BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

تارازدا جاۋىنگەرلىك پاتروندار ساتپاق بولعان اسكەري  قىزمەتشى ۇستالدى

11 قازاندا شامامەن ساعات 14:00-دە جامبىل وبلىسى ٴىىد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى تاراز قالاسىندا ورنالاسقان كافەلەردىڭ بىرىندە كالاشنيكوۆ اۆتوماتىنىڭ 130 پاترونىن ساتۋ بارىسىندا قر قورعانىس مينيسترلىگى №85395 اسكەري ٴبولىمىنىڭ اعا لەيتەنانت لاۋازىمىنداعى 28 جاسار ۆزۆود كومانديرىن ۇستادى، دەپ حابارلايدى ۆaq.kz اقپارات اگەنتتىگى وبلىستىق ٴىىد ٴباسپاسوز قىزمەتىنە سىلتەمە جاساپ.

ٴۇش جىلدان سەگىز جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىراتىن قر قك 287-بابى 4-بولىگى بويىنشا (قارۋدى، وق-دارىلەردى، جارىلعىش زاتتاردى جانە جارىلعىش قۇرىلعىلاردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ٴجۇرۋ) سوتقا دەيىنگى تەرگەۋ امالدارى باستالدى.

قازىرگى ۋاقىتتا تەرگەۋ ارەكەتتەرىن ودان ٴارى جۇرگىزۋ ماقساتىندا ۇستالعان ازامات قر ٴىىم «وڭتۇستىك» وڭىرلىك اسكەري-تەرگەۋ باسقارماسىنىڭ تاراز ٴبولىمىنىڭ قىزمەتكەرلەرىنە بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي