BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

زاڭ كومەگى تۋرالى زاڭنامانى بۇزعان ادۆوكاتتار ليسەنزياسىنان ايىرىلدى

استانا، baq.kz. قر ادىلەت مينيسترلىگىنىڭ تالاپ-ارىزى بويىنشا سوت مەملەكەت كەپىلدىك بەرگەن زاڭ كومەگى تۋرالى زاڭنامانى بۇزعانى ٴۇشىن اقتوبە وبلىسى ادۆوكاتتار القاسىنىڭ ٴۇش ادۆوكاتىنىڭ ليسەنزياسىن توقتاتتى. بۇل تۋرالى ابىلەت مينيسترلىگىنىڭ ٴباسپاسوز قىزمەتى مالىمدەدى.

اقتوبە وبلىسىنىڭ ادۆوكاتتار القاسى ادۆوكاتتارىنىڭ ازاماتتارعا مەملەكەت كەپىلدىك بەرگەن زاڭ كومەگىن كورسەتۋدە قولدانىستاعى زاڭناما نورمالارىن بۇزۋ فاكتىلەرى، ال مۇقتاج ازاماتتاردىڭ ولاردى الۋ قۇقىعىنان ايىرىلعاندىعى انىقتالدى.

سونىمەن بىرگە، اقتوبە وبلىسىنىڭ ادۆوكاتتارىنىڭ قازاقستان رەسپۋبليكاسى زاڭدارىن بۇزۋ فاكتىلەرى بىرەگەي ەمەس، جۇيەلى سيپاتقا يە.

قولدانىستاعى زاڭناماعا سايكەس قازاقستان رەسپۋبليكاسىنىڭ ازاماتى عانا ادۆوكات بولا الادى. ٴبىراق، ادۆوكات ۆ.ي. ياكۋبەنكو رەسەي فەدەراسياسىنىڭ ازاماتى بولا وتىرىپ، مەملەكەت كەپىلدىك بەرگەن زاڭ كومەگىن كورسەتۋ جۇيەسىنە قاتىسقانى جانە بيۋدجەتتەن 5 ميلليون تەڭگە كولەمىندە تولەم العانى انىقتالدى.

كورسەتىلگەن بۇزۋشىلىقتار ٴۇشىن ادۆوكات ۆ.ي. ياكۋبەنكو ايىپپۇل تۇرىندە سوتپەن اكىمشىلىك جاۋاپكەرشىلىككە تارتىلدى. ونىڭ ادۆوكاتتىق قىزمەتپەن اينالىسۋ قۇقىعىنا بەرىلگەن ليسەنزياسىنىڭ كۇشى توقتاتىلدى.

بۇل قۇقىقبۇزۋشىلىقتار اقتوبە وبلىستىق ادۆوكاتتار القاسىنىڭ پرەزيديۋمىنىڭ ٴتورايىمى ر. ياكۋبەنكونىڭ جۇمىستى دۇرىس ۇيىمداستىرماۋى جانە ادۆوكاتتاردىڭ قىزمەتىنە باقىلاۋدى ٴتيىستى دەڭگەيدە جۇرگىزبەۋى جانە جۇبايى ۆ. ياكۋبەنكونىڭ بيۋدجەت قاراجاتىن الۋ تۋرالى قۇجاتتارعا كەدەرگىسىز قول قويعانى سالدارىنان بولعان.

سونىمەن قاتار، ادۆوكات ٴوزىنىڭ كاسىبي قىزمەتىندە قۇقىق پەن زاڭعا قىزمەت ەتۋدەگى ٴوزىنىڭ ميسسياسىن سەزىنۋگە، قۇقىق ۇستەمدىگى پرينسيپتەرىنىڭ تاجىريبەدە ىسكە اسىرىلۋى مەن ورنىعۋىنا جانە زاڭدىلىقتىڭ مۇلتىكسىز ساقتالۋىنا ىقپال ەتۋگە ٴتيىس.

ادۆوكاتتىڭ مىنەز قۇلقى زاڭ كومەگىن كورسەتۋمەن قاتار تۇرمىستا جانە جەكە ومىردە دە زاڭنىڭ تالاپتارىنا جانە ادامگەرشىلىك پرينسيپتەرىنە ساي كەلۋى ٴتيىس.

ٴبىزدىڭ ويىمىزشا، ر.ي. ياكۋبەنكونىڭ ىس-ارەكەتتەرى ادۆوكاتۋرا ينستيتۋتىنا دەگەن قوعامنىڭ سەنىمىنە، جالپى ادۆوكات كاسىبىنىڭ بەدەلىنە نۇقسان كەلتىرەدى.

مينيسترلىك ادۆوكاتتار القاسىنىڭ قىزمەتىن ۇيلەستىرۋشى رەتىندە رەسپۋبليكالىق ادۆوكاتتار القاسى اقتوبە وبلىستىق ادۆوكاتتار القاسى ٴتورالقاسىنىڭ ٴتورايىمى ر. ياكۋبەنكونىڭ جاۋاپكەرشىلىگى تۋرالى ماسەلەنى راا پرەزيديۋمىنىڭ جاقىن ارادا وتكىزىلەتىن وتىرىسىندا قاراستىرۋ قاجەت دەپ پايىمدايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي