BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

سۇلتانوۆ استانادا سالىنىپ جاتقان ٴىرى قۇرىلىس الاڭدارىن ارالادى

فوتو: қала әкімінің ресми сайты

قالانى ارالاۋ بارىسىندا استانا قالاسىنىڭ اكىمى باقىت سۇلتانوۆ lrt كولىك جۇيەسىنىڭ ٴبىرقاتار جاڭا ستانسياسىن، قۇراما تەمىربەتون ارقالىقتار شىعارۋ بويىنشا پوليگون، ەسىل وزەنى ارقىلى وتەتىن جاڭا كوپىردى، سونداي-اق مىڭجىلدىقتار اللەياسى قۇرىلىسىمەن تانىستى، دەپ حابارلايدى ۆaq.kz اقپارات اگەنتتىگى ەلوردا اكىمدىگىنىڭ رەسمي سايتىنا سىلتەمە جاساپ.

بۇگىن استانا قالاسىنىڭ اكىمى باقىت سۇلتانوۆ پرەزيدەنتتىڭ تاپسىرماسى بويىنشا lrt قۇرىلىسىنىڭ ورىندالىپ جاتقانىن تەكسەرىپ شىقتى. lrt كولىك جۇيەسىنىڭ ٴبىرقاتار جاڭا ستانسيالارىندا بولدى. قازىرگى تاڭدا قۇرىلىسشىلار ينجەنەرلىك جەلىلەر مەن جەلى قادالارى مەن ارقالىقتارىن دايىنداۋدا. جوبانى ىسكە اسىرۋ بارىسى تۋرالى استانا قالاسىنىڭ اكىمىنە «lrt قۇرىلىسى جونىندەگى ديرەكسيا» جشس ديرەكتورى اديلشا ەرمۇحانوۆ باياندادى.

جوسپارعا سايكەس، لرت اۋەجاي مەن جاڭا «نۇرلى جول» تەمىرجول ۆوكزالىن بايلانىستىرادى. ەستاكادانىڭ ۇزاقتىعى 22،4 كم، قالا بويىنشا 18 ستانسيا جانە 19 بىرلىك جىلجىمالى قۇرام بولادى.

انىقتاما: قۇرىلىس-مونتاج جۇمىستارىنىڭ نەگىزگى جوباسى 2017 جىلى مامىر ايىندا قىتاي كومپانيالارى كاسىپورىندارىنىڭ كونسورسيۋمى كۇشىمەن باستالعان.

وسى جىلدىڭ 13 قىركۇيەگىندە نىساندا مىناداي جۇمىستار اتقارىلدى:

- ٴبۋرونابيۆتى قادالار – 3 764 دانا (90% - جوبا بويىنشا بارلىعى 4 203 دانا);

- روستۆەرت – 675 دانا (61% - جالپى جوبا بويىنشا 1 110 دانا);

- تىرەكتەر جانە كولوننالار – 455 دانا (41% - جوبا بويىنشا بارلىعى 1 114 دانا);

- قۇراما ارقالىقتار – 268 دانا (34% - جوبا بويىنشا بارلىعى 782 دانا);

- دەپو وبەكتىلەرىندە 3 687 قادا قاعىلدى.

قازىرگى تاڭدا جىلۋ جەلىلەرىنىڭ 98% دايىن (قايتا قۇرىلدى) (2،2 كم)، سۋ قۇبىرى 89% (3،2 كم)، شارۋاشىلىق-تۇرمىستىق جانە نوسەرلىك كارىزدىڭ 65% (6،2 كم)، ەلەكترمەن جابدىقتاۋ جەلىلەرى 90%-عا (100،3 كم)، بايلانىس 97% (165 كم) اتقارىلعان. وسى جىلى جۇمىستار تولىق اياقتالادى.

قۇرىلىس نىسانىنىڭ جەلىلەرىندە شامامەن ەكى جارىم مىڭ جۇمىسشى جانە 155 بىرلىك اۋىر تەحنيكا جۇمىس ىستەيدى.

سونىمەن قاتار، باقىت سۇلتانوۆ قۇراما تەمىربەتون ارقالىقتار شىعارۋ بويىنشا پوليگونعا، ەسىل وزەنى ارقىلى وتەتىن جاڭا كوپىرگە باردى.

ارالاۋ قورىتىندىسى بويىنشا ديرەكسيا كەڭسەسىندە كوشپەلى وتىرىس وتكىزىلىپ، وندا استانا اكىمى «لرت قۇرىلىسى جوباسىن كورسەتىلگەن مەرزىمدە اياقتاۋدى قامتاماسىز ەتۋدى» تاپسىردى. سونداي-اق، ب. سۇلتانوۆقا مىڭجىلدىقتار اللەياسىنىڭ (الماتى اۋدانى) قۇرىلىسى بويىنشا ناقتى جوسپارلاردى تانىستىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي