BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

تانىمال ٴانشىنىڭ تارتىپسىزدىگى ٴۇشىن اۋەجاي قىزمەتكەرلەرى ايىپپۇل تولەيدى

فوتو: obyektiv.press

13 قىركۇيەكتەن 14 قىركۇيەككە قاراعان ٴتۇنى «ەير استانا» اۋەكومپانياسىنىڭ رەيسىمەن الماتى-گونگكونگ باعىتى بويىنشا ۇشپاق بولعان ٴتوراعالي تورەالىنىڭ ۇشاق سالونىنا زاڭسىز كىرگەنى تۋرالى «حالىقارالىق الماتى اۋەجايى» اق اكىمشىلىگى پىكىر ٴبىلدىردى، دەپ حابارلايدى baq.kz ٴتىلشىسى.

«بولعان جاعداي ٴبىزدى الاڭداتتى جانە شىن مانىندە قالاي بولعانىن تولىق انىقتاۋعا ق ۇلىقتىمىز. وتكەن اپتانىڭ سوڭىندا قر ينۆەستيسيالار جانە دامۋ مينيسترلىگىنىڭ ازاماتتىق اۆياسيا كوميتەتى جوسپاردان تىس تەكسەرۋ جۇمىستارىن جۇرگىزدى. ونىڭ قورىتىندىسى اشىق تۇردە جاريالاندى. تەكسەرۋ جۇمىستارى ناتيجەسىندە اۆياسيالىق قاۋىپسىزدىك قىزمەتىنىڭ جۇمىسشىلارى دا، جولاۋشىلار تاسىمالىن ۇيىمداستىرۋ قىزمەتىنىڭ vip اگەنتتەرى دە ەر ادامدى ۇشاققا بيلەتسىز كىرگىزۋ تۋرالى ٴوتىنىش ايتپاعانى انىقتالدى. وعان vip-تەرمينالا ىشىنە ورناتىلعان بەينەباقىلاۋ كامەراسىنداعى بەينەجازبا دالەل بولا الادى»، - دەلىنگەن حابارلامادا.

سونداي-اق، جولاۋشىلاردى جەكەلەي تەكسەرۋ، ولاردىڭ جۇكتەرىن تەكسەرۋ اۆياسيالىق قاۋىپسىزدىك تالاپتارىنا ساي جۇرگىزىلگەنى انىقتالدى. الايدا، تەكسەرۋ ٴبولىمىنىڭ جۇمىسشىلارى ىشكە وتكىزۋ ەرەجەلەرىن بۇزعان: جولاۋشىدان ۇشاققا وتىرۋعا رۇقسات ەتەتىن تالون مەن باسقا دا قۇجاتتارىن تەكسەرمەستەن، ۇشاق ىشىنە جىبەرگەن.

وسى جاعداي بويىنشا حالىقارالىق الماتى اۋەجايىنىڭ اۆياسيالىق قاۋىپسىزدىك قىزمەتىنىڭ تەكسەرۋ بولىمىندەگى ينسپەكتورلارى رينات راحىمگەرەەۆ، ابىلاي قىرعىزبايەۆ پەن شولپان زاكيروۆا اكىمشىلىك جاۋاپكەرشىلىككە تارتىلىپ، ٴارقايسىسىنا 20 اەك كولەمىندە ايىپپۇل سالىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي