USD 334.48 EUR 355.62 RUB 5.25
استانا:

ۇلتتىق برەندتى تاڭداۋ بويىنشا sms داۋىس بەرۋ باستالدى

بۇگىن قازاقستاننىڭ ۇلتتىق برەندىن انىقتاۋ جونىندەگى بايقاۋدىڭ كەلەسى كەزەڭىنە وتەتىن ۇمىتكەرلەردى انىقتاۋ ٴۇشىن sms داۋىس بەرۋ باستالادى. بۇل تۋرالى قر اقپارات جانە كوممۋنيكاسيالار ٴمينيسترى داۋرەن ابايەۆ فەيسبۋك پاراقشاسىنا جازدى، دەپ حابارلايدى baq.kz.

«15 قازاندا ٴبىز ەلىمىزدىڭ ۇلتتىق برەندىن انىقتاۋ جونىندەگى بايقاۋعا ٴوتىنىش قابىلداۋدى اياقتادىق. جالپى، تامىزدىڭ 31-نەن باستاپ 966 ٴوتىنىم كەلگەن بولسا، سولاردىڭ ٴ794-ى داۋىس بەرۋ كەزەڭىنە جىبەرىلىپ وتىر. مەنىڭ ويىمشا، بۇل ازاماتتارىمىزدىڭ ەلدىك ماسەلەگە بەي-جاي قارامايتىنىن كورسەتتى. بايقاۋعا كاسىبي ماماندارمەن بىرگە ەلىمىزدىڭ تۇكپىر-تۇكپىرىنەن جانە كورشىلەس مەملەكەتتەردەن اۋەسقوي بەزەندىرۋشىلەر قاتىستى. ال بۇگىن بايقاۋدىڭ كەلەسى كەزەڭىنە وتەتىن جۇمىستاردى انىقتاۋ ٴۇشىن sms داۋىس بەرۋ باستالادى. sms جولداۋ تەگىن. ول ارقىلى ٴوزىڭىز قالاعان ٴبىر عانا جۇمىسقا داۋىس بەرە الاسىز. اتاپ ٴوتۋ كەرەك، بايقاۋدىڭ جۇمىس توبى داۋىس بەرۋدىڭ كوپتەگەن نۇسقاسىن قاراستىردى. ويتكەنى، 800-گە جۋىق ٴوتىنىمنىڭ بارلىعىن جۇرت نازارىنا تەڭ دارەجەدە ۇسىنۋ وڭايعا تۇسكەن جوق.
سوندىقتان دا، ٴبىز بارلىق 794 جۇمىستى ولاردىڭ رەتتىلىگى ٴاربىر قولدانۋشى ٴۇشىن ٴارتۇرلى بولاتىن تارتىپپەن ورنالاستىرعاندى ٴجون كوردىك»، - دەيدى مينيستر.

كوڭىلىڭىزدەن شىققان جۇمىسقا مىنا سىلتەمە ارقىلى ٴوتىپ داۋىس بەرە الاسىز

ەستەرىڭىزگە سالا كەتەيىك، مينيسترلىك وسى جوبانىڭ جەڭىمپازىنا 5 ملن تەڭگە كولەمىندە سىياقى تاعايىنداعانىن حابارلاعان بولاتىن.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي