BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

تاۋەلسىزدىك كۇنى بۋداپەشتتە تويلاندى

استانا، baq.kz ٴتىلشىسى. قازاقستان تاۋەلسىزدىگىنىڭ 27 جىلدىعىنا وراي ۆەنگريا استاناسى بۋداپەشتتە ارنايى مەرەكەلىك شارا ۇيىمداستىرىلدى.

ۆەنگرياداعى قازاقستان ەلشىلىگى تاۋەلسىزدىكتىڭ 27 جىلدىعىنا وراي سالتاناتتى قابىلداۋ وتكىزدى.

مەرەكەلىك ٴىس-شاراعا ۆەنگريانىڭ مەملەكەتتىك جينالىسىنىڭ دەپۋتاتتارى، مەملەكەتتىك ورگان باسشىلارى، مادەنيەت جانە عىلىم قايراتكەرلەرى، باق، ىسكەر توپتار، ديپلوماتيالىق كورپۋس وكىلدەرى، قازاق دياسپوراسى مەن ستۋدەنت جاستار قاتىستى.

ۆەنگرياداعى قازاقستان ەلشىسى نۇرباح رۇستەموۆ تاۋەلسىزدىك جىلدارى مەملەكەت باسشىسى نۇرسۇلتان نازاربايەۆتىڭ باسشىلىعىمەن قازاقستان جوعارى حالىقارالىق بەدەلگە يە بولىپ، ورتالىق ازيا وڭىرىندە جانە الەمدە ٴوزىنىڭ گەوساياسي ٴرولىن نىعايتا تۇسكەنىن اتاپ ٴوتتى.

سونىمەن قاتار ەلشى ەلباسىنىڭ ماجار تىلىنە اۋدارىلعان «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن ٴومىر ساپاسىن ارتتىرۋ» اتتى جولداۋىن اۋديتوريا نازارىنا ۇسىندى.

سونداي-اق مەرەكەلىك شارادا تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتتەرى ارنايى كونسەرت ۇيىمداستىردى.

ولار قازاقتىڭ ۇلى كومپوزيتورلارى قۇرمانعازى مەن داۋلەتكەرەيدىڭ جانە نۇرعيسا تىلەنديەۆتىڭ كۇيلەرىن، حالىق اندەرىن ورىندادى.

«الاتاۋ» فولكلورلىق ٴانسامبلى قازاق فولكلورى مەن كومپوزيتور يوگاننەس برامستىڭ كلاسسيكالىق شىعارمالارىن ورىندادى.

دومبىرا، قوبىز، داۋىلپاز، شەرتەر، ساز-سىرناي جانە قونىراۋ-اساتاياق سياقتى ۇلتتىق اسپاپتار ماجار قاۋىمىن ٴتانتى ەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي