BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

«تۇبىرتەكتى تالاپ ەت تە – جۇلدەنى ۇتىپ ال!» ناۋقانى باستالدى

استانا قالاسى بويىنشا مەملەكەتتىك كىرىستەر دەپارتامەنتى «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ قولداۋىمەن 2018 جىلعى 21 مامىردان باستاپ «تۇبىرتەكتى تالاپ ەت تە – جۇلدەنى ۇتىپ ال!» كەزەكتى اكسياcى باستالدى، دەپ حابارلايدى baq.kz اقپارات اگەنتتىگى.

اكسيانىڭ ماقساتى ازاماتتىق بەلسەندىلىكتى ارتتىرۋ، تاۋارلاردىڭ، جۇمىستاردىڭ جانە قىزمەتتەردىڭ تۇتىنۋشىلارى رەتىندە ٴوز مۇددەلەرىن قورعاۋ ماسەلەلەرىندە ازاماتتاردىڭ قۇقىقتىق مادەنيەتىن تاربيەلەۋ، كولەڭكەلى ەكونوميكانىڭ مولشەرىن قىسقارتۋ، سونداي-اق كاسىپكەرلەر اراسىندا ٴادىل باسەكەلەستىكتى ىنتالاندىرۋ بولىپ تابىلادى.

وسىلايشا، استانا قالاسى بويىنشا مەملەكەتتىك كىرىستەر دەپارتامەنتى ازاماتتارىمىزعا سالىق زاڭناماسىن ساقتاۋ بويىنشا قوعامدىق باقىلاۋعا قاتىسۋىنا، جانە ونىڭ ۇستىنە باعالى سىيلىقتار ۇتىپ الۋعا مۇمكىندىك بەرەدى.

وتكەن جىلداعىداي، اعىمداعى جىلى دا اكسيا «wipon» ٴموبيلدى قوسىمشاسى ارقىلى جۇزەگە اسىرىلاتىن بولادى، بۇل قوسىمشانى apple app store جانە google play market-تەن تەگىن جۇكتەۋگە بولادى.

اكسياعا فيسكالدى چەكتىڭ سۋرەتىن جىبەرۋ جولىمەن تاۋاردىڭ، جۇمىستىڭ نەمەسە قىزمەتتىڭ تۇتىنعانىن راستاعان قازاقستان رەسپۋبليكاسىنىڭ ازاماتتارى قاتىسا الادى. ەگەر فيسكالدى چەك بەرىلمەگەن جاعدايدا، ازاماتتار بۇل بۇزۋشىلىقتارعا شاعىم جاساۋى مۇمكىن. قايتالانىپ جىبەرىلگەن فيسكالدى چەكتەر ۇتىسقا قاتىسپايدى.

چەكتەردى قابىلداۋ اعىمداعى جىلعى 21 مامىردان 30 قاراشاعا دەيىنگى كەزەڭگە جۇرگىزىلەدى. وسى كەزەڭدە بارلىق وبلىستار مەن استانا جانە الماتى قالالارىندا سىيلىقتاردىڭ ۇتىسى مەن ولاردى تابىستاۋ وتەدى.

باس فينال جىلدىڭ سوڭىندا قر قم مەملەكەتتىك كىرىستەر كوميتەتىندە وتەدى. وندا باعالى سىيلىقتار، ونىڭ ىشىندە باس جۇلدە – اۆتوموبيل ۇتىسقا سالىنادى.

ۇتىس جەڭىمپازدارى چەكتى كەزدەيسوق تاڭداۋ ادىسىمەن انىقتالاتىن بولادى. وسىلايشا، قاتىسۋشى قانشالىقتى كوپ چەك جىبەرسە، جۇلدەنى ۇتىپ الۋ مۇمكىندىگى دە سونشالىقتى وسە تۇسەدى.

اكسيا كاسىپكەرلەردىڭ قولما-قول اقشامەن تاۋارلاردى ساتىپ العانى، جۇمىستاردى ورىنداعانى جانە قىزمەتتەردى كورسەتكەنى ٴۇشىن اقشالاي ەسەپ-ايىرىسۋلار كەزىندە چەكتەردىڭ بەرۋىن قامتاماسىز ەتۋگە باعىتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي