BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

تەلەارنالاردى وتاندىق ونىممەن تولتىرۋىمىز كەرەك – ەسەن ەلەۋكەن

قىركۇيەكتە جۇمىسىن باستاعان ويىن-ساۋىقتىق tamasha tv تەلارناسىنىڭ ديرەكتورى ەسەن ەلەۋكەن astana media week مەديا-اپتالىعىندا قازاقستاندىق تەلەارنالار وتاندىق ونىمگە ەرەكشە نازار اۋدارۋى قاجەت دەپ اتاپ كورسەتتى، دەپ حابارلايدى baq.kz ٴتىلشىسى.

- قارابايىر سۇراق: astana media week اپتالىعىنا نە ٴۇشىن جينالىپ وتىرمىز؟

- بۇل جەردە وتاندىق تەلەارنالار، جالپى باق جينالىپ، ٴتۇرلى پروداكشندار وزدەرىنىڭ ونىمدەرىن ۇسىنادى. جالپى تاجىريبە جيناۋ ماقساتىندا وتە كەرەك دۇنيە. سونى ٴبىراق ٴساتتى پايدالانۋىمىز كەرەك. ٴبىز جاس تەلەارنا بولعاننان كەيىن العاش قاتىسىپ وتىرعان ٴىرى شارامىز. وسى شارادان بىزگە كەرەك كوپ دۇنيەلەردى العىمىز كەلەدى، تاجىريبە الماسقىمىز كەلەدى. وسى اپتالىققا قاتىسۋ ٴبىز ٴۇشىن ۇلكەن مارتەبە.

- تەلەارنانىڭ اشىلعانىنا ٴبىر ايعا جۋىقتاپ قالدى. از ۋاقىتتىڭ ىشىندە نە اتقاردىڭىزدار، نە تۇيدىڭىزدەر، قانداي باعىتتا جىلجيسىزدار ەندى؟

- ازىرشە ىشكى ونىمدەردى قايتالاۋمەن كەلە جاتىرمىز. الداعى ٴۇش-تورت اي ٴالى دە بولسا زەرتتەۋمەن، ىزدەنىسپەن ٴتۇرلى شىعارماشىلىق ورتالارمەن كەلىسسوزدەر جۇرگىزىپ، ٴتۇرلى باعدارلامالاردى ويلاپ تابۋ سەكىلدى جۇمىستارمەن اينالىسامىز. نەگىزگى كۇشتى كەلەر ماۋسىمعا سالامىز. «بىردەن نەگە جاڭا دۇنيەمەن شىقپادى؟» دەگەن سۇراقتار كوپ. اسىقپاۋ كەرەك. بارلىعىن زەردەلەپ الامىز، سەبەبى ٴقازىر كورەرمەندەر اراسىندا «نەگە وسىنداي ارنا اشىلدى؟»، «مۇنداي ارنالار كوپ ەمەس پە؟» دەگەن سۇراقتار بولىپ جاتىر. نەگىزى كوپ ەمەس. ۇلتتىق ارنانىڭ وزىندە ويىن-ساۋىقتىق باعدارلامالار 10%-عا جەتپەيدى. ٴبىراق سونى ٴڭوزى كوزگە كورىنەدى دە تۇرادى.

- جالپى قانداي ماقساتتا اشىلدى؟

- مۇنداي دۇنيە ٴاربىر ەلدە بار. ٴاربىر ەلدىڭ وزىندىك وتاندىق ٴونىمى بولۋى ٴتيىس. ٴبىز ٴدال قازىرگى ساتتە، شىن ايتايىن، كوپشىلىگى (تەلەارنالار – اۆت.) شەتەلدىك كونتەنتپەن تولتىرىپ جاتىر. وزىندىك باعىتتا كوپ ٴونىم جوق. بۇرىن تەاترلار، شىعارماشىلىق توپتار بار ەدى، ۋاقىت وتە كەلە ولارعا دا كىشكەنە رەفورما كەرەك، كىشكەنە جۇمىس جاساۋ كەرەك. بۇل دۇرىس دۇنيە. كەلە سالا ٴازىل-سىقاقتىڭ ٴبارىن ارناعا كىرگىزىپ، قالاي بولسا سولاي شىعارا سالمايمىز. سەبەبى ٴار باعدارلامانىڭ دۇرىس بولۋىنا، دۇرىس پىكىر قالىپتاستىراتىنداي دۇنيە جاساۋعا اتسالىسامىز. بۇل جەردە مادەنيەتتى قالىپتاستىرۋىمىز كەرەك. ٴبىزدىڭ ماقساتىمىز وسى. «اننان قاشقان، مىننان قاشقان» باعدارلامالاردى قويا سالمايمىز. بۇل جەردە دۇرىس دۇنيە قالىپتاستىرۋىمىز قاجەت. وسىنى ٴار ۋاقىتتا ايتىپ جۇرەمىن. وڭاي ەمەس، ٴسوزدىڭ اشىعى كەرەك. ەرتەڭ قانشاما سىن-پىكىر ايتىلادى. ٴبارىمىز قاۋىم بولىپ، ورتا بولىپ بىرلەسىپ، اقىلداسىپ، كەڭەسىپ، وسىنى بىرگە اتقارۋىمىز كەرەك.

- ارنانىڭ اۋديتورياسى قانداي؟

- ونداي ەسەپ جوق. ٴقازىر «وتاۋ تۆ»-دا شىعىپ جاتىرمىز. 1-2 ايدىڭ ىشىندە تولىق كابەلدىك ارنالارعا وتەمىز. جان-جاقتان حابارلاسىپ جاتقان كورەرمەننىڭ پىكىرى ازىرگە جامان ەمەس. ول تۇسىنىكتى دە. باستاپقى كەزدە ەشكىم سىناي قويمايدى. بولاشاقتا ٴوزىمىزدىڭ دۇنيەلەر شىعا باستاعاننان كەيىن اڭگىمەلەردى ەستيتىن بولامىز.

- سۇحباتىڭىزعا راحمەت!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي