BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ۇلتتىق ۇلان دەنيس تەننىڭ ماراپاتىن اكەسىنە تابىستادى

استانا، baq.kz. دەنيس تەن قازاقستان رەسپۋبليكاسى ٴىىم باسشىسى پوليسيا گەنەرال-پولكوۆنيگى قالمۇحانبەت قاسىموۆتىڭ بۇيرىعىمەن «قۇقىق ٴتارتىبىن قامتاماسىز ەتۋگە قوسقان ۇلەسى ٴۇشىن» مەدالىمەن قايتىس بولعاننان كەيىن ماراپاتتالدى.

الماتىدا ماراپاتتى مانەرلەپ سىرعاناۋشىنىڭ اكەسىنە ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىتىق جۇمىستار جونىندەگى ورىنباسارى گەنەرال-مايور مۇحامەتقالي ساتوۆ تابىس ەتتى.

«ول ماڭگىلىككە ٴبىزدىڭ جۇرەگىمىزدە قالادى…» اتتى تاقىرىپتىق كەش «وڭتۇستىك» وڭىرلىك قولباسشىلىعىندا بولىپ ٴوتتى. وعان وڭىرلىك قولباسشىلىقتىڭ باسشىلىعى، ارداگەرلەرى، جەكە قۇرامى، دەنيستىڭ اكەسى يۋريي تەن، بياتلون بويىنشا قىسقى وليمپيادا ويىندارىنىڭ كۇمىس جۇلدەگەرى زاپاستاعى كاپيتان ەلەنا حرۋستالەۆا، سەمسەرلەسۋدەن 2018 جىلدىڭ ازيا ويىندارىنىڭ جەڭىمپازى ەفرەيتور دميتريي الەكسانين جانە تاعى باسقالار قاتىستى.

"ول بۇل جەردە جاس جاۋىنگەر كۋرسىنان ٴوتتى. انت قابىلدادى، ٴجيى-جيى سپورتتىق شارالارعا كەلەتىن. جەدەل اسكەري قىزمەتتەن كەيىن، كەلىسىمشارت بويىنشا قىزمەتتى جالعاستىرعىسى كەلدى. بولاشاعىنان ٴۇمىت كۇتتىرەر سپورتشى جانە ٴبىزدىڭ اسكەري قىزمەتشىنىڭ ۇلتتىق ۇلاننىڭ شتاتتىق سپورتتىق كوماندا قۇرامىنا كىرۋى زاڭدى ەدى"، - دەپ دەنيس تەن تۋرالى ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىتىق جۇمىستار جونىندەگى ورىنباسارى گەنەرال-مايور مۇحامەتقالي ساتوۆ ٴوز ەستەلىگىمەن ٴبولىستى.

جاۋىنگەرلىك جانە قىزمەتتىك مىندەتىن ۇلگىلى اتقارعانى، قوعامدىق ٴتارتىپتى كۇزەتۋگە بەلسەندى قاتىسقانى، سونداي-اق، ەسترەمالدى جاعدايدا كورسەتكەن ەرلىگى مەن جانكەشتىلىگى ٴۇشىن لەيتەنانت دەنيس تەن قايتىس بولعاننان كەيىن «قۇقىق ٴتارتىبىن قامتاماسىز ەتۋگە قوسقان ۇلەسى ٴۇشىن» مەدالىمەن ماراپاتتالدى. ماراپاتتى مانەرلەپ سىرعاناۋشىنىڭ اكەسىنە گەنەرال-مايور مۇحامەتقالي ساتوۆ تاپسىرىپ، دەنيس ۇلاندىقتاردىڭ جادىندا ماڭگىلىككە قالاتىنىن جانە ونىڭ ۇلگىسىندە جاس وتان قورعاۋشىلار تاربيەلەنەتىنى تۋرالى ايتىپ ٴوتتى.

"دەنيس ٴارقاشان سپورتپەن شۇعىلداندى، ونىڭ باسقا نارسەگە الاڭدايتىنى بايقالمادى. ٴار كەزدە جاتتىعۋلار، جازدىڭ وزىندە تىنىم المايتىن، ٴبىر ماۋسىمنان كەلەسى ماۋسىمعا دايىندىق ۇستىندە بولاتىن. ول اسكەري قىزمەتشىلەرمەن كەزدەسۋگە ۋاقىت تاباتىن. وكىنىشكە وراي، تەك ونىڭ اجالى عانا حالىقتىڭ وعان دەگەن ماحابباتىنىڭ سونشالىقتى ۇلكەن ەكەنىن كورسەتتى"، - دەگەن يۋريي تەن ۇلتتىق ۇلان باسشىلىعىنا قولداۋ ٴۇشىن العىسىن ايتتى.

2011 - 2012 جىلدارى دەنيس جەدەل اسكەري قىزمەتىن الماتى قالاسى 7552 اسكەري بولىمىندە اتقاردى. ول اسكەري قىزمەتتى كەلىسىمشارت نەگىزىندە ۇلتتىق ۇلاننىڭ شتاتتىق سپورتتىق كوماندا قۇرامىندا جالعاستىرۋ ۇسىنىسىن ۇلكەن ىجداھاتتىلىقپەن قابىلدادى.

باستاپقىدا ول دەنە دايارلىعى بويىنشا اعا نۇسقاۋشى لاۋازىمىندا بولىپ، «كىشى سەرجانت» اسكەري شەنىنە دەيىن كوتەرىلدى. كەيىن سوچيدە قازاقستانعا قولا مەدالدى ۇتىپ العاندا دەنيستىڭ وفيسەر بولاتىنىنا ەشكىم ٴشۇبا كەلتىرگەن جوق.

دەنيس سونداي-اق، قازاقتاندىقتاردىڭ جاس بۋىنى ٴۇشىن ەڭبەكقورلىق پەن جىگەرلىلىكتىڭ ۇلگىسى رەتىندە اسكەري قىزمەتشىلەردىڭ اسكەري-پاتريوتتىق تاربيەسىنە دە بەلسەندى قاتىستى.

ەسكە ٴتۇسىرىپ وتسەك، جاقىن كۇندەرى ايگىلى فيگۋريستى ەسكە الۋعا بايلانىستى ونىڭ تۋعان قالاسى الماتىدا بىرنەشە شارا بولىپ ٴوتتى. بۇل دەنيس تەن تۋىپ-وسكەن ۇيدە مەموريالدى تاقتانىڭ اشىلۋى، «halyk arena» سپورت كەشەنىندە دەنيس تەن قورى كەسەنەسىنىڭ تۇساۋكەسەرى.

اتالمىش فوند دەنيس تەنگە ارناپ استاناداعى «megasilkway» ساۋدا ورتالىعىندا فوتوكورمە ۇيىمداستىرادى. ونىڭ اشىلۋى 10 قاراشا ساعات 17.00-دە 2 قاباتتا ٴوتىپ، 10 كۇن بويى جالعاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي