BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

سوت جۇيەسىنىڭ ىزگىلەنۋى. ەكى مىسال

ەلىمىزدىڭ سوت جۇيەسى ىزگىلەنۋ پروسەسىن جالعاستىرىپ جاتىر. اقتاۋ ۇكىمدەرىنىڭ تىم از شىعۋى بۇعان دەيىن دە بەلگىلى قۇقىقتانۋشىلار مەن مەملەكەتتىك قايراتكەرلەردىڭ سىنىنا ۇشىراعان بولاتىن. ايتالىق، جوعارى سوتتىڭ قازىرگى ٴتوراعاسى جاقىپ اسانوۆ باس پروكۋرور قىزمەتىن اتقارعان كەزىندە سوت جۇيەسىندەگى تاراپتاردىڭ اقتاۋ ۇكىمدەرىنەن تىم قورقاتىنىن بىرنەشە رەت ايتقان بولاتىن. ٴقازىر سەڭ جۇرە باستاعان سياقتى، دەپ حابارلايدى baq.kz اقپارات اگەنتتىگى.

جوعارى سوتتىڭ كاسساسيالىق شاعىمداردى قاراۋ كوللەگياسى 2 ٴىس بويىنشا اقتاۋ ۇكىمىن شىعاردى. بارلىعى 12 ٴىس قارالدى.

ازامات ەراسىل ارعىمبايەۆتىڭ ٴىسى

اقتاۋ ۇكىمدەرىنە كەلەتىن بولساق، ونىڭ ٴبىرى - ازامات ەراسىل ارعىمبايەۆقا بايلانىستى. ونىڭ ۇستىنەن قوزعالعان قىلمىستىق ٴىس ارەكەتتەرىندە قىلمىستىق قۇرام بولماۋى سەبەپتى توقتاتىلدى.
ازامات ە. ارعىمبايەۆ 2017 جىلى جازاسىن وتەپ جۇرگەندە، «كولوننيا اكىمشىلىگىنىڭ زاڭدى تالاپتارىنا باعىنبادى» دەگەن ايىپپەن قوسىمشا 3 جىلعا باس بوستاندىعىنان ايىرىلعان. اپەللياسيالىق ينستانسيا ۇكىمدى وزگەرىسسىز قالدىرعان. جوعارى سوت وسى ٴىس بويىنشا باس پروكۋروردىڭ نارازىلىعىن قاناعاتتاندىرىپ، كولوننيا اكىمشىلىگىنىڭ زاڭدى تالاپتارىنا باعىنباۋدىڭ 4 ەپيزودى بويىنشا ارعىمبايەۆتى كىناسىز دەپ تاپتى.

1-ەپيزود بويىنشا ارعىمبايەۆتىڭ ارەكەتى «ۇساق بۇزاقىلىق» دەپ تانىلعان ەكەن. الايدا اكىمشىلىك قۇقىق بۇزۋ كودەكسى بويىنشا «ۇساق بۇزاقىلىق» دەپ - جەكە تۇلعالارعا بايلانىستى دورەكىلىك پەن قوعامدىق ٴتارتىپ بۇزۋ تانىلادى. سولاي بول تۇرا، ايىپتاۋشى تاراپ ارعىمبايەۆتىڭ ارەكەتى قالايشا بۇزاقىلىق بولاتىنىن نەگىزدەمەگەن. ارعىمبايەۆتىڭ ارەكەتى ۇساق بۇزاقىلىق بولمايتىنىن - ونىڭ اكىمشىلىك قۇقىق بۇزۋ كودەكسىنىڭ 428-بابى بويىنشا جاۋاپقا تارتىلماعانى دا كورسەتەدى.

2،3 ەپيزودتار بويىنشا ارعىمبايەۆقا «ەرسى مىنەز كورسەتتى» دەگەن ايىپ تاعىلعان ەكەن (باسقا جازاسىن وتەۋشىلەرمەن كاراتە امالدارىن شىڭداپ، دەنە شىنىقتىرۋمەن اينالىسقان). ٴبىراق ايىپ تەك كەزەكشى باقىلاۋشىلاردىڭ كۋالىگىنە نەگىزدەلگەن. باسقا ايعاقتار جوق. كۋا بولۋى مۇمكىن باسقا جازاسىن وتەۋشىلەر نەمەسە كولوننيا قىزمەتكەرلەرى تەرگەلمەگەن.

4-ەپيزود بويىنشا ارعىمبايەۆقا بولمەدە كيىمسىز جۇرگەنى ٴۇشىن جازا تاعايىندالعان. جازانى وتەۋ كەزىندەگى ٴتارتىپ ەرەجەلەرىن بۇزاتىن بۇل ارەكەتى ۆيدەوجازبانى قاراۋ ارقىلى انىقتالعان، ٴبىراق قىلمىستىق ٴىس ماتەريالدارىندا ول بويىنشا ەشقانداي ەسكەرتۋ جوق ەكەن.

ارعىمبايەۆ سوڭعى تارتىپتىك ايىبىن وتەي تۇرا (6 اي وتكەن) ونى جالپى ەرەجەدەگى وتريادتىڭ ورنىنا قاتاڭ ٴتارتىپتى وتريادقا جىبەرگەن. بۇل ٴوز كەزەگىندە ارعىمبايەۆتىڭ ٴجۇرىپ-تۇرۋ، سەرۋەندەۋ، اي سايىنعى تاماق شىعىندارىن وتەۋ، جاتاقحانادا تۇرۋ، ت.ب. قۇقتارىن شەكتەگەن. «اكىمشىلىكتىڭ زاڭدى تالابىنا باعىنبادى» دەگەن ايىپ ٴدال وسى كەزەڭدە تاعىلعان.

وسىلايشا، كولوننيا اكىمشىلىگى تاربيەلەۋدىڭ ورنىنا جازالاۋ جولىن تاڭداپ، نەگىزسىز ايىپ تاققانى ايقىن بولدى.

قىلمىستىق جازانى ورىنداۋ كودەكسىنىڭ 130-بابى بويىنشا بىركەلكى ارەكەتتەر بۇزاقىلىق بولىپ تانىلمايتىن بولسا دا، بۇل جايت ەسكەرىلمەگەن. شىنىمەن، كۇرتەسىن شەشپەگەنى جانە كاراتەمەن اينالىسىپ، دەنە شىنىقتىرعانى ٴۇشىن 3 جىل - تىم قاتال جازا.

ازامات عىلىمبەك سارمانوۆتىڭ ٴىسى

جوعارعى سوت اقتاۋ ۇكىمىن شىعارعان ەكىنشى ٴىس - ازامات عىلىمبەك سارمانوۆتىكى. جوعارعى سوت ٴتوراعاسىنىڭ ۇسىنۋىمەن وعان شىعارىلعان ۇكىمى قايتا قارالدى. تەكسەرە كەلە، سارمانوۆتىڭ ارەكەتى - اياقتالعان بەلگىسى بار قىلمىس بولماي شىقتى. ونىڭ ارەكەتى قىلمىستى اعاتتىق قانا ەكەن. قىلمىستىق كودەكستىڭ 24-بابىنىڭ 4-تارماعىنا سايكەس، قىلمىستىق جاۋاپكەرشىلىك تەك - ورتاشا، اۋىر نەمەسە اسا اۋىر قىلمىسقا بارۋ ارەكەتى ٴۇشىن، بولماسا تەرروريستىك قىلمىس ٴۇشىن بار. ال قىلمىستى اعاتتىق ٴۇشىن قىلمىستىق جازا قاراستىرىلماعان. وسىلايشا، كاسساسيالىق ينستانسيا سارمانوۆتى اقتاپ، ونىڭ رەابيليتاسيا جانە قىلمىستىق ٴىستى جۇرگىزگەن ورگانداردىڭ زاڭسىز ارەكەتتەرىنەن كەلگەن شىعىنداردى وتەپ الۋ قۇقتارى مويىندالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي