BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

سۇلتانوۆ ەلوردانىڭ جىلۋ ماۋسىمىنا دايىندىعىن تەكسەردى

استانا اكىمى باقىت سۇلتانوۆ كوشپەلى وتىرىس وتكىزدى، دەپ حابارلايدى baq.kz اقپارات اگەنتتىگى ەلوردا اكىمدىگىنە سىلتەمە جاساپ.

جاڭاعايىندالعان قالا باسشىسى شاھاردىڭ تىنىس-تىرشىلىگىنە جاۋاپتى قالالىق كوممۋنالدىق كاسىپورىندارعا باردى، ونىڭ ىشىندە – «ارەك» اق، «استانا سۋ ارناسى»، جەو-2. قالانىڭ تىرشىلىگىنە جاۋاپتى نەگىزگى كوممۋنالدىق كاسىپورىنداردىڭ جۇمىسى تۋرالى ونىڭ ورىنباسارى قوسمان ايتمۇحامەتوۆ باياندادى.

ارالاۋ بارىسىندا ب. سۇلتانوۆ «ارەك» اق، «استانا سۋ ارناسى» جانە جەو-2 باردى. ق. ايتمۇحامەتوۆتىڭ ايتۋىنشا، قازىرگى تاڭدا قالانى جىلۋ ماۋسىمىنا دايىنداۋ جۇمىستارى اياقتالۋعا جاقىن. تۇرعىن ۇيلەر مەن الەۋمەتتىك نىسانداردىڭ جىلۋعا دايىندىعى 97 % قۇرايدى. 12 كم سۋ قۇبىرى جانە 5 كم كارىز جەلىسى قايتا جوندەۋدەن ٴوتتى. باقىت سۇلتانوۆ وسى جۇمىستاردى ەرەكشە باقىلاۋعا الۋدى تاپسىردى.

«ٴبىزدىڭ جۇمىسىمىزدى تۇرعىندار قىزمەت كورسەتۋ ساپاسى ارقىلى باعالايدى. ٴبىز بارىنشا قولايلى جاعداي جاساۋىمىز كەرەك، اسىرەسە جىلۋ ماۋسىمى كەزىندە. سۋ، جىلۋ، جارىق ٴۇزىلىسسىز بەرىلۋ كەرەك»، - دەدى ب. سۇلتانوۆ.

سونداي-اق استانا اكىمى قالالىق «ikomek» جەدەل ارەكەت ەتۋ ورتالىعىنىڭ جۇمىسىمەن تانىستى. بۇگىندە «ikomek» ورتالىعى دەر كەزىندە كەمشىلىكتەردى جويۋدى ۇيلەستىرىپ وتىراتىن قۇرال رەتىندە ارەكەت ەتەدى جانە استانانىڭ «تىنىس-تىرشىلىگىنە» مونيتورينگ، تالداۋ جاسايدى. تۇرعىنداردىڭ 77% ارىز-شاعىمى ٴبىرىنشى قوڭىراۋدان-اق شەشىمىن تاۋىپ، اتالمىش كورسەتكىشتى 85% دەيىن جەتكىزۋ جوسپارلانۋدا. بۇل تۋرالى ب. سۇلتانوۆقا ورتالىقتىڭ باسشىسى جانات دۋبيروۆا ايتىپ بەردى. كەزەكتى ارالاۋدىڭ سوڭىندا ب. سۇلتانوۆ № 27 كوشەدەگى جول قۇرىلىسى مەن جوندەۋ جۇمىستارى بويىنشا كوشپەلى كەڭەس وتكىزدى.

بۇگىندە استانا قالاسىنىڭ جول-كوشە جەلىسى 1039 كوشەدەن قۇرالادى، جالپى ۇزىندىعى 1102،32 كم، ونىڭ 837،82 كم (نەمەسە 76%) اسفالتبەتون توسەلگەن، قاتتى جابىندىسىز توسەم – 264،5 كم (24 %). ينجەنەرلىك كەشەن 8 كولىك جول ايىرىعىنان، 17 اۆتوجول كوپىرىنەن، 5 جاياۋ جۇرگىنشىلەر كوپىرىنەن، 9 وتپەجولدان تۇرادى.

ق. ايتمۇحامەتوۆتىڭ ايتۋىنشا، ۇزىندىعى 71،8 شاقىرىم 98 كوشەنى سالىپ، جوندەۋ جوسپارلانعان، ونىڭ ىشىندە 22 ماگيسترالدى قالا كوشەلەرى، ۇزاقتىعى 20،8 كم جانە 65 كوشە، ۇزىندىعى 35،3 كم تۇرعىن الاپتارىندا سالىندى. ورتاشا جوندەۋ جۇمىستارى بارىسىندا 15،7 كم جولدىڭ 11 كوشەسىنە توسەم جاسالىندى. ب. سۇلتانوۆ قۇرىلىستىڭ قارقىنىن جىلدامداتىپ، العاشقى سۋىق تۇسكەنشە جولداردى مەرزىمىندە بەرۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي