BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

ۇلتتىق بانك شىلدەدەن باستاپ «7-20-25» باعدارلاماسىن ىسكە اسىرۋعا كىرىسەدى 

2018 جىلدىڭ ەكىنشى جارتىسىنان باستاپ «7-20-25» مەملەكەتتىك باعدارلاماسى ىسكە قوسىلۋى مۇمكىن. بۇل تۋرالى ۇلتتىق بانك ٴتوراعاسى دانيار اقىشەۆ پارلامەنت سەناتى وتىرىسىنان كەيىن كۋلۋاردا مالىمدەدى، دەپ حابارلايدى baq.kz ٴتىلشىسى.

«7-20-25» باعدارلاماسىن مامىردان باستاپ ىسكە قوسامىز دەپ ەشكىم ۋادە بەرگەن جوق. ۇنەمى سۇراقتار قوياسىزدار دا، سودان كەيىن «نەلىكتەن مامىردا ىسكە قوسىلمادى؟» - دەيسىزدەر. ەشكىم ۋادە بەرگەن جوق. ۇلتتىق بانكتىڭ ٴبىر دە ٴبىر رەسمي وكىلى بۇل تۋرالى مۇلدەم ايتپادى. 2018 جىلدىڭ ەكىنشى جارتىسىندا باعدارلامانى باستاپ كەتۋ ٴۇشىن ٴبىز مامىر ايىندا قاجەتتى قۇجاتاردىڭ ٴبارىن قابىلداۋعا دايىنبىز دەگەن بولاتىنبىز»، - دەدى ۇلتتىق بانك ٴتوراعاسى.

ول باعدارلامانى ٴساتتى ىسكە قوسۋعا ۆاليۋتانى رەتتەۋ تۋرالى زاڭ جوباسىندا ايتىلعان تولىقتىرۋلار قاجەت ەكەنىن، قۇجات سەنات دەپۋتاتتارىنىڭ قاراۋىندا جاتقانىن ايتا كەتتى. ونىڭ ايتۋىنشا، بۇل تولىقتىرۋلارسىز «7-20-25» باعدارلاماسىن ىسكە قوسۋ كۇردەلى بولماق.

«ۇلتتىق بانكتە بار قۇزىرەت بويىنشا «7-20-25» باعدارلاماسىن قابىلداپ، «باسپانا» يپوتەكالىق ۇيىمىن قۇردىق. ٴقازىر ادىلەت ورگاندارىنان تىركەۋدەن وتۋدە جانە مەنەدجمەنتى قۇرىلىپ جاتىر. ەگەر مەن ايتقان شارتتاردىڭ ٴبارىن ورىنداساق وندا 2018 جىلدىڭ ەكىنشى جارتىسىندا باعدارلامانى جۇزەگە اسىرۋعا كىرىسەمىز»، - دەدى ول.

اقىشەۆ قارجى سەكتورىنىڭ وكىلدەرىمەن كوپتەگەن كەزدەسۋ وتكىزگەنىن، سوعان سايكەس باعدارلاماعا قاتىسقىسى كەلەتىن ادامدار ەكىنشى دەڭگەيلى بانكتەرگە جۇگىنەتىن بولادى دەپ اتاپ ٴوتتى.

«ەكىنشى دەڭگەيلى بانكتەر مەن ۇلتتىق بانك نەگىزىندە ويلايتىن بولساق پروبلەما كورىپ تۇرعان جوقپىز. وسى باعدارلامانى ٴساتتى ىسكە قوسىپ ٴارى قاراي جۇمىس ىستەۋ ٴۇشىن بارلىق نورمالاردى قوسا العاندا نورماتيۆتىك جاعدايدى جاقسارتۋعا ٴتيىسپىز. العاشقى ناتيجەنى سول كەزدە ايتايىق»، - دەدى اقىشەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي