرلىك جاسقا تولعان (ەرلەر – 63 جاستا، ايەلدەر – 58،5 جاستا);

- ٴبىرىنشى نەمەسە ەكىنشى توپتاعى مۇگەدەكتىك مەرزىمسىز بەلگىلەنگەن;

- زەينەتكەرلىك جاسقا جەتكەن (58،5/63) جانە زەينەتاقى اننۋيتەتى شارتىن جاساسقان جانە زەينەتكەرلىك جاسقا تولعانعا دەيىن ساقتاندىرۋ ۇيىمىمەن زەينەتاقى اننۋيتەتى شارتىن جاساعان ساتتەن باستاپ ٴبىرىڭعاي جيناقتاۋشى زەينەتاقى قورىندا زەينەتاقى جيناقتارى بار;

- قازاقستان رەسپۋبليكاسىنان تىس جەرلەرگە تۇراقتى تۇرۋعا كەتكەن، قازاقستان رەسپۋبليكاسىنىڭ زاڭناماسىندا ايقىندالعان كەتۋ فاكتىسىن راستايتىن قۇجاتتاردى ۇسىنعان شەتەلدىكتەر مەن ازاماتتىعى جوق ادامدارعا تولەنەدى.

ازاماتتارعا قولايلى بولۋ ٴۇشىن زەينەتكەرلەر «ەلەكتروندىق ۇكىمەت» egov.kz پورتالى ارقىلى ولارعا حالىققا قىزمەت كورسەتۋ ورتالىقتارىنا جۇگىنۋ قاجەت پە ەكەنىن تەكسەرە الادى. «مەملەكەتتىك كەپىلدىك بويىنشا ايىرما تولەمىنە قۇقىق تۋرالى اقپارات» ەلەكتروندىق سەرۆيسىن قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى «ۇلتتىق اقپاراتتىق تەحنولوگيالار» اق جانە «ازاماتتارعا ارنالعان ۇكىمەت» مەملەكەتتىك كورپوراسياسى» كەاق بىرلەسىپ ازىرلەدى.

سەرۆيستى اعىمداعى جىلعى 1 قاراشادا «ەلەكتروندىق ۇكىمەت» egov.kz پورتالىندا ىسكە قوسۋ جوسپارلانىپ وتىر.

ازاماتتاردىڭ مەملەكەتتىك كەپىلدىك بويىنشا ايىرما تولەمىن الۋعا قۇقىعى بولعان كەزدە پورتالدا ولارعا ٴتيىستى ٴوتىنىشتى بەرۋ ٴۇشىن تۇرعىلىقتى جەرىنە جاقىن ورنالاسقان حالىققا قىزمەت كورسەتۋ ورتالىعىنا جۇگىنۋ قاجەتتىگى تۋرالى ۇسىنىم شىعادى.

ەگەر ازامات مەملەكەتتىك كەپىلدىك بويىنشا ايىرما تولەمىنە بۇرىن ٴوتىنىش بىلدىرگەن بولسا نەمەسە بۇل تولەمدى الۋعا ونىڭ قۇقىعى بولماسا، ول تۋرالى اقپارات تا وسى ەلەكتروندىق سەرۆيس ارقىلى بەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي