BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

سۇلەيمەنوۆ: قازاقستاندا تىيىم سالىنعان يادرولىق جارىلىستار ۇرپاعىمىزدىڭ گەنىندە جارىلۋدا

استانا، baq.kz ٴتىلشىسى. بۇل تۋرالى اقىن ولجاس سۇلەيمەنوۆ بولات وتەمۇراتوۆ قورى قامقورشىلىق كەڭەسىنىڭ وتىرىسىنان كەيىن وتكەن ٴباسپاسوز كونفەرەنسياسىندا ايتتى.

ايتا كەتەيىك، اتالعان قور «اۋتيزم. بارشاعا ورتاق الەم» باعدارلاماسىن جۇزەگە اسىرۋدا. ونىڭ اياسىندا 447 ملن تەڭگەدەن استام قارجى بولىنگەنى.

«اۋتيزم دەگەن نە؟ كوبى بىلە بەرمەيدى. ٴتۇبىرى اۋت دەگەن ٴسوزدىڭ ماعىناسىن فۋتبولدىڭ ارقاسىندا بارلىعى بىلەدى. ول ويىننان تىس دەگەندى بىلدىرەدى. اۋتيست بالالار تۋىلعان ساتتەن باستاپ ٴومىر دەگەن جاسىل الاڭدا ەمەس، ونىڭ شەتىندە تۇرادى. مىسالى، بۇگىن استانادا 60 ٴسابي دۇنيەگە كەلسە، ونىڭ بىرەۋى مىندەتتى تۇردە اۋتيزمگە شالدىققان بالا بولادى. ەگەر 600 بالا دۇنيەگە كەلسە 10، ال 6000 ٴسابي دۇنيەگە كەلسە 100 اۋتيزمگە شالدىققان بولىپ تۋىلادى. قازاقستاندا كۇندە وسىنداي ترەگەديا كوپتەپ ومىرگە كەلىپ جاتادى. بۇل بالا ەمەس، اتا-انانىڭ باسىنا تۇسكەن ناۋبەت»، - دەگەن قوعام قايراتكەرى ولجاس سۇلەيمەنوۆ اتا-انالاردىڭ كۇن سايىن بالالارىنىڭ بولاشاقتا باقىتتى بولمايتىنىنا سەنبەي، كۇرەسىپ ٴومىر سۇرەتىنىن اتاپ ٴوتتى.

سونىمەن قاتار، ول اۋتيزمگە شالدىققان بالالاردىڭ دەرتىن جەڭۋ ٴۇشىن قانداي جۇمىستار اتقارىلىپ جاتقانىنا توقتالدى.

«بۇگىندە ەلىمىزدىڭ اۋتيزمگە شالدىققان بالالارمەن جۇمىس ىستەيتىن 6 ورتالىق قۇرىلدى. وسى ورتالىقتار ٴوزىنىڭ جۇمىسىنىڭ ناتيجەسىن كورسەتۋدە. مىسالى، ٴبىر انا حابارلاسىپ اۋتيزمگە شالدىققان 5-6 جاستاعى بالاسىنىڭ ٴوز بەتىمەن دارەت سىندىرعانى ٴۇشىن العىسىن ٴبىلدىردى. بۇل ٴومىر ٴدراماتيزمىنىڭ قانشالىقتى ەكەنىنىڭ كورسەتكىشى. بۇل ەشكىمدى بەي-جاي قالدىرا المايدى. بۇگىندە وسى ماسەلەنى شەشۋ ٴۇشىن جۇمىس ىستەپ جاتىرمىز. كۇللى الەمدى وسى ماسەلە تولعاندىرىپ وتىر. كەزىندە قازاقستاندا 40 جىل بويى يادرولىق سىناقتار جۇرگىزىلدى، بۇگىندە ول ٴبىزدىڭ ومىرىمىزدە ٴوزىنىڭ ٴىزىن قالدىرىپ وتىر. ەلىمىزدە تىيىم سالىنعان يادرولىق جارىلىستار ۇرپاعىمىزدىڭ گەنىندە جارىلۋدا. ال، اقش-تىڭ نەۆاداسىن جارتى عاسىر بويى يادرولىق سىناقتار جۇرگىزىلدى. ەندى ول جەردە ٴار 40 بالا اۋتيزمگە شالدىعىپ تۋىلادى»، - دەدى و.سۇلەيمەنوۆ.

سونىمەن قاتار، اقىن بۇل دەرتپەن كۇرەستە اتا-انالارعا كومەكتەسۋ ٴۇشىن اتالعان اۋتيزمگە شالدىققان بالالارعا ارنالعان ورتالىقتاردىڭ جۇمىسىن كەڭىنەن ناسيحاتتاۋ كەرەكتىگىن اتاپ ٴوتتى.

بۇگىندە قازاقستان بويىنشا «اسىل ميراس» اۋتيزم ورتالىعىنىڭ التى قالادا جەلىسى قۇرىلعان. اتاپ ايتقاندا، استانا، الماتى، قىزىلوردا، وسكەمەن، ورال جانە اقتوبە قالالارىندا. مۇندا بالالارعا قىزمەت تەگىن كورسەتىلەدى. 2015 جىلدان بەرى ورتالىققا 5000 بالا كەلگەن. ال، 2018 جىلى كۇنى بۇگىنگە دەيىن 2471 بالا دياگنوستيكاعا جازىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي