BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

تەمىرجول ۆوكزالدارىندا بيلەت ساتاتىن دەلدالدار قاراسى ازايماي تۇر

الماتى، baq.kz. ولار كەزەكتە تۇرعان ازاماتتارعا تومەندەتىلگەن باعادا، ياعني ٴوز قۇنىنىڭ جارتى باعاسىندا بيلەتتەر ۇسىنىپ ٴجۇر. بۇل تۋرالى سىبايلاس جەمقورلىققا قارسى ٴىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى دانيار تاۋمۇرات الماتىدا وتكەن جيىندا ايتتى.

تەمىرجول جولاۋشى تاسىمالىنداعى سىبايلاس جەمقورلىققا قارسى ارەكەت بويىنشا بەكىتىلگەن مەموراندۋم اياسىندا وسى جىلدىڭ 15 قازانىندا مەملەكەتتىك قىزمەت ىستەر جونىندەگى اگەنتتىك پەن سىبايلاس جەمقورلىققا قارسى ٴىس-قيمىل اگەنتتىگىنىڭ الماتى قالاسى بويىنشا دەپارتامەنتى جانە قتج -جۇك تاسىمالى» اق فيليالى – الماتى جۇك تاسىمالى بولىمشەسى فيليالى بىرلەسە وتىرىپ جەمقورلىقپەن كۇرەستە الدىن الۋ شارالارى بويىنشا دوڭگەلەك ۇستەل وتكىزدى.

القالى جيىنعا سىبايلاس جەمقورلىققا قارسى ٴىس-قيمىل اگەنتتىگىنىڭ الماتى قالاسى بويىنشا دەپارتامەنتى، سىبايلاس جەمقورلىققا قارسى ٴىس-قيمىل ۇلتتىق بيۋروسى، الماتى قالاسى جەتىسۋ كولىك پروكۋراتۋراسىنىڭ باسشىلارى، سونىمەن قاتار قتج -جۇك تاسىمالى» اق فيليالى – الماتى جۇك تاسىمالى بولىمشەسىنىڭ بارلىق باسقارۋشى قۇرامى قاتىستى. وتىرىستا سىبايلاس جەمقورلىقپەن كۇرەستەگى باستى ماسەلەلەر مەن ونىڭ الدىن الۋ شارالارى قارالدى. سونداي-اق تاسىمالداۋ سالاسىنداعى جەمقورلىق زاڭبۇزۋشىلىقتارى ەسكەرتىلدى.

سىبايلاس جەمقورلىققا قارسى ٴىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى دانيار تاۋمۇرات جۇرگىزىلگەن رەيدتىڭ ناتيجەسىندە، قالانىڭ تەمىرجول ۆوكزالىندا ٴالى كۇنگە دەيىن دەلدالدار جۇمىس ىستەپ جاتقانى انىقتالعاندىعىن جەتكىزدى.

«ولار كەزەكتە تۇرعان ازاماتتارعا تومەندەتىلگەن باعادا، ياعني ٴوز قۇنىنىڭ جارتى باعاسىندا بيلەتتەر ۇسىنىپ ٴجۇر»، -دەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي