BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

تۇركىستانداعى قۇرعاق شۇبات پەن قۇرعاق قىمىز شىعاراتىن زاۋىت قالاي جۇمىس ىستەيدى؟

فوتو: Автор

تۇركىستان قالاسىنىڭ يندۋستريالدى ايماعىندا سالىنىپ جاتقان golden camel تۇيە جانە بيە ٴسۇتىن وڭدەپ، ودان قۇرعاق ٴسۇت شىعارۋ زاۋىتى وسى جازدىڭ سوڭىندا ىسكە قوسىلادى. دالىرەگى، زاۋىت قۇرىلىسى 25 تامىزعا دەيىن اياقتالىپ، 30 تامىزدا سىناق مەرزىمىندە جۇمىسىن باستايدى. بۇل تۋرالى قر پرەمەر-مينيسترىنىڭ ورىنباسارى – اۋىل شارۋاشىلىعى ٴمينيسترى ٴومىرزاق شوكەەۆتىڭ تۇركىستان وبلىسىنا جاساعان جۇمىس ساپارى كەزىندە بەلگىلى بولدى. مينيستر باستاعان جۇمىس توبى تۇركىستان قالاسىندا سالىنىپ جاتقان زاۋىتتىڭ قۇرىلىسىمەن تانىستى. قۇرعاق شۇبات پەن قۇرعاق قىمىز شىعاراتىن زاۋىتتىڭ قانداي ەكەنىن جانە ونداعى ٴوندىرىس پروسەسسىنىڭ قالاي جۇرەتىنى تۋرالى baq.kz ايماقتاعى ٴتىلشىسى باياندايدى.

تۇركىستان يندۋستريالدى ايماعىندا ورنالاسقان golden camel زاۋىتىنىڭ قۇرىلىسى وتكەن جىلدىڭ 15 قاڭتارىندا باستالعان. بۇگىندە سىرتقى قۇرىلىس جۇمىستارى اياقتالىپ، قۇرال-جابدىقتارىن مونتاجداۋ ٴجۇرىپ جاتىر. قىتاي ينۆەستورلارىنىڭ قارجىسىنا سالىنعان زاۋىت قۇنى – 21 ملن اقش دوللارىنا، ياعني 7،5 ملرد تەڭگەگە جەتەدى.

زاۋىتتىڭ 95 پايىزىنا يەلىك ەتەتىن golden camel group ltd ٴجشس-ى 2016 جىلدىڭ 25 قاڭتارىندا وڭتۇستىك قازاقستان وبلىسىندا (قازىرگى تۇركىستان وبلىسى – رەد.) تىركەلگەن. قالعان 5 پايىزى قازاقستان رەسپۋبليكاسىنىڭ مەنشىگىندە.

بارلىق قاجەتتى قارجى جەكە ينۆەستوردىن قالتاسىنان شىعىپ وتىر. قازاقستان ۇكىمەتى تاراپىنان، دالىرەگى تۇركىستان قالاسى اكىمدىگى تاراپىنان جەر بەرىلىپ، قىتايدان جەتكىزىلەتىن قۇرال-جابدىقتار سالىقتان بوساتىلعان.

اۋەلى «تۇيە ٴسۇتىن وڭدەپ، سودان قۇرعاق ٴسۇت الادى» دەپ كورسەتىلگەن زاۋىتتىڭ جوباسى كەڭەيىپ، بيە ٴسۇتىن دە وڭدەپ، ودان دا قۇرعاق ٴسۇت الىنادى. زاۋىت تاۋلىگىنە 100 توننا تۇيە جانە بيە ٴسۇتىن قابىلداپ، ودان قۇرعاق شۇبات پەن قۇرعاق قىمىز دايىندايدى.

زاۋىت ديرەكتورىنىڭ ورىنباسارى جازيرا وزاتقىزىنىڭ ايتۋىنشا، مۇندا شىعارىلعان تاۋاردىڭ 95 پايىزى قىتاي حالىق رەسپۋبليكاسىنا ەكسپورتتالادى. دايىن تاۋار تولىقتاي دەرلىك ەكسپورتقا شىعاتىندىقتان دا ٴونىم ساپاسىنا قويىلار تالاپ – قاتاڭ، ساپا ستاندارتتارى – جوعارى. سايكەسىنشە ٴوندىرىس پروسەسسى دە بىرنەشە كەزەڭنەن تۇرادى.

«ٴبىز ٴسۇت قابىلداۋ بەكەتتەرىندە فەرمالاردان كەلگەن تۇيە ٴسۇتىن تەكسەرۋدەن وتكىزىپ، قابىلداپ الامىز. سودان كەيىن ٴسۇتتى ٴتورت گرادۋسقا دەيىن سالقىنداتامىز. ٴسۇت تاسيتىن كولىكتەرمەن زاۋىتقا جەتكىزىپ، تارازىعا تارتىپ، كولەمىن انىقتايمىز. سوسىن سۇتتەگى قانت، اقۋىز، ماي قۇرامىن انىقتاپ، زاۋىت عيماراتىنىڭ سىرت جاعىنان تاقالا ورناتىلعان ٴۇش 30 توننالىق تانكەرلەرگە قۇيامىز. سول تانكەردە فيلتراسيادان، ياعني سۇزگىدەن وتكىزەمىز. سۇزگىدەن شىققان ٴسۇت اۆتوماتتى تۇردە پاستەريزاتورعا جىبەرىلەدى. پاستەريزاتوردا 15 سەكۋند ىشىندە 90 گرادۋسقا دەيىن قىزدىرىلىپ، قۇرامىنداعى بارلىق زياندى باكتەريالار ولتىرىلەدى. پاستەريزاسيا ٴۇش دەڭگەيدەن تۇرادى. ٴبىراق، بۇدان ٴسۇتتىڭ قۇرامىنداعى پايدالى ەلەمەنتتەرى جويىلمايدى. ىستىق ٴسۇتتى قايتادان ەكى گرادۋسقا دەيىن سالقىنداتامىز. سۋىتىلعان ٴسۇت قۇبىرلار ارقىلى كەلەسى ىدىسقا وتەدى. سوندا كونسەنتراسيا جاسالىپ، قويۋلاتىلادى. قويۋلاتىلعان ٴسۇت ارنايى ىدىسقا قۇيىلىپ، جوعارى قىسىمداعى سورعىمەن جەتىنشى قاباتتاعى ىدىسقا شىعارىلادى. سوندا تابيعي اۋانى تارتىپ، 180-200 گرادۋستاعى جەلمەن كەپتىرەمىز. كەپتىرىلىپ، قۇرعاتىلعان ٴسۇتتى قايتا تومەن ٴتۇسىرىپ، ارنايى قۇرىلعىدا تەكسەرۋدەن وتكىزىپ، قاپتاما قوراپتارىنا قۇيىپ، دايىن ونىمگە اينالدىرامىز. 15 توننا شيكىزاتتان، مىسالى تۇيە سۇتىنەن 1 توننا قۇرعاق ٴسۇت الىنادى. بيە ٴسۇتى دە وسى تۇيە ٴسۇتى سياقتى وڭدەلەدى»، - دەدى جازيرا وزاتقىزى.

ونىڭ سوزىنشە، قۇرعاق تۇيە ٴسۇتىن قايناعان سۋعا ەزىپ، شۇبات كۇيىندە قابىلدايدى. باستاپقىدا دايىن ٴونىم قىتايعا ەكسپورتتالسا، ودان كەيىن ەۋروپا ەلدەرى مەن اقش-قا ەكسپورتتاۋ جوسپاردا بار ەكەن.

«قازاقستان نارىعىنا اسا قاجەت بولمايتىن شىعار، ويتكەنى بىزدە جاڭا ساۋىلعان تۇيە ٴسۇتى بار»، - دەيدى جازيرا وزاتقىزى.

زاۋىت تولىق قۋاتتىلىعىنا جۇمىس ىستەۋى ٴۇشىن تاۋلىگىنە 100 توننا ٴسۇت، ياعني شيكىزات قاجەت ەكەن. ٴدال قازىرگى تاڭدا 50 شاقتى تۇيە شارۋاشىلىقتارىمەن سويلەسىپ، 7-8 تونناداي تۇيە ٴسۇتىن جيناۋعا كەلىسىم جاسالعان. الداعى ۋاقىتتا كولەمى ۇلعايادى.

«شيكىزاتتى جاقىن ماڭداعى اۋدانداردان، دالىرەگى شيەلى، سوزاق، بايدىبەك، تۇلكىباس جانە تاعى باسقا اۋدانداردان الامىز. قازىرگى تاڭدا شيكىزات جەتكىلىكتى. ٴبىز ٴبىراز تۇيە شارۋاشىلىقتارىمەن سويلەسىپ، كەلىسىمگە دە كەلىپ جاتىرمىز. الداعى ۋاقىتتا كەلىسىمشارتقا دا وتىرامىز. ساناق جۇرگىزە كەلە، اقىرىن-اقىرىن كوبەيتەمىز»، - دەيدى ديرەكتور ورىنباسارى.

ويتكەنى، زاۋىت باستاپقىدا سىناق مەرزىمىندە جۇمىس ىستەيدى. سوسىن جىل سوڭىندا، دالىرەگى جەلتوقساندا تولىقتاي ىسكە قوسىلادى. سول كەزدە كومپانيادا 85 جۇمىس ورنى اشىلادى.

«ونىڭ ٴ12-ى قىتايدان كەلەتىن قاجەتتى ماماندار. قالعان 73 ادامدى جەرگىلىكتى تۇركىستان قالاسىنان، قازاقستاننىڭ باسقا دا وڭىرلەرىنەن قابىلدايمىز. قازىرگى تاڭدا قۇرىلىس جۇمىستارىنا 140 ادام تارتىلعان. جوبا بويىنشا، ەكى جىل ۋاقىت بەرىلگەن. ايتىلعان ۋاقىتتا ىسكە قوسامىز»، - دەدى زاۋىت باسشىلىعى.

جازيرا وزاتقىزىنىڭ ايتۋىنشا، مۇنداي ۇلكەن كولەمدە تۇيە سۇتىنەن قۇرعاق ۇنتاق شىعارۋ زاۋىتى العاش بىزدە اشىلعالى وتىر. قىتايدا بۇعان ۇقساس زاۋىت بار، ٴبىراق ونىڭ ٴونىم قۋاتتىلىعى ٴبىزدىڭ زاۋىتتان الدەقايدا از ەكەن.

ەسكە سالساق، تۇركىستاندا تاۋلىگىنە 100 توننا تۇيە ٴسۇتىن وڭدەيتىن زاۋىت سالىناتىنى 2016 جىلدىڭ باسىندا بەلگىلى بولدى. سول جىلدىڭ سوڭىندا وبلىس اكىمى جانسەيىت تۇيمەبايەۆ golden camel كومپانياسىنىڭ قۇرىلتايشىسى يانگ سيە مىرزانى قابىلداپ، زاۋىت قۇرىلىسىنىڭ جوباسى پىسىقتالدى.

زاۋىت قۇرىلىسى 2017 جىلى قاڭتاردا باستالعانىنان كەيىن جىل سوڭىندا وبلىس اكىمى جانسەيىت تۇيمەبايەۆ تۇركىستان قالاسىنا جاساعان جۇمىس ساپارى بارىسىندا زاۋىت اۋماعىنا باردى. سول كەزدە نىسان قۇرىلىسىنىڭ 75 پايىزى اياقتالعان بولاتىن. وبلىس باسشىسى مۇنداي زاۋىت تمد ەلدەرىندە بالاماسى جوق ەكەنىن ايتىپ، بۇل جوبانىڭ ٴوڭىرىمىز ٴۇشىن ماڭىزدى ەكەنىنە توقتالعان ەدى

«تۇيە مەن بيەنىڭ سۇتىنەن قۇرعاق ٴونىم دايىندايتىن زاۋىتتار وبلىس ٴۇشىن وتە ٴتيىمدى. ويتكەنى وڭىردە تۇيە شارۋاشىلىعى داميتىن بولادى. سونداي-اق، جەرگىلىكتى جۇرت جۇمىسپەن قامتىلادى. باستىسى، وتاندىق شيپالى ٴونىمدى شەتەلگە ەكسپورتتاۋعا مۇمكىندىك تۋادى»، - دەدى جانسەيىت قانسەيىت ۇلى.

ەسكە سالساق، تۇركىستان قالاسىنىڭ بەكزات شاعىناۋدانىنداعى يندۋستريالدى ايماقتا جوبالىق قۇنى 11028،1 ملن. تەڭگەنى قۇرايتىن 14 جوبا ىسكە قوسىلادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي