BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

ۇلتتىق بيۋرو: 8 اۋماقتىق دەپارتامەنتتىڭ باسشىسى اۋىستى

قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ 8 وبلىستاعى دەپارتامەنت باسشىلارى اۋىستى. بۇل تۋرالى استانادا وتكەن بريفينگتە اتالعان اگەنتتىكتىڭ رەسمي وكىلى نۇرلان جاxين مالىمدەدى، دەپ حابارلايدى baq.kz ٴتىلشىسى.

«مەملەكەت باسشىسىنىڭ مەملەكەتتىك قىزمەتشىلەردى جۇيەلى تۇردە روتاسيالاۋ تۋرالى نۇسقاۋىن ورىنداۋ ٴۇشىن سىبايلاس جەمقورلىققا قارسى قىزمەتتىڭ اۋماقتىق بولىمشەلەرى قىزمەتىنىڭ ناتيجەلىلىگىن ارتتىرۋ ماقساتىندا اگەنتتىك ٴتوراعاسى 8 اۋماقتىق دەپارتامەنتتىڭ باسشىسىن روتاسيالاۋ تۋرالى شەشىم قابىلدادى»، - دەدى رەسمي وكىل.

ونىڭ ايتۋىنشا، ٴبىر لاۋازىمدا ۇزاق مەرزىم جۇمىس اتقارۋ ەڭبەك ونىمدىلىگىن تومەندەتىپ، قىزمەتكەردىڭ ٴوي-ورىسى شەكتەلىپ قالاتىندىعىن، ٴارى باسشى ٴوز ىس-ارەكەتىن جاڭا ادىستەرمەن جانە فورمالارمەن تولىقتىرا المايتىنىن دالەلدەگەن.

«قىزمەت ورىندارىن اۋىستىرۋ جاعدايدى سالىستىرۋ جانە جاڭا احۋالعا تەز بەيىمدەلۋگە مۇمكىندىك جاسايدى. روتاسيا لاۋازىمدارىندا 2 جىلدان 4 جىلعا دەيىن ارالىقتا جۇمىس اتقارعان الماتى قالاسى مەن اتىراۋ، شىعىس قازاقستان، جامبىل، قوستاناي، قىزىلوردا، پاۆلودار، سولتۇستىك قازاقستان وبلىستارى بويىنشا دەپارتامەنتتەر باسشىلارىنا قولدانىلعان»، - دەدى نۇرلان جاحين.

ناتيجەسىندە ۇلتتىق بيۋرونىڭ اتىراۋ وبلىسى بويىنشا دەپارتامەنتىنىڭ باسشىسى بولىپ سولتۇستىك قازاقستان وبلىسى بويىنشا دەپارتامەنتىنىڭ بۇرىنعى باسشىسى نىعمەدجان ساپاروۆ، ۇلتتىق بيۋرونىڭ جامبىل وبلىسى بويىنشا دەپارتامەنتىنىڭ باسشىسى بولىپ قىزىلوردا وبلىسى بويىنشا دەپارتامەنتىنىڭ بۇرىنعى باسشىسى ٴادىلحان اشىربايەۆ، ۇلتتىق بيۋرونىڭ قاراعاندى وبلىسى بويىنشا دەپارتامەنتىنىڭ باسشىسى بولىپ پاۆلودار وبلىسى بويىنشا دەپارتامەنتتىڭ بۇرىنعى باسشىسى دەنيس شاكەنوۆ، ۇلتتىق بيۋرونىڭ قوستاناي وبلىسى بويىنشا دەپارتامەنتىنىڭ باسشىسى بولىپ شىعىس قازاقستان وبلىسى بويىنشا دەپارتامەنتتىڭ بۇرىنعى باسشىسى سەرگەي پوتانين، ۇلتتىق بيۋرونىڭ ماڭعىستاۋ وبلىسى بويىنشا دەپارتامەنتىنىڭ باسشىسى بولىپ قوستاناي وبلىسى بويىنشا دەپارتامەنتتىڭ بۇرىنعى باسشىسى ەلدوس ساعيەۆ، ۇلتتىق بيۋرونىڭ پاۆلودار وبلىسى بويىنشا دەپارتامەنتىنىڭ باسشىسى بولىپ الماتى قالاسى بويىنشا دەپارتامەنتتىڭ بۇرىنعى باسشىسى ەرجان يبرايموۆ، ۇلتتىق بيۋرونىڭ سولتۇستىك قازاقستان وبلىسى بويىنشا دەپارتامەنتىنىڭ باسشىسى بولىپ اتىراۋ وبلىسى بويىنشا دەپارتامەنتتىڭ بۇرىنعى باسشىسى قۇرماش سەيىتبەكوۆ، ۇلتتىق بيۋرونىڭ شىمكەنت قالاسى بويىنشا دەپارتامەنتىنىڭ باسشىسى بولىپ جامبىل وبلىسى بويىنشا دەپارتامەنتتىڭ بۇرىنعى باسشىسى مۇرات قارىمساقوۆ، سونداي-اق ۇلتتىق بيۋرونىڭ تۇركىستان وبلىسى بويىنشا دەپارتامەنتىنىڭ باسشىسى بولىپ وڭتۇستىك قازاقستان وبلىسى بويىنشا دەپارتامەنتتىڭ بۇرىنعى باسشىسى نۇرلان قامباتىروۆ تاعايىندالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي