BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

تەرروريستىك ۇيىمدارعا قارجىلىق قولداۋ كورسەتكەندەرگە جەڭىلدىك جاسالۋى مۇمكىن – قارجى مينيسترلىگى

فوتو: Yorick.kz

تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالار تىزبەسىنە ەنگەن ازاماتتار بۇرىن العان نەسيەسىن جابۋعا مۇمكىندىك بەرىلۋى مۇمكىن. بۇل تۋرالى قر قارجى مينيسترلىگى قارجى مونيتورينگ كوميتەتىنىڭ ٴتوراعاسى ٴانۋار جۇمادىلدايەۆ مالىمدەدى، دەپ حابارلايدى baq.kz ٴتىلشىسى.

بۇگىن قر ادىلەت ٴمينيسترى مارات بەكەتايەۆتىڭ ٴتوراعالىق ەتۋىمەن زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيانىڭ كەزەكتى وتىرىسى ٴوتتى. وندا قارجى مونيتورينگى كوميتەتىنىڭ ٴتوراعاسى ٴانۋار جۇمادىلدايەۆ “قر زاڭنامالىق اكتىلەرىنە قىلمىستىق جولمەن الىنعان كىرىستەردى زاڭداستىرۋ جانە تەرروريزمدى قارجىلاندىرۋعا قارسى ٴىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسىنىڭ تۇجىرىمىن تانىستىردى.

“تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالارعا سوت ارقىلى شىققان ۇكىمنىڭ ٴتىزىمى بار. تىزىمگە شامامەن 1500 ادام ەنگەن. ٴبىراق بۇل سان وزگەرىپ وتىرادى. الايدا تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالار تىزىمىنە ەنگەن ازاماتتار اقشاسىن باسقا جاققا اۋدارا المايدى. ولارعا ٴتۇرلى شەكتەۋ قويىلادى. بانكتاعى ەسەپشوتى جۇمىس ىستەمەيدى”، - دەدى كوميتەت ٴتوراعاسى ۆەدومستۆوارالىق كوميسسيانىڭ وتىرىسىنان شىققان سوڭ.

ونىڭ ايتۋىنشا، ازاماتتار اتالعان تىزىمگە كىرمەي تۇرىپ، كرەديت الادى. ال سوتتىڭ شەشىمىمەن تىزىمگە ەنگەن سوڭ ٴتۇرلى ماسەلەلەر تۋىندايدى.

“سالدارىنان قاراپايىم ازاماتتار كرەديت تولە الماي قالادى. سەبەبى، زاڭ بويىنشا اقشالارى وتپەيدى. سوندىقتان مۇنى زاڭمەن رەتكە كەلتىرۋدەمىز. بۇل جەكە تۇلعالارعا قاتىستى. زاڭدى تۇلعالارعا دا قاتىستى پروبلەما بار. ول دا زاڭمەن رەتتەلمەگەن. مىسالى، بەلگىلى ٴبىر كومپانيا قۇرىلتايشىسى تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالار تىزبەسىنە ەنۋى مۇمكىن. سالدارىنان كومپانيا جۇمىس ىستەي المايدى. ونىڭ بانكتەگى ەسەپشوتىنان اقشا وتپەيدى، نە سالىعىن تولەي المايدى. مۇنى ٴبىز اتالعان زاڭمەن رەتتەگىمىز كەلەدى”، - دەپ تۇيىندەدى ٴسوزىن ٴانۋار جۇمادىلدايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي