BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

تۇركيالىق ينۆەستورلار تۇركىستانعا قارجى سالماقشى

تۇركيا استاناسى انكارا قالاسىندا قازاقستاندىق-تۇركيالىق بيزنەس فورۋم ٴوتتى. وعان قوس ەلدىڭ 200-دەن استام رەسمي تۇلعالارى مەن ٴىرى كاسىپكەرلەرى قاتىستى. تۇركىستان وبلىسىنىڭ دەلەگاسياسىن باستاپ بارعان اتالمىش ٴوڭىر باسشىسىنىڭ ورىنباسارى ەربول تاسجۇرەكوۆ تۇركيانىڭ ٴىرى حولدينگتەرى مەن كومپانيالارى باسشىلارىمەن كەلىسسوز جۇرگىزدى، دەپ حابارلايدى baq.kz اقپارات اگەنتتىگى.

تۇرىك ينۆەستورلارىنا تۇركىستاننىڭ ينۆەستيسيالىق تارتىمدىلىعى مەن ارى قاراي دامىتۋعا جانە كەڭەيتۋگە بولاتىن سالالارى تانىستىرىلدى. اتاپ ايتساق، جەڭىل ونەركاسىپ، اگروونەركاسىپتىك كەشەن جانە تۋريزم سالاسىنداعى مۇمكىندىكتەر سارالاندى.

كەلىسسوزدەر ناتيجەسىندە 30 جىلدان بەرى بيزنەس سالاسىندا كوشباسشىلاردىڭ ٴبىرى اتانىپ جۇرگەن تۇركيانىڭ «dal holding investment company» حولدينگى تۇركىستان وبلىسىنىڭ 200 گا جەر اۋماعىندا ينۆەستيسيالىق قۇنى 500 ملن اقش دوللارىن قۇرايتىن جىلىجاي سالۋعا نيەت ٴبىلدىردى. جوبانى جۇزەگە اسىرۋ بارىسىندا جىلىجاي اۋماعىندا توڭازىتقىش ٴارى كوكونىس قويماسى سالىنادى. 1000-نان استام جۇمىس ورنى اشىلادى.

تۇرىكتىڭ تاعى ٴبىر «dilmen dekorasyon inş. taah. tic. ltd şti» اتتى كومپانياسى 2019 جىلى تۇركىستان وبلىسىندا جيھاز شىعاراتىن فابريكانىڭ قۇرىلىسىن باستاۋدى جوسپارلاپ وتىر. تارتىلاتىن ينۆەستيسيا كولەمى 5 ملن اقش دوللارىن قۇرايدى. جوبا جۇزەگە اسسا، 130-دان استام جۇمىس ورنى پايدا بولادى.

سونىمەن قاتار، بالامالى جانە جاڭارتىلاتىن ەنەرگيا كوزدەرىن دامىتۋ باعىتى بويىنشا «çalık enerji» جانە «zorlu holding – zorlu enerji» اتتى ٴىرى كومپانيالار 50 مۆت قۋاتى بار كۇن ەلەكتر ستانسيالارىن سالۋعا دايىن ەكەندەرىن ٴبىلدىردى. جوبانىڭ جالپى قۇنى 120 ملن اقش ولللارىن قۇراماق.

كەزدەسۋلەر مەن كەلىسسوزدەر قورىتىندىسى بويىنشا تۇركىستان وبلىسى اكىمدىگى مەن ٴىرى تۇرىك كومپانيالارىنىڭ اراسىندا جالپى ينۆەستيسيا كولەمى 625 ملن اقش دوللارىن قۇرايتىن 4 مەموراندۋم ٴتۇزىلدى. قوس تاراپ بۇل مەموراندۋمدار قازاقستان جانە تۇركيادا بيزنەستىڭ باسەكەگە قابىلەتتىلىگىن ارتتىراتىن مەحانيزمگە اينالىپ، تىعىز كوممەرسيالىق بايلانىستاردى دامىتىپ، ەكىجاقتى ينۆەستيسيالار كولەمىنىڭ ۇلعايۋىنا جانە تەحنولوگيالار ترانسفەرتىنە نەگىز بولاتىندىعىنا سەنىم ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي