BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

«تۇمار» تەلەۆيزيالىق بايگەسىنە 397 ٴوتىنىم قابىلداندى

«تۇمار» ۇلتتىق تەلەۆيزيالىق بايگەسىنىڭ سالتاناتتى ماراپاتتاۋ ٴراسىمى 2018 جىلدىڭ 16 ناۋرىزىندا قازمەديا ورتالىعىندا وتەدى. بيىلعى جىلعى سالتاناتتى ٴىس-شارا قازاق تەلەۆيزياسىنىڭ 60-جىلدىعىنا ارنالادى. تىلشىلەر، تەلەۆيزيا قىزمەتكەرلەرى، مەملەكەت جانە قوعام قايراتكەرلەرى مەن ەسترادا جۇلدىزدارىنا قوسا سالتاناتتى كەشكە قازاق تەلەۆيزياسىنىڭ ارداگەرلەرى دە شاقىرىلعان، دەپ حابارلايدى baq.kz اقپارات اگەنتتىگى.

اقپارات جانە كوممۋنيكاسيالار مينسترلىگىنىڭ ٴباسپاسوز قىزمەتى ٴمالىم ەتكەندەي، اعىمداعى جىلعى بايگەگە 14 نوميناسيا بويىنشا وتىنىمدەر قابىلداۋ 15-قاڭتار مەن 1-ناۋرىز ارالىعىندا جۇرگىزىلدى. ولاردىڭ ىشىندە قازاق تەلەۆيزياسىنىڭ 60 - جىلدىعى مەن استانانىڭ 20 جىلدىعىنا ارنالعان ەرەكشە نوميناسيالار بار. سونىمەن قاتار، «ۇزدىك وپەراتورلىق جۇمىس»، «جىدىڭ ۇزدىك تەلەجۇرگىزۋشىسى»، «جىلدىڭ ۇزدىك تەلەجۋرناليسى»، «ۇزدىك رەجيسسەرلىك جۇمىس» جەكە نوميناسيالارى.

«تۇمارعا» وتىنىمدەردى قابىلداۋ تولىعىمەن اۆتوماتتاندىرىلىپ، kaztube.kz پورتالىنىڭ نەگىزىندە جۇزەگە اسىرىلعان بولاتىن. بايگەگە قاتىسۋشىلاردىڭ اسا جوعارى بەلسەندىلىكتەرىن اتاپ ٴوتۋ كەرەك. وتىنىمدەردى قابىلداۋ كەزەڭىندە kaztube.kz پورتالىنا كىرۋشىلەر سانى 80%-عا ٴوستى، ال وتىنىمدەر سانى بىلتىرعى كورسەتكىشكە قاراعاندا 1،6 ەسەگە ارتتى (240 ٴوتىنىم).

2018 جىلى «تۇمارعا» 397 كونكۋرستىق جۇمىس كەلىپ ٴتۇستى. ولاردىڭ ىشىندە قازىلار القاسى بايگە ەرەجەسىنىڭ تالاپتارىنا سايكەس رەسىمدەلگەن 355 كونكۋرستىق ٴوتىنىمدى قاراۋعا قابىلدادى.

وڭىرلىك تۇرعىدا اقتوبە، الماتى، قاراعاندى، باتىس جانە شىعىس قازاقستان وبلىستارىنىڭ تەلەارنالارى كوبىرەك بەلسەندىلىك تانىتتى.

نومينانتتار اراسىنان ەڭ كوپ قابىلدانعان جۇمىستار كەلەسى نوميناسيالاردا: «ۇزدىك دەرەكتى كينو»، «ۇزدىك اعارتۋشىلىق باعدارلاما»، «ۇزدىك الەۋمەتتىك باعدارلاما»، «ۇزدىك ويىن-ساۋىق جوباسى».

بايگەنىڭ قازىلار القاسىنا جۋرناليستيكا مەن تەلەراديو حابار تاراتۋ سالالارىنداعى كاسىبي، جوعارى بىلىكتى ساراپشىلار كىردى.

ەستەرىڭىزگە سالا كەتسەك، «تۇمار» ۇلتتىق تەلەۆيزيالىق بايگەسى قازاقستان رەسپۋبليكاسىنىڭ اقپارات جانە كوممۋنكياسيالار مينيسترلىگى تاراپىنان ەڭ ساپالى جانە ماڭىزدى تەلەۆيزيالىق مازمۇندى تاۋىپ، دارىپتەۋ ٴۇشىن تالانتتى پروفەسسيونالداردى قولداۋ جانە وتاندىق تەلەۆيزيانىڭ ساپالىق ستاندارتتارىن ارتتىرىپ، قازاقستاندىق تەلەۆيزيانىڭ دامۋىن قامتاماسىز ەتۋ ماقساتىندا قۇرىلعان بولاتىن.

بيىلعى جىلى بايگە ەكىنشى رەت وتكىزىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي