BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

تەحنوپاركتىڭ اۋماعىندا كينوستۋديا پايدا بولۋى مۇمكىن

فوتو: xakac.info

قازىرگى تاڭدا اتالمىش ماسەلە تالقىلانىپ جاتىر، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

استانادا كينوستۋديانى اشۋ جونىندەگى جوبانى ىسكە اسىرۋ global silk road جىبەك جولى ەلدەرى قالالارى باسشىلارىنىڭ فورۋمى اياسىندا «astana invest» قالالىق ينۆەستيسيالاردى دامىتۋ» سەرىكتەستىگى مەن رەجيسسەر ٴارى اكتەر نياز ٴابدىعاپپاروۆ ٴتوراعالىق ەتەتىن «v.s.e.e. (enterprise)» جشس اراسىندا بەكىتىلگەن ىنتىماقتاستىق تۋرالى مەموراندۋمنىڭ ارقاسىندا مۇمكىن بولدى.

«نياز «استانا كينوستۋديا» جوباسىن ۇسىندى. ٴبىز اكك-نىڭ ارقاسىندا عيماراتتى تاپتىق. بۇل – سەلينسەلماش زاۋىتى عيماراتىنداعى تەحنوپارك. عيمارات ٴىشى جامان ەمەس. ول 7000 شارشى مەتر اۋماقتى الىپ جاتىر. وندا اۋدانى 3000 شارشى مەتردى قۇرايتىن جاتاقحانا دا قاراستىرىلعان»، - دەپ مالىمدەدى astana ٴinvest-تىڭ «نوۆايا ەكونوميكا» جوبالىق كەڭسەسى كرەاتيۆتى سەكتورىنىڭ جەتەكشىسى جۇلدىز سەيسەنبەكوۆا.

ونىڭ ايتۋىنا قاراعاندا، كينوستۋديانىڭ دامۋ الەۋەتى جوعارى. ول رەسەيگە قىزىقتى دا ٴتيىمدى ۇسىنىستاردى كەلتىرە الادى. تۇسىرىلىمدەر استانا اۋماعىندا جۇرگىزىلەدى.

«كينو ٴوندىرىس، ارنايى كينوجابدىقتاردىڭ كومەگىمەن جارنامالىق روليكتەردى جاساۋ، تاريحي جانە فەستيۆالدىك فيلمدەردى ٴتۇسىرۋ، مەملەكەتتىك تاپسىرىس. وسىنىڭ بارلىعىن جەكە كينوستۋديادا جاساۋعا بولادى»، - دەدى ول.

سونداي-اق، ج. سەيسەنبەكوۆا قازىرگى تاڭدا اتالمىش ماسەلە تالقىلانىپ جاتقانىن تىلگە تيەك ەتتى.

ايتا كەتەيىك، global silk road جىبەك جولى ەلدەرى قالالارى باسشىلارىنىڭ فورۋمى بارىسىندا استانا اكىمدىگى جالپى قۇنى 73 ملن اقش دوللارىن قۇرايتىن ينۆەستيسيالىق جوبالاردى ىسكە اسىرۋعا قاتىستى ٴبىرقاتار مەموراندۋمعا قول قويعان بولاتىن. ولار جوعارى تەحنولوگيالىق ەت وڭدەۋشى كەشەن مەن كونديتەرلىك فابريكانى، دنك دياگنوستيكاسى زەرتحاناسىن، باسقا دا ٴبىرقاتار جوبانى ىسكە قوسۋعا مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي