USD 334.48 EUR 355.62 RUB 5.25
استانا:

توقتار تولەشوۆ اتىراۋداعى «جەر ميتينگىلەرىن» قالاي قارجىلاندىرعانىن ايتىپ بەردى

بۇگىن №2 اتىراۋ قالالىق سوتىندا بيىل كوكتەمدە اتىراۋدا «جەر ميتينگىلەرىن» وتكىزگەن ماكس بوقايەۆ پەن تالعات ايانوۆتىڭ ٴىسى بويىنشا باستى سوت وتىرىسى ودان ٴارى جالعاستى. بۇگىنگى وتىرىسقا شىمكەنتتىك كاسىپكەر توقتار تولەشوۆ كۋاگەر رەتىندە قاتىسىپ، سوتتىڭ جاۋاپتارىنا استانا قالالىق سوتىنان ونلاين-كورسەتىلىم ارقىلى جاۋاپ بەردى، دەپ حابارلايدى baq.kz.

وتىرىس م.بوقايەۆ قورعاۋشىسىنىڭ سوتقا ٴتوراعالىق ەتۋشى سۋديا گ.داۋلەشوۆاعا نارازىلىعىمەن باستالدى. دەگەنمەن، قورعاۋشى تاراپتىڭ ٴوتىنىشى قاناعاتتاندىرىلعان جوق.

سوت وتىرىسىنا كۋاگەر رەتىندە قاتىسقان ت.تولەشوۆ بيىل 24 ساۋىردە اتىراۋدا تالعات ايانوۆ پەن ماكس بوقايەۆ وتكىزگەن زاڭسىز شەرۋدى ٴوزى قارجىلاندىرعانىن تولىق مويىندادى. سوتتاعى جاۋابىندا ول ٴوزىنىڭ بيلىكتى كۇشپەن باسىپ الۋداعى جوسپارلارى، تالعات ايانوۆتى قالاي تاۋىپ العانى، اتىراۋداعى شەرۋدى قالاي قارجىلاندىرعانى تۋرالى اڭگىمەلەپ بەردى.

«مەن ۇزاق ۋاقىت بويى قازاقستانداعى بيلىكتى وزگەرتۋدىڭ مۇمكىندىكتەرىن زەرتتەدىم. ەلدە ۆيسە-پرەزيدەنت لاۋازىمىن ەنگىزىپ، ول قىزمەتتى ٴوزىم اتقارۋدى جوسپارلادىم. سوندىقتان، زاڭنامالىق بازامەن تانىسىپ، ٴوز كومەكشىلەرىمە جاڭا لاۋازىمدى ەنگىزۋ جولدارىن انىقتاۋ تاپسىرماسىن بەردىم. ٴبىز بۇنى قوعام قايراتكەرلەرى، قوعامدىق ۇيىمدار مەن دەپۋتاتتىق كورپۋس ارقىلى جۇزەگە اسىرۋدى جوسپارلادىق. بۇل ماقساتىما جەتۋ ٴۇشىن ماعان حالىق تولقۋلارىن ۇيىمداستىرۋ قاجەت بولدى. كەيىننەن ٴوز بەدەلىمدى كوتەرىپ العان سوڭ، ول تولقۋلاردى توقتاتۋدى ۇيعاردىم. حالىقتى جاپپاي كوتەرۋ ٴۇشىن قوعامدا الدەبىر الەۋمەتتىك جارىلىس جاساۋ كەرەك دەپ شەشتىم. سول ساتتە قوعامدا ابدەن پىسىپ-جەتىلگەن جەر ماسەلەسىن تاڭدادىم. جەرگە قاتىستى 2015 جىلى كۇزدە رەسمي شەشىم قابىلدانعان سوڭ، 2016 جىلى ەلىمىزدە جەر رەفورماسى ىسكە اسىرىلاتىنىن ٴبىلدىم»، - دەدى جاۋابىندا ت.تولەشوۆ.

ت.تولەشوۆ وسى ٴساتتى پايدالانىپ، جەر تاقىرىبىن جەلەۋ ەتىپ، حالىقتى بيلىككە قارسى كوتەرۋگە شەشىم قابىلداعان. ول تۋعان جەرگە دەگەن سۇيىسپەنشىلىگى زور ٴار قازاق پەن قازاقستاندىقتىڭ قارسىلىعى مەن اشۋ-ىزاسى حالىقتان تەز قولداۋ تاباتىنىن جانە سايىپ كەلگەندە ەلدەگى احۋالدى تۇراقسىزداندىراتىنىن جورامالداعانىن ايتتى. ٴسويتىپ، شىمكەنتتىك كاسىپكەر احۋال قاتتى ۋشىققان كەزدە حالىقتىق تولقۋلاردى تالعات ايانوۆتىڭ كومەگىمەن ٴوزى توقتاتىپ، باستى ماقساتىنا جەتۋدى كوزدەيدى. وسىلايشا، ول باق پەن الەۋمەتتىك جەلىلەردەگى جاريالانىمدارمەن تانىسىپ، تانىمال جانە تاجىريبەلى بەلسەندىنى ىزدەستىرگەنىن دە جاسىرمادى. كاسىپكەردىڭ نازارى تۇرعىن ٴۇي كوممۋنالدىق شارۋاشىلىق سالاسىندا جانە تاعى باسقا ماسەلەلەر بويىنشا بىرنەشە رەت قارسىلىق اكسيالارىن وتكىزگەن، اتىراۋلىق قوعام بەلسەندىسى تالعات ايانوۆقا تۇسەدى.

«بۇل جەردە اتىراۋ ٴوڭىرى جايدان-جاي تاڭدالعان جوق. سول كەزەڭدە وڭتۇستىك قازاقستان وبلىسىنىڭ تۇرعىنى اتىراۋ قالاسىندا شەرۋ ۇيىمداستىرادى دەگەن وي ەشكىمنىڭ باسىنا كەلمەس ەدى. جانە دە باتىس قازاقستاندا حالىق باسقا وڭىرلەرگە قاراعاندا بەلسەندىرەك بولىپ كەلەدى. ماقساتتارىمدى ىسكە اسىرماق بولىپ، ٴوز كومەكشىم ن.دوسانبايەۆقا تالعات ايانوۆقا اقشا جىبەرۋدى تاپسىردىم. سونداي-اق، ت.ايانوۆقا جەر ماسەلەسىنە قاتىستى حاتتاردى قوسا جونەلتتىم»،- دەدى ت.تولەشوۆ.

كۋاگەردىڭ ايتۋىنشا، ونىڭ اتىراۋداعى تانىسى ت.ايانوۆپەن بايلانىسقا شىعادى. ول تالعات ايانوۆپەن «تىلدەسۋدە» ٴمان-جايدى ٴتۇسىندىرىپ، ارتىنشا اقشا ۇسىنادى، ال ت.ايانوۆ ۇسىنىسقا بىردەن كەلىسەدى. تالعات ايانوۆ باستاپقىدا 150 مىڭ اقش دوللارىن سۇرايدى.

«تالعاتپەن كەلىسكەن سوڭ، مەن ٴوز قىزمەتكەرىم ۆ.ۆولكوۆتى شاقىرىپ الىپ، ن.دوسانبايەۆقا 150 مىڭ اقش دوللارىن بەرۋدى تاپسىردىم. كەيىننەن ويلانىپ، 50 مىڭ دوللاردى قوسىمشا شىعىندارعا ساقتاپ قويۋدى ۇيعاردىم. سول سەبەپتەن دوسانبايەۆ ول اقشانى وزىندە قالدىرىپ، 100 مىڭ دوللاردى قولما-قول اقشا تۇرىندە ت.ايانوۆقا جىبەردى. اقشانى اتىراۋعا جەتكىزۋدى دوسانبايەۆ ۇيىمداستىردى. جەلتوقساننىڭ سوڭىندا ن.دوسانبايەۆ ارقىلى و.بەكباۋوۆ اقشانى اتىراۋعا بارىپ، اقشانى جەلتوقساننىڭ سوڭىندا ايانوۆتىڭ ٴوز قولىنا تاپسىردى. كومەكشىلەرىم جوسپار تۋرالى ەشتەڭە بىلمەدى. قارجىنى قاداعالاعان جوقپىن، ويتكەنى مەن ەلدە ميللياردتاپ تابىس تاباتىن بىردە-بىر كاسىپكەر بولدىم. بۇل قارجىعا مەن ت.ايانوۆتىڭ جەر ماسەلەسىنە قاتىستى دوڭگەلەك ۇستەلدەر، كونفەرەنسيالار، باسقا دا شارالار مەن ميتينگتەردى ۇيىمداستىرۋىن قالادىم. ال ميتينگتەردىڭ زاڭدى، زاڭسىز وتەتىندىگى ماعان ماڭىزدى ەمەس بولدى. تالعاتپەن جەكە تانىس ەمەسپىن، ونىمەن ەشقاشان سويلەسكەن جوقپىن»، - دەپ مالىمدەدى «شىمكەنت-سىرا» جشس ەكس-باسشىسى.

ت.تولەشوۆ سوتتا ٴقاۋىپتى بولعاندىقتان اتىراۋداعى جولداسىنىڭ ەسىمىن اتاۋدان باس تارتتى. سونداي-اق، ول سوتتا قىسىم جاسالماعانىن ايتتى.

سوت پروسەسىندە ت.تولەشوۆ زاڭسىز شەرۋدىڭ نەلىكتەن 2016 جىلدىڭ ساۋىرىندە وتكىزىلگەنىن ايتىپ بەردى. شىمكەنتتىك كاسىپكەر شەرۋدى قىستى كۇنى 2015 جىلدىڭ سوڭىندا نەمەسە 2016 جىلدىڭ باسىندا وتكىزۋدىڭ رەتى كەلمەيتىن ەدى دەيدى. الدىمەن تاقىرىپتى حالىقتىڭ اراسىندا كەڭىنەن تاراتىپ، الەۋمەتتىك جەلىلەردە قاجەتتى جۇمىستار جۇرگىزىپ، حالىقتىڭ قارسىلىق كوڭىل-كۇيىن قالىپتاستىرۋ كەرەك بولاتىن. جانە دە ت.تولەشوۆ ٴوز سوزىندە ماكسكە شەرۋ جونىندە ەشقانداي نۇسقاۋ بەرمەگەنىن، ەڭ نەگىزگىسى تالعاتتىڭ اتىراۋ وڭىرىندە ۇلكەن بەدەلگە يە ەكەنىن ايتىپ بەردى. دەگەنمەن، ونىڭ ماكسپەن بايلانىسى بارىن بىلگەنىن جەتكىزدى.

ال سوت پروسەسىنىڭ سوڭىنا قاراي تالعات ايانوۆتىڭ ٴوزى بەلسەندىلىگىمەن تانىلعاندىقتان ت.تولەشوۆتىڭ نازارى وعان اۋعانىن مويىندادى. ول اتىراۋداعى تولقۋ ەلىمىزدىڭ باسقا قالالارىندا دا تولقۋلاردىڭ وتۋىنە سەبەپكەر بولعانىن ايتتى.

ەسكە سالا كەتسەك، 2016 جىلدىڭ ٴساۋىر ايىندا ت.ايانوۆ پەن م.بوقايەۆ جەر زاڭناماسىنا قوعامنىڭ قىزىعۋشىلىعى ارتقان ٴساتىن پايدالانىپ، «جەر ماسەلەسى» بويىنشا قارسىلىق اكسيالارىن ۇيىمداستىرعان. ايىپتالۋشىلار ت.ايانوۆ پەن م.بوقايەۆ تۇرعىنداردى جەر تاقىرىبىنا ەلىكتىرىپ، حالىقتىڭ پاتريوتتىق سەزىمىن ٴوز جەكە باسىنىڭ مۇددەسىنە پايدالانىپ، «facebook» الەۋمەتتىك جەلىسىندەگى جەكە پاراقشالارىندا «ەل باسشىلىعى اۋىل شارۋاشىلىعى جەرلەرىن شەتەلدىك ازاماتتار مەن كومپانيالاردىڭ جەكەمەنشىگىنە اينالدىرۋدى جوسپارلاۋدا» دەگەن سيپاتتاعى جالعان اقپارات تاراتقان. سوتقا دەيىنگى تەرگەۋ شارالارىنىڭ ناتيجەسىندە م.بوقايەۆ پەن ت.ايانوۆ جەر ماسەلەسىنە قاتىستى ارنايى قۇرىلعان جەر كوميسسياسىنىڭ وتىرىسىنا قاتىسۋدان باس تارتىپ، جەر كودەكسىنە ەنگىزىلگەن تۇزەتۋلەردى الىپ تاستاۋعا قارسىلىق ٴبىلدىرۋ ٴۇشىن جۇرتتى 21 مامىردا قارسىلىق اكسياسىنا شىعۋعا شاقىرعاندىعى دا انىقتالدى.

كوكتەمدە قاماۋعا الىنعان م.بوقايەۆ پەن ت.ايانوۆتىڭ قر قىلمىستىق كودەكسىنىڭ ٴۇش بابى بويىنشا ايىپتار تاعىلۋدا. اتاپ ايتساق، ولار: 174 باپتىڭ 2 تارماعى، ياعني، الەۋمەتتىك جانە ۇلتتىق الاۋىزدىق تۋعىزۋعا باعىتتالعان قاساقانا ىس-ارەكەتتەر جاساۋ، ازاماتتاردىڭ ۇلتتىق نامىسى مەن قادىر-قاسيەتىنە ٴتىل تيگىزۋ; 274 باپتىڭ 4 تارماعى، ياعني، قوعامدىق ٴتارتىپتى بۇزۋعا ٴقاۋىپ توندىرەتىن كوپە-كورىنەۋ جالعان اقپارات تاراتۋ; 400 باپ، ياعني، زاڭسىز شەرۋلەردى ۇيىمداستىرۋ، وتكىزۋ جانە وعان قاتىسۋ.

كوممەنتاريي17
ساگيدا
تولەشەۆ دايىندالىپ، ٴبارىن الدىن الا جوسپارلاعان ەكەن عوي، وسىنىڭ ٴبارىن بيلىك ٴۇشىن جاساعان ەكەن عوي
قادىربەك
قىستا قارجىنى اۋدارىپ، ميتينگتى كوكتەمتە وتكىزۋدى جوسپارلاپتى. بۇل كادىمگى "بارباروسسا" جوسپارى سياقتى عوي.
ليزا
ەكى ادامنىڭ اقشاعا ماستانىنىڭ كەسىرىنەن كۇللى قازاق ەلىنىڭ ٴبىر كۇنى بەرەكەسىز ٴوتتى. جازالاۋ كەرەك.
erzhan
قارجىنى كومەكشىسىنەن بەرىپ جىبەرگەن ەكەن. ايانوۆ ول اقشاعا ٴتۇرلى كونفەرەنسيالار مەن ميتينگتى ۇيىمداستىرۋ ٴۇشىن شارالار وتكىزگەن. قارجىنى كومەكشىسىنەن بەرىپ جىبەرگەن ەكەن. ايانوۆ ول اقشاعا ٴتۇرلى كونفەرەنسيالار مەن ميتينگتى ۇيىمداستىرۋ ٴۇشىن شارالار وتكىزگەن.
ورال
ەل ىشىندە مۇنداي ادامداردىڭ بولۋى كوپشىلىككە زيانىن تيگىزەدى. بۇل ەلدىڭ پاتريوتتىق سەزىمىن ساتىپ الۋمەن بىردەي عوي.
كۋرالاي
نەمەنە بوپ كەتتى ٴوزى؟ اقشا ٴۇشىن "رول" ويناپ شىققان با سوندا بوقايەۆتار؟
سامال
"قارنى توقتىق، جۇمىسى جوقتىق-ازدىرار ادام بالاسىن"!
جادىرا
تويعاننان سەكىرىپ جۇرگەندەر عوي. كۇلكىلى ٴتىپتى
اراي
اقشالارى قالتالارىنا سىيماي بارا جاتىر ما وزدەرىنىڭ؟
جۇلدىز
قىلمىستىڭ ٴمان-جايى ەندى اشىلعان سياقتى. بۇعان نە دەر ەكەن ەندى ەكەۋى. جىگىتتەر وتاندى اقشاعا ساتۋ حاديستە دە ۇلكەن كۇنا.
حاميت
ەشقانداي قىسىم جوق ەكەنىن ٴوزى دە اشىق ايتتى عوي. تولەشوۆتىڭ قانداي پيعىلدى ادام ەكەنى اۋەلدەن بەلگىلى عوي.
تۇرار
جالپى العاندا بۇل ٴىستىڭ ارتىندا ارام وي، ارانداتۋشى ادامدار تۇر. اقشاعا الدانعان حالىق ەرىپ كەتتى عوي بۇل ەكەۋىنە.
ايشا
ادۆوكاتتار وزدەرى تالعات پەن ماكستى "پودستاۆليات" ەتىپ جاتقانى كورىنىپ تۇر. سوعان قاراپ، قورعاۋشىلارى كنب، پروكۋراتۋرامەن كەلىسىپ العان دەۋگە تولىق سەنىم بار.
سارا
انداعى سوتتاعى قورعاۋشىلارعا قالاي اشۋىڭ كەلمەيدى؟ قۇددى جاي ٴبىر كوشەدەن بىرەۋدى الىپ كەلە سالعان سياقتى. مەڭزەڭ نە سۇراق قويارىن بىلمەيدى.
kamilla
تولەشوۆتىڭ بوقايەۆ پەن اياندى قارجىلاندىرعانى راس بولىپ شىقتى. سوت باستالماي تۇرىپ-اق، سولاي بولارىنا كۇمان بولعان جوق، ەندى مىنە، تايعا تاڭبا باسقانداي "ايانعا 100 مىڭ دوللار اقشا بەردىم" دەپ وتىر. ەندى نە بولسا دا ايان مەن بوقايەۆ جازادان قاشىپ كەتە المايدى
گوست
تورەگوجينا سيديت ۆ ەگيپتە پوستى پيشەت،ياكوبى ۆ زاششيتۋ،ادۆوكاتى "وتجيگايۋت"،تولەشوۆ ۆووبششە كراساۆچيك،وني ناشلي درۋگ درۋگا،بازار جوك
ايسۋلۋ
دۋرىس سۋراكار كايدا؟؟؟ وسى سوت پا؟!

ۆاش كوممەنتاريي بۋدەت وپۋبليكوۆان پوسلە مودەراسيي