BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

«سوڭعى ەكى جىلىم وتە اۋىر بولدى». دەنيس تەن ٴوزىنىڭ جاراقاتى تۋرالى اڭگىمەلەدى ەكسكليۋزيۆ

فوتو: Sputnik Казахстан

2014 جىلعى سوچي وليمپياداسىنىڭ قولا جۇلدەگەرى دەنيس تەن baq.kz اقپارات اگەنتتىگىنىڭ تىلشىسىنە بەرگەن سۇحباتىندا سوڭعى جىلدارى جاراقاتى سالدارىنان قانداي قيىندىقتار بولعانى جانە ونى ەمدەۋ بۇگىندە قاي دەڭگەيدە ەكەنىن ايتتى.

«مامىر باسىندا عانا مۇزعا ورالدىم. وعان دەيىن كونكي تەبە المادىم، سەبەبى سىرعاناۋعا تىيىم سالىندى. وليمپيادادان كەيىن اياعىمدا قاتتى رەسيديۆ بولعانىن مويىندايمىن. ماعان ٴۇزىلىس الۋ كەرەك بولدى. توبىعىمدى جاراقاتتاپ الدىم. ونى قالپىنا كەلتىرۋ ٴۇشىن كەمىندە ەكى جىل كەتەتىن شىعار. سول سەبەپتى ٴقازىر سالماق تۇسىرگىم كەلمەيدى، تولىقتاي ەمدەلسەم دەيمىن»، - دەدى سپورتشى.

ول پحەنچحان وليمپياداسىنا قاتىساتىن بولعان سوڭ اياعىنا وتا جاساتۋعا تاۋەكەل ەتپەگەنىن ايتتى.

«وپەراسيانىڭ دا قاۋىپ-قاتەرى بار. دەنەڭنىڭ كەز كەلگەن بولىگىنە حيرۋرگيالىق ارالاسۋ بولعان جاعدايدا وپەراسياعا اعزانىڭ قالاي جاۋاپ بەرەتىنىن ەشقاشان بىلمەيسىڭ. دەنەڭدە بۇرىن بولعان سەزۋ قابىلەتىن جوعالتىپ الۋىڭ مۇمكىن. وسىنداي سەبەپتەر كوپ بولعان سوڭ تاۋەكەلگە بارا المايمىن. سول سەبەپتى بيىل ونەر كورسەتەمىن دەپ شەشتىم. مەن ٴۇشىن بۇل كەزەڭ وتە اۋىر بولدى. جاتتىعۋعا دا، جارىسقا دا تولىق كۇشىڭدى ارناي الماۋ – وتە قيىن. بارلىق ٴۇمىت اقتالا قويماسا دا، بۇل وزگەشە تاجىريبە بولدى. قولىمنان نە كەلەدى، سونى جاساۋعا تىرىستىم. مەنىڭ قازىرگى مىندەتىم تولىعىمەن ەمدەلىپ شىعۋ بولىپ وتىر. ينتەنسيۆتى وڭالتۋ پراكتيكاسىنان ٴوتتىم، فيزيوتەراپەۆتپەن ٴجيى جۇمىس ىستەدىم، 3-4 رەت ٴدارى ەكتى. ٴسىڭىردىڭ قالپىنا كەلۋى ۇزاق ۋاقىتقا سوزىلادى. سۇيەگىمدى سىندىرسام، سىڭىرگە قاراعاندا ەمدەۋ الدەقايدا جەڭىل جانە تەز جازىلاتىن ەدى. ٴسىڭىردى جاراقاتتاپ العان سوڭ ٴتىپتى ول ەمدەلگەن كۇننىڭ وزىندە بۇرىنعىداي شىمىر بولمايدى»، - دەدى دەنيس تەن سۇحبات بارىسىندا.

سونىمەن قاتار دەنيس تەن «بولاشاقتا باپكەرلىكپەن اينالىسقىڭىز كەلە مە؟» دەگەن سۇراققا جاۋاپ بەردى.

«شىنىمدى ايتسام بۇل تۋرالى تەرەڭ ويلانبادىم. بالالارعا كومەكتەسۋ، ٴوز تاجىريبەممەن بولىسكەن ۇنايدى. ٴارقايسىسى جەتىستىككە جەتە الاتىنىنا كوزدەرىن جەتكىزگىم كەلەدى. قازىرگى جاتتىعۋلارىنا قاراپ مەنىڭ كەزىمدە جاعدايدىڭ قيىن بولعانىن ۇعامىن. دەمەك، ٴقازىردىڭ وزىندە ولاردا ٴبىر ارتىقشىلىق بار جانە ونى قولدانا ٴبىلۋى ٴتيىس. باپكەر رەتىندە اكادەميا اشۋ تۋرالى يدەيانى ٴتۇرتىپ قويدىم، ٴبىراق باپكەر بولۋ ٴۇشىن مەن ٴالى جاسپىن. باپكەرلىك دەگەن ۆاكۋۋم سياقتى، ٴبىر تۇسسەڭ ٴارى قاراي اينالىسىپ كەتۋىڭ كەرەك. ال مەن بىرنارسەنى قولعا السام، ونى باسىنان-اياعىنا دەيىن جاساپ بىتىرەمىن. شوۋ بولسا ول ٴجاي شوۋ ەمەس، ۇزدىك الەمدىك شوۋلاردىڭ ٴبىرى، ەلىمىزدىڭ سيمۆولى بولۋى ٴتيىس. ٴبىر جوبانى قولعا السام، ونىڭ باسقا جوبالاردان ەرەكشەلىگى بولۋى ٴتيىس. باپكەر بولۋ ٴۇشىن بالالاردىڭ بولاشاعىنا دەگەن جاۋاپكەرشىلىكتى ارقالاۋىڭ كەرەك. ٴدال ٴقازىر باپكەر بولىپ كەتسەم دۇرىس بولماس ەدى. مۇمكىن كارەرامدى اياقتاعان كەزدە اقىلىم تولىسىپ، قاندايدا ٴبىر نارسەلەرگە باسقاشا قاراپ ۇيرەنگەندە بۇل لايىقتى تاڭداۋ بولار ەدى»، - دەدى سپورتشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي