USD 334.31 EUR 355.17 RUB 5.31
استانا:

تاياۋدا مەملەكەتتىك باق حالىقتىڭ كوڭىلىنەن شىعادى – د.ابايەۆ

فوتو: Бауыржан ЖУАСБАЕВ

مەملەكەتتىك بۇقارالىق اقپارات قۇرالدارى تاياۋ كەلەشەكتە كورەرمەن مەن وقىرمان كوڭىلىنەن شىعاتىن بولادى. بۇل تۋرالى بۇگىن قر اقپارات جانە كوممۋنيكاسيالار مينيسترلىگىنىڭ القا وتىرىسىندا ۆەدومستۆو باسشىسى داۋرەن ابايەۆ ايتتى، دەپ حابارلايدى قازاقپارات.

«قازىرگى ۋاقىتتا «kazakh tv» مەن «ٴبىلىم جانە مادەنيەت» تەلەارنالارىن «kazakh tv» لوگوتيپى اياسىندا بىرىكتىرۋ جۇزەگە اسىرىلۋدا. تەلەارنانىڭ تۇساۋكەسەرى تاياۋ ۋاقىتتا وتەدى. «حابار 24» تەلەارناسىنىڭ تارالىم سەبەتى بارىنشا وزگەردى، جاڭالىقتار كونتەنتى قىسقارتىلدى جانە اقپاراتتىق-ساراپتامالىق ٴارى كوركەم باعدارلامالار ٴوندىرىسى ارتتىرىلدى. ٴدال وسىنداي جۇمىستار بارلىق مەملەكەتتىك تەلەارنالاردا، سونىمەن بىرگە ٴبىزدىڭ گازەتتەردە دە جۇرگىزىلەتىن بولادى. ٴبىز مۇنىڭ جۇيەلى پروسەسس ەكەندىگىن جانە ەشكىم دە ٴبىر ساتتەگى ناتيجەگە ۋادە بەرمەيتىندىگىن تۇسىنۋگە ٴتيىسپىز. ٴبىز قىسقا مەرزىمدى كەلەشەكتە مەملەكەتتىك باق-تار كورەرمەن مەن وقىرمان ٴىلتيپاتى رەيتينگىندە بارىنشا جوعارى پوزيسياعا شىعارىنا سەنىمدىمىز»، - دەدى ول.

سونىمەن قاتار ابايەۆ قازىرگى ۋاقىتتا مينيسترلىك مەملەكەتتىك اقپارات ساياساتىنا قاتىستى جاڭا ادىستەردى جۇزەگە اسىرۋعا باعىتتالعان جۇمىستاردىڭ جۇرگىزىلىپ جاتقانىن ەسكە سالدى. بۇل باعىتتا اقپاراتتىق جۇمىس ستراتەگياسى ازىرلەنگەن. وندا كونتەنت قالىپتاستىردىڭ ەكى باستى پارامەترى بار.

«ول قوعامنىڭ رۋحاني تىرەگىن نىعايتۋعا، وتباسى قۇندىلىقتارىن، ٴبىلىم، وتانسۇيگىشتىك جانە «ماڭگىلىك ەل» پاتريوتتىق اكتىسىندە بەلگىلەنگەن باسقا دا قۇندىلىقتاردى ىلگەرىلەتۋگە باعىتتالعان «قۇندىلىقتار كارتاسى». ەكىنشىسى - ازاماتتارعا سالالىق باعدارلامالار تۋرالى اقپارات بەرۋگە باعىتتالعان «مەملەكەتتىك pr-ستراتەگيا». بۇل ەڭ الدىمەن «100 ناقتى قادام» ۇلت جوسپارىنا قاتىستى. 2017 جىلدان ٴبىز ٴبىرىڭعاي رەسپۋبليكالىق جانە 16 وڭىرلىك مەديا جوسپارعا كوشۋدى جوسپارلاۋدامىز. مىسال ٴۇشىن ايتا كەتەيىن، قازىرگى ۋاقىتتا ٴبىزدىڭ اقپاراتتىق پۋلىمىز 58 مەديا جوسپار بويىنشا جۇمىس ىستەيدى. ولاردى جۇزەگە اسىرۋ الگوريتىمى ورتالىق مەملەكەتتىك ورگاندار مەن ۇلتتىق كومپانيالاردىڭ اقپاراتتىق جۇمىستارى ەرەجەسىندە بەكىتىلەتىن بولادى»، - دەدى ابايەۆ.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي