USD 336.23 EUR 360.3 RUB 5.28
استانا:

تۇڭعىش پرەزيدەنت كۇنىنە وراي ەلوردادا «ەلباسى جولى» تەگىن كورسەتىلەدى

«25 جۇلدىزدى كۇن» « ۇلى دالا ەلى – تاۋەلسىزدىكتىڭ 25 نەگىزى» كەڭ اۋقىمدى اكسياسى شەڭبەرىندە قازاقستان رەسپۋبليكاسىنىڭ تۇڭعىش پرەزيدەنتى كۇنىن مەرەكەلەۋگە وراي 1 جەلتوقساندا ەلوردا تۇرعىندارى مەن قوناقتارى ٴۇشىن «ەلباسى جولى» كينوەپوپەياسى تەگىن كورسەتىلەدى، دەپ حابارلايدى astana.gov.kz.

كورسەتىلىمدى استانا قالاسىنىڭ ىشكى ساياسات باسقارماسى ەلوردالىق «kinopark» جانە «ارمان 3d» كينوتەاترلارى جەلىسىنىڭ قولداۋىمەن ۇيىمداستىرادى.

كينوكورسەتىلىم تاڭعى ساعات 10-دا باستالىپ، كۇنى بويى جالعاسادى. بۇل كۇنى ەلوردا تۇرعىندارى مەن قوناقتارىنا «مەگا سەنتر استانا»، «كەرۋەن» جانە «ازيا پارك» ساۋدا ورتالىقتارىندا ورنالاسقان استانانىڭ ٴىرى كينوتەاترلارى قىزمەت كورسەتەدى. كورەرمەندەر سەانستىڭ ۋاقىتىن جانە كورەتىن زالدى وزدەرى تاڭداي الادى.

ورىس تىلىندەگى كورسەتىلىمدەر «مەگا سەنتر استانا» ساۋدا ورتالىعىندا № 3 زالدا (سەانس ساعات 10:00-دە باستالادى) جانە № 4 زالدا (سەانس 10:40-تا باستالادى) ۇيىمداستىرىلادى.

قازاق تىلىندەگى كورسەتىلىمدەر «كەرۋەن» ساۋدا ورتالىعىندا، № 1 زالدا (سەانستىڭ باستالۋى 11:00-دە جانە 14:10-دا).

«ازيا پارك» ساۋدا ورتالىعىندا كينوەپوپەيانىڭ ەكى تىلدەگى كورسەتىلىمدەرى ۇيىمداستىرىلدى: № 2 زالدا كورەرمەندەر ورىس تىلىندە (10:00-دە)، № 5 زالدا قازاق تىلىندە ( 12:00-دە) كورە الادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي