BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

«ۇستاز مارتەبەسى تۋرالى» زاڭ جوباسىن اشىق تالقىلاۋ ماقساتىندا whatsapp جەلىسى ىسكە قوسىلدى

استانا، baq.kz. قازاقستاندىق سالالىق ٴبىلىم جانە عىلىم قىزمەتكەرلەرىنىڭ كاسىپتىك وداعى قر ٴبىلىم جانە عىلىم مينيسترلىگىمەن بىرگە «ۇستاز مارتەبەسى تۋرالى» زاڭ جوباسىن جاساقتاۋعا تىكەلەي اتسالىسادى.

اتالعان قۇجاتتا ۇستازدارعا ماتەريالدىق ستيمۋلدار مەن الەۋمەتتىك كەپىلدىكتەر، ٴتۇرلى تەكسەرىستەردەن قورعاۋ مەن قۇزىرەتىنە جاتپايتىن جۇمىستارعا جەكپەۋ تۋرالى تىڭ ۇسىنىستار قامتىلعان.

"سالالىق كاسىپوداق بارلىق مۇددەلى تاراپتاردى، ونىڭ ىشىندە اسىرەسە ۇستازدار قاۋىمىن اتالعان تاريحي زاڭ جوباسىن كەڭىنەن تالقىلاۋعا شاقىرادى. تالقىلاۋ مەن ۇسىنىستار قابىلادۋدى بارىنشا كەڭ قامتۋ ٴۇشىن ۇستازدار كاسىپوداعى 24 ساعات بويى ونلاين رەجيمدە جۇمىس ىستەيتىن +7 747 919 38 51 whatsapp جەلىسىن ىسكە قوستى جانە ۇسىنىستار قابىلداۋدى باستادى" - دەلىنگەن كاسىپوداق تاراتقان اقپاراتتا.

ايتا كەتۋ كەرەك، «ۇستاز مارتەبەسى تۋرالى» زاڭ جوباسىن جاساقتاۋ جۇمىسى قر پرەزيدەنتى ن. ٴا. نازاربايەۆتىڭ 2018 جىلدىڭ 5 قازانىنداعى حالىققا جولداۋى اياسىندا جۇزەگە اسۋدا.

قازىرگى تاڭدا اتالعان قۇجات قر ٴبىلىم جانە عىلىم مينيسترلىگىندە تالقىلاۋدان وتۋدە.

زاڭ جوباسىن تالقىلاۋ كەزىندە ٴقازىردىڭ وزىندە كاسىپوداق كەڭسەسىنە 300 دەن استام ۇسىنىس كەلىپ ٴتۇستى. سالالىق كاسىپوداق زاڭ جوباسىنا قاتىستى ۇسىنىستاردى ٴداستۇرلى ادىسپەن كاسىپوداقتىڭ www.edu-tradeunion.kz رەسمي سايتى مەن proin.kz@mail.ru ەلەكتروندى پوشتاسىنا جولداۋ مۇمكىندىگى بار ەكەنىن دە ەسكە سالادى.

زاڭ جوباسىن قر پارلامەنتىنىڭ قاراۋىنا 2019 جىلدىڭ قاڭتار ايىندا وتكىزۋ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي