USD 334.89 EUR 361.61 RUB 5.28
استانا:

تۇڭعىش پرەزيدەنت كۇنى 25 اقتوبەلىك باسپانالى بولدى

اقتوبە جالدامالى تۇرعىن ٴۇي باعدارلاماسى بويىنشا پاتەر كىلتتەرى سالتاناتتى تۇردە تابىستالدى. جۋىردا 25 وتباسى «نۇرلى جول» باعدارلاماسىن جۇزەگە اسىرۋ اياسىندا «بايتەرەك» ۇبح ەنشىلەس ۇيىمىنىڭ قازاقستاندىق يپوتەكالىق كومپانياسى ارقىلى قول جەتكىزگەن ادەمى ارلەنگەن جاڭا پاتەرلەرىنە قونىستاناتىن بولادى، دەيدى baq.kz ٴتىلشىسى.

اقتوبە وبلىسىنىڭ اكىمى بەردىبەك ساپاربايەۆ سالتاناتتى شاراعا جينالعانداردى مەرەكەلەرىمەن قۇتتىقتاپ، جەرگىلىكتى اتقارۋ ورگاندارىنىڭ ٴۇي كەزەگىندە تۇرعاندارىنا باتىس-2 شاعىن اۋدانىندا ورنالاسقان پاتەرلەردىڭ كىلتىن تابىس ەتتى. بۇل وزدەرىنىڭ تولەم قابىلەتىن راستاعان العاشقى جاڭا قونىستانۋشىلار.

ونىڭ ايتۋىنشا 2015 جىلدىڭ قورىتىندىسى بويىنشا 2020 جىلعا دەيىن وڭىرلەردى دامىتۋ باعدارلاماسى اياسىندا اقتوبە قالاسىندا كەزەكتە تۇرعان ازاماتتارعا «قيك» اق ارقىلى 31،3 مىڭ شارشى مەتر جالدامالى تۇرعىن ٴۇي نەمەسە كوممەرسيالىق ساتۋشىلاردىڭ 478 پاتەرى پايدالانۋعا بەرىلدى. اعىمداعى جىلى وسى باعىتتاعى جۇمىستار جالعاسىن تابۋدا. بۇگىندە اقتوبە قالاسىندا «قيك» اق-نەن 48،7 مىڭ شارشى مەتر تۇرعىن ٴۇيدى نەمەسە كومممەرسيالىق سالۋشىلاردىڭ 744 پاتەرىن ساتىپ الۋ ٴۇشىن كەلىسىمشارتقا قول قويىلدى. بۇدان وزگە اعىمداعى جىلى يپوتەكالىق كومپانيا ارقىلى قول جەتكىزۋگە بولاتىن جالدامالى تۇرعىن ٴۇيىنىڭ جالپى الاڭى 28،0 مىڭ شارشى مەتر بولاتىن نەمەسە 566 پاتەرلى №1 «نۇر اقتوبە» تۇرعىن الابىنىڭ قۇرىلىسى باستالدى. اتالمىش تۇرعىن ٴۇي 2017 جىلى پايدالانۋعا بەرىلەدى.

"وسى جىلى ٴبىز ەلىمىزدىڭ تاۋەلسىزدىگىنىڭ 25 جىلدىعىن تويلاعالى وتىرمىز. سوعان وراي وڭىردە « ۇلى دالا ەلى - تاۋەلسىزدىكتىڭ 25 نەگىزى» اتتى 25 جۇلدىزدى كۇن باستاۋ العان بولاتىن. ٴقازىردىڭ وزىندە ٴبىزدىڭ ٴوڭىر «نۇر اقتوبە» مەن «باتىس-2» تۇرعىن الاپتارىن مىسالعا الا وتىرىپ، تۇرعىن ٴۇي قۇرىلىسىندا وزدەرىنىڭ مۇمكىندىكتەرى مەن الەۋەتىن سەنىمدى تۇردە كورسەتە الادى. ٴبىزدىڭ بۇگىن تابىس ەتەتىن التى قاباتتىق ٴۇيدىڭ پاتەر كىلتتەرى - وسىنىڭ دالەلى. بۇل – ەلىمىزدىڭ ازاماتتارىنىڭ تۇرعىن ۇيگە قاتىستى جاعدايلارىن جاقسارتۋداعى جوسپارىمىزدى شىناي ىسكە اسىرۋ"،- دەدى وبلىس اكىمى.

جالدامالى پاتەرلەرگە بيۋدجەتتىك ۇيىمداردىڭ جۇمىسشىلارى، مەملەكەتتىك قىزمەتكەرلەر، كوپ بالالى وتباسىلار، مۇگەدەك بالالارى بار وتباسىلار، جەتىم بالالار، اتا-اناسىنىڭ قامقورىنسىز قالعان بالالار، تولىق ەمەس وتباسىلار، اسكەري قىزمەتشىلەر يە بولدى.

"ادامداردىڭ كوپتەن كۇتكەن پاتەرلەرىنە تۇڭعىش پرەزيدەنت مەرەكەسى كۇنى قول جەتكىزۋلەرىنىڭ دە ٴمانى بار. ويتكەنى، بۇگىندە ەلىمىزدىڭ 9 مىڭ ازاماتىنىڭ قيك جەلىسى بويىنشا تۇرعىن ۇيمەن قامتاماسىز ەتىلۋىنە باستاما بولعان دا وسى مەملەكەت باسشىسىنىڭ ٴوزى بولاتىن. ٴبىز بۇگىن 25 وتباسىنىڭ باسپانالى بولىپ، «نۇرلى جول» جالدامالى تۇرعىن ٴۇي مەملەكەتتىك باعدارلاماسى شارتتارىن پايدالانۋ مۇمكىندىگىنە يە بولعانداراى ٴۇشىن قۋانىشتىمىز"،-دەدى قازاقستاندىق يپوتەكالىق كومپانيا باسقارماسىنىڭ ٴتوراعاسى ٴادىل مۇحامەدجانوۆ.

ٴتورت ۇيدەن تۇراتىن كەشەندە 318 پاتەر بار. اتالمىش باعدارلامانىڭ كەزەكتە تۇرعان قاتىسۋشىلارىنىڭ ٴتىزىمىن قالالىق اكىمدىكتەگى كوميسسيا كەزەكتە تۇرعانداردىڭ قۇجاتتارىن قابىلداپ بولعان سوڭ جاساپ، تولەم قابىلەتتەرىن راستاۋ ٴۇشىن «بايتەرەك» حولدينگىنىڭ ەنشىلەس قۇرىلىمى «قيك» اق-نا جىبەردى.

«ٴبىز ەلىمىزىدىڭ پرەزيدەنتىنە قاراپايىم حالىقتىڭ تۇرعىن ۇيگە جالدامالى شارتتار بويىنشا جەڭىلدىكپەن قول جەتكىزۋىنە مۇمكىندىك بەرەتىن «نۇرلى جول» جالدامالى تۇرعىن ٴۇي باعدارلاماسى ٴۇشىن العىس ايتامىز. دۇنيە جۇزىلىك ەكونوميكالىق داعدارىس كەزىندە مەملەكەتىمىز مۇگەدەكتەر، جەتىمدەر، جاس جانە كوپ بالالى وتباسىلار سەكىلدى حالىقتىڭ ٴالسىز توپتارىن قول جەتىمدى باسپانامەن قامتاماسىز ەتۋدى جالعاستىرىپ كەلەدى!»،-دەگەن جاڭا پاتەر يەلەرى قۋانىشتارىن جاسىرمادى.

ايتا كەتەيىك، كەشەندەگى 1 شارشى مەتر تۇرعىن ٴۇيدىڭ قۇنى ورتاشا ەسەپپەن – ايىنا 923 تەڭگەنى قۇرادى. سونىمەن قاتار بۇگىن تالدىقورعاندا 40 وتباسى باسپانالى بولدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي