BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

telegram ينتەرفەيسى قازاقشالاندى

رەسەيلىك جوو تۇلەگى 24 جاستاعى قازاقستاندىق تيمۋر بەحەر ٴوز سەرىكتەرىمەن بىرگە اتالعان ٴموبيلدى قوسىمشانىڭ ينتەرفەيسىن ٴقازاقتىلدى قولدانۋشىلارعا ىڭعايلاپ جاساپ شىقتى، دەپ حابارلايدى baq.kz اقپارات اگەنتتىگى.

ايتا كەتەيىك، بۇعان دەيىن ٴموبيلدى قوسىمشا ينتەرفەيسىنىڭ 13 ٴتىلدى نۇسقاسى بار بولاتىن. ولاردىڭ قاتارىندا تەك ەكەۋى عانا پوستكەڭەستىك ەلدەرگە تيەسىلى، ياعني ورىس جانە ۋكراين تىلدەرى. ال، ٴقازاقتىلدى ورتانىڭ تەلەگرامدى ەش كەدەرگىسىز قولدانۋى ٴۇشىن ينتەرفەيستى قازاقشالاۋ كەرەك ەدى. مۇنداي قادامعا الەمنىڭ وزگە ەلدەرى دە بارعانىن ايتا كەتۋ كەرەك، ولار تانىمال مەسسەندجەردىڭ ٴتىلىن وزدەرىنە ىڭعايلاپ العان.

«قازاقستاندىقتار ٴۇشىن وتە قولايلى ٴموبيلدى قوسىمشانىڭ ٴقازاقتىلدى ينتەرفەيسىنىڭ بولماۋى مەن ٴۇشىن تۇسىنىكسىز جايت. ەلىمىزدە قازاق ٴتىلىن دامىتۋعا كوپتەگەن جۇمىس اتقارىلىپ جاتىر، سوندىقتان ٴبىز تەلەگرامدى قازاقشالاۋدى ٴجون دەپ تاپتىق»، - دەيدى تيمۋر بەحەر.

تەلەگرام قولدانۋشىلارى ٴوز مەسسەندجەرىنە قازاقشا ينتەرفەيس ورناتۋ ٴۇشىن فايلدى @qaztransbot بوتىنان جۇكتەپ الىپ، نۇسقاۋلىق بويىنشا ورناتىپ الۋى ٴتيىس. ٴقازاقتىلدى نۇسقا ios جانە android پلاتفورمالارىندا قولجەتىمدى.

جوبا اۆتورىنىڭ ايتۋىنشا، قازاقشا تەلەگرامدا قاتەلىكتەر بولۋى مۇمكىن. سوندىقتان، قولدانۋشىلار تاراپىنان ەسكەرتۋلەر مەن ۇسىنىستار بولعان جاعدايدا سكرين-كوشىرمەنى @qz_gram دايرەكتىنە جولداي الادى.

جالپى، تەلەگرام مەسسەندجەرى قازاقستاندا ەڭ كوپ جۇكتەلگەن ٴموبيلدى قوسىمشالاردىڭ ٴبىرى. ٴار كۇن سايىن اتالعان مەسسەندجەر قولدانۋشىلارىنىڭ سانى جارتى ميلليون ادامعا ارتىپ وتىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي