USD 335.71 EUR 357.36 RUB 5.23
استانا:

youtube ارقىلى اقشا تابۋدىڭ جولدارىن بىلەسىز بە؟

قازاقستاندا ۆيدەوبلوگينگ كۇن ساناپ قارقىن الىپ كەلەدى. باسىندا بۇل تەك ەرمەك ٴۇشىن جاسالسا، ٴقازىر ونى قوسىمشا تابىس كوزىنە اينالدىرعاندار دا بار. قازاقپارات ٴتىلشىسى سونداي بلوگەرلەرمەن تىلدەسىپ، جاڭا «ماماندىقتىڭ» قىر-سىرىن اشۋعا تىرىسىپ كوردى.

forbes جۋرنالى بىلتىر youtube الەمىنىڭ ەڭ تابىستى بلوگەرى شۆەد ازاماتى فەليكس كەللبەر (pewdiepie) ەكەنىن انىقتاعان. تانىمال ويىنداردىڭ بىرىنە ۆيدەوگايد تۇسىرۋمەن اينالىساتىن فەليكس 40 ميلليون كورەرمەن جيناعان جانە 12 ميلليون دوللار تابىس تاپتى.

تانىمال ۆيدەوxوستينگ ارقىلى قازاقستاندىقتار دا اقشا تابا الادى. قازاقپارات ٴتىلشىسىنىڭ رەسمي ساۋالىنا بەرگەن جاۋابىندا google كومپانياسىنىڭ ٴباسپاسوز قىزمەتى كەز كەلگەن قازاقستاندىق youtube سەرىكتەسى اتانىپ، ٴوزىنىڭ youtube ارناسىندا مونەتيزاسيا جاساي الادى.

«سەرىكتەس اتانۋ ٴۇشىن ارنانىڭ باپتاۋىنا كىرىپ، مونەتيزاسيانى باسسا بولعانى. سودان كەيىن «اۆتورلارعا ارنالعان اكادەميا» قىزمەتىنىڭ رەسۋرستارى مەن ۇسىنىستارىن قولدانا وتىرىپ، ارنانى دامىتۋعا جانە وڭتايلاندىرۋعا كۇش سالۋعا بولادى. ارنا كورەرمەندەرى ۇلعايعان سايىن اۆتور youtube-تان جاڭا مۇمكىندىكتەر مەن قولداۋلار تابا الادى. مىسالى، 10 مىڭ كورەرمەن جيناعان اۆتورلار ارنانى وڭتايلاندىرۋ مەن ودان ٴارى دامىتۋعا قاتىستى youtube مامانىنان تەگىن كەڭەس الۋ مۇمكىندىگىنە يە بولادى»، - دەپ جازادى كومپانيانىڭ ٴباسپاسوز قىزمەتى.

youtube قولدانۋشىنىڭ ارناسىن جانە ۆيدەوسىن جارنامالىق بلوكتارمەن قامتاماسىز ەتەدى. اقشا ۆيدەونى كورگەن ادام سانىنا قاراپ ەمەس، جارناما باننەرلەرىنە كىرگەن ادام سانىنا بايلانىستى تولەنەدى. ٴبىراق قازاقستاندىق ۆيدەوبلوگەرلەر بۇنداي ادىسپەن كوپ تابىسقا كەنەلە المايسىڭ. بلوگەرلەرگە تىكەلەي جارناما بەرۋشىلەر xابارلاسسا، قوماقتى تابىس تابۋعا بولادى دەيدى.

ٴىلياس ٴابدۋليننىڭ جاسى 24-تە. ول – «رەاكسيا» اتتى قازاقستاندىق youtube-ارنانىڭ نەگىزىن قالاۋشى (https://www.youtube.com/user/ilyasabdulin). قازىرگى ۋاقىتتا وعان 460 مىڭعا جۋىق ادام جازىلعان. ونىڭ ينتەرنەت جوباسى جاستاردىڭ ۆيدەوxوستينگتاعى جاڭا ترەندتەرگە دەگەن كوزقاراسىن، رەاكسياسىن كورسەتەدى. قازاقپارات تىلشىسىنە بەرگەن سۇxباتىندا ٴىلياس بۇل سالاعا ٴۇش جىل بۇرىن كەلگەنىن، اقش-تا وقىپ جۇرگەن كەزىندە باستاعانىن ايتتى.

«ەگەر ۆيدەوبلوگ جۇرگىزۋ وزىڭە ۇنايتىن بولسا، سونشالىقتى اۋرەگە سالمايدى. ول كوپ ۋاقىت الادى دەپ ايتپاس ەدىم. بۇل شىعارماشىلىق پروسەسس جانە وعان كەڭسەدەگى جۇمىس سەكىلدى ۋاقىت ارناۋ قاجەت ەمەس. مەنىڭ ۋاقىتىم كوپ، ٴبىراق جالپى شىعارماشىلىق پروسەسس بولعاندىقتان، جاڭا ۆيدەو، جاڭا جوبا تۋرالى وي-تولعاۋ مەندە ۇزدىكسىز بولادى»، - دەيدى ٴىلياس.

ونىڭ ايتۋىنشا، ۆيدەوارنا ونىڭ باستى قاراجات كوزىنە اينالعان. ٴبىراق ول youtube ۇسىنعان سەرىكتەستىك باعدارلاماسىنان ەمەس، وعان تىكەلەي ۇسىنىسپەن كەلەتىن جارناما بەرۋشىلەردەن كوپ پايدا كورەتىن كورىنەدى.

«قازىرگى ۋاقىتتا بۇل تۆ، بيلبورد، گازەت پەن جۋرنالعا قاراعاندا، ساپا مەن باعا تۇرعىسىنان كەلگەندە ەڭ وڭتايلى جارنامالاردىڭ ٴبىرى بولىپ تابىلادى»، - دەيدى ول.

youtube-ارناسى 286 تۇراقتى كورەرمەن جيناعان تانىمال بيۋتي-ۆيدەوبلوگەر ەۆگەنيا گەين (jenya geyn، https://www.instagram.com/jenyageyn) ٴوزىنىڭ ارىپتەسىمەن كەلىسىپ وتىر. جەنيا گەين ٴوز ارناسىن ٴتورت جىلدان بەرى جۇرگىزىپ كەلەدى. نەگىزىنەن ساياxات پەن سۇلۋلىق تاقىرىپتارىندا ۆيدەوونىم تۇسىرەدى.

«بلوگ جۇرگىزۋ وڭاي شارۋا ەمەس، ۆيدەو دايىنداۋعا، تۇسىرىلىمگە جانە ونى مونتاجداۋعا كوپ ۋاقىت كەتەدى. بۇل - تولىققاندى جۇمىس، وتە كۇردەلى پروسەسس. بۇل ٴقازىر تابىس اكەلەتىن سۇيىكتى xوببيگە اينالدى. ارنا كورەرمەن جيناسا، «يۋتيۋبەر» ارنادان ٴاربىر كورگەن ادام ٴۇشىن اقشا تاۋىپ وتىرادى. تەك مونەتيزاسيانى قوسۋى كەرەك. بۇل فۋنكسيا قازاقستاندىقتارعا 2015 جىلدان باستاپ قولجەتىمدى بولدى. ەڭ العاشقى اقشا، ٴسىز 100 دوللار جيناعان كەزدە اۋدارىلادى. قوسىمشا ۇسىنىستار پوشتاعا كۇن سايىن تۇسەدى. ٴقازىر مەن تىكەلەي تانىمال برەندتەرمەن جۇمىس جاسايمىن. ولار بلوگەرلەرگە وزدەرى xابارلاسادى»، - دەيدى جەنيا گەين.

«يۋتۋبتان اقشا تابۋعا مۇمكىندىك بار، ٴبىراق كوپ ەمەس. يۋتۋبتىڭ ٴوزى ۇسىنىپ وتىرعان جارنامادان كاسىپ رەتىندە اينالىساتىنداي پايدا تۇسپەيدى. مىسالى، قازاقستانداعى ەڭ تانىمال يۋتۋب كانالدىڭ ٴبىرى، كورەرمەن سانى 1 ميلليونعا جاقىنداپ قالعان «ساشا كەتتىڭ» ٴوزى 400 $ تاپپاۋى مۇمكىن»، - دەيدى 110 مىڭعا تارتا كورەرمەنى بار «جايدارمان» ارناسىنىڭ اكىمشىسى جاناسىل بولاتبەك. (https://www.youtube.com/channel/ucpkhyunhg3cqoy9tdc54c9a)

ونىڭ ايتۋىنشا، باستى كەدەرگى - اۋديتوريانىڭ ازدىعى.

«ٴبىز ٴونىمدى تەك قازاق ٴتىلدى ورتاعا، ورىس تىلىندە بولسا، تمد-عا عانا تاراتا الامىز. باسقا ورتانى قىزىقتىرۋ ازىرگە بىزدە تەك ساناۋلى كليپتەردىڭ عانا قولىنان كەلىپ وتىر»، - دەپ اتاپ ٴوتتى ج.بولاتبەك.

يۋتيۋبەردىڭ سوزىنشە، نەگىزى يۋتۋبتا جارناما جاساۋدىڭ مۇمكىندىكتەرى وتە كوپ. تەك جارناما بەرۋشىلەرگە ازىرگە بۇل سالا قىزىق ەمەستەي كورىنەدى.

«ۆبلوگينگ ٴداۋىرى قازاق ٴتىلدى ورتاعا ادەتتەگىدەي كەشەۋىلدەپ ەنىپ كەلە جاتىر. ٴبىراق جۇمىس جاساپ جاتقاندار بار. وكىنىشتىسى كوپ جوبالار ۇزاققا بارماي توقتاپ قالادى. مىسالى، جاقسى جۇمىس جاساپ كەلە جاتقان «artishow» كانالىنا جاڭا ٴونىم سالىنباعالى 6 اي بولىپتى. ٴبىر جىل بۇرىن قۇلشىنىسى، ىزدەنىسى جاقسى ەدى. كوپ جوبالاردىڭ بۇلاي «ولۋىنە» قارالىم سانىنىڭ از بولۋى مەن پايدا اكەلمەۋى سەبەپ. كوبى العاشقى قىزىعۋشىلىعى باسىلعاسىن قالىپ قويادى. كاسىپ رەتىندە نەمەسە حوببي رەتىندە بىرنەشە جىل جالعاستىرىپ كەلە جاتقاندار وتە سيرەك»، - دەيدى ول.

وسىعان قاراماستان، وتاندىق ۆيدەوبلوگەرلەر بۇل سالا قازاقستاندىقتار ٴۇشىن اشىق جانە ۇلكەن مۇمكىندىكتەر بەرىپ وتىر. ونىڭ ۇستىنە ول تەك اقشاعا تىرەلىپ وتىرعان جوق، كوبىسى ونى ٴومىر ٴستيلى دەپ كورەدى.

«ۆيدەوبلوگەرلەر اراسىندا باسەكەلەستىك، قۋانىشىمىزعا وراي، جوق. بۇل سەگمەنتتە بارلىعىنا دا ورىن جەتەدى. مىسالى، كولىك ساتىپ الاتىن بولساڭ، وعان تۇبەگەيلى سالىستىرۋ جاساپ، ابدەن ويلانىپ بارىپ، تاڭداۋ جاسايسىڭ. ال youtube-تاعى كەز كەلگەن بەينەروليكتى، كەتكەن ۋاقىتىڭدى ەسەپكە المايتىن بولساق، ەش شىعىنسىز-اق قاراي بەرەسىڭ»، - دەيدى ٴىلياس ابدۋلين.

«ٴبىز بلوگەرلەرمەن تىعىز ارالاسامىز. برەندتەر ٴبىز ٴۇشىن ۇيىمداستىرعان شارالاردا باس قوسىپ تۇرامىز. توپ-بلوگەرلەر ٴۇشىن ۇيىمداستىرىلعان «تۋسوۆكالاردا» برەندتەر، ادەتتە، ۇشاق بيلەتتەرىن، جاتاتىن ورىندى جانە قالاماقىنى وزدەرى تولەيدى. وتە قىزىق. ٴبىز ٴوز ارامىزدا جاقسى جولداسپىز، باسەكەلەستىك دەگەن جوق. ٴبىر-بىرىمىزدى شابىتتاندىرىپ، جىگەرلەندىرىپ وتىرامىز»، - دەپ جالعاستىرادى جەنيا گەين.

وكىنىشكە قاراي، قازاقستاندىق پايدالانۋشىلار اراسىندا youtube قانشالىقتى تانىمال ەكەندىگىن كورسەتەتىن ناقتى دەرەك google كومپانياسىندا جوق. كومپانيا ٴباسپاسوز قىزمەتىنىڭ ايتۋىنشا، youtube-قا مينۋت سايىن الەم بويىنشا 400 ساعات ۆيدەو-كونتەنت جۇكتەلىپ جاتقاندا، ستاتيستيكا جۇرگىزۋ مۇمكىن ەمەس.

«وكىنىشكە قاراي، ٴبىز جەكە مەملەكەتتەر بويىنشا ستاتيستيكانى جۇرگىزبەيمىز، مالىمەتتەر اۋقىمى وتە ۇلكەن. تابىسقا كەلەتىن بولساق، ٴاربىر سەرىكتەسپەن جەكە كەلىسىمشارت جاسالادى. ونىڭ تالاپتارى بويىنشا، ونداي مالىمەتتەردى جاريالاۋ تەك ۆلوگەردىڭ قۇقىعى بار. جالپى ستاتيستيكا، وكىنىشكە وراي، جوق»، - دەپ xابارلادى google.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي