BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

سقو-دا كوشى-قون قىزمەتتەرى ورتالىعى اشىلدى

سقو، baq.kz. ميگرانتتار ٴۇشىن ماڭىزدى ورتالىقتى «ازاماتتارعا ارنالعان ۇكىمەت» مەملەكەتتىك كورپوراسياسى قر ىىم-مەن بىرلەسىپ تانىستىردى. مۇنداي ورتالىقتار استانا، الماتى، شىمكەنت، اقتوبە، اتىراۋ، ورال جانە قوستانايدا جۇمىس ىستەۋدە.

رەسمي اشىلۋ سالتاناتىنا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ سولتۇستىك قازاقستان وبلىسى بويىنشا فيليالىنىڭ ديرەكتورى ەركىن جۇماباي، كوشى-قون قىزمەتىنىڭ باسشىسى تالعات ٴابىلوۆ جانە قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ سقو دەپارتامەنتىنىڭ وكىلى بولات ەڭسەگەنوۆ قاتىستى.

پەتروپاۆل قالاسىندا اشىلعان جاڭا حقو ەڭبەك ميگرانتتارىنا جۇمىس ىستەۋگە رۇقسات قۇجاتتارىن بەرۋ جانە قايتا راسىمدەۋ قىزمەتتەرىن كورسەتەدى. ەندى پەتروپاۆل قالاسىنا جۇمىس بابىمەن كەلەتىن شەتەل ازاماتتارى ٴبىر جۇمىس كۇنى ىشىندە «ٴبىر تەرەزە» قاعيداتى بويىنشا مەملەكەتتىك قىزمەتتەردى الا الادى. بۇعان دەيىن شەتەلدىكتەر جۇمىس ىستەۋگە رۇقسات الۋ ٴۇشىن بەس كۇن جۇرسە، ەندى ٴتيىستى قۇجاتتاردى ٴبىر ساعاتتىڭ ىشىندە راسىمدەيدى. ميگرانتتار ٴبىر عيماراتتىڭ ىشىندە وزىنە قاجەت قىزمەتتەردى ەلەكتروندىق كەزەك ارقىلى الا الادى.

«بۇل جەردە مەديسينالىق تەكسەرىس پەن داكتيلوسكوپيادان ٴوتىپ، ساقتاندىرۋ ٴپوليسىن راسىمدەۋگە جانە جەكە سايكەستەندىرۋ ٴنومىرىن الۋعا بولادى. كوشى-قون قىزمەتتەرى ورتالىعىنداعى ميگرانتتار ٴۇشىن جاسالعان قولايلى جاعداي قۇجاتتاردى راسىمدەۋ بارىسىن بارىنشا ىڭعايلى ەتەدى»، - دەدى ەركىن جۇماباي.

«مەچتا» تك (جامبىل ك-سى، 71ا) عيماراتىندا ورنالاسقان كوشى-قون حقو-دا «ٴبىر تەرەزە» قاعيداتى بويىنشا قىزمەتتەردى الۋدان بولەك، مۇمكىندىگى شەكتەۋلى تۇلعالارعا قىزمەتتەردى كەدەرگىسىز الۋ ٴۇشىن بارىنشا جاعداي جاسالعان. عيماراتتىڭ كىرەبەرىسى مۇگەدەكتەرگە ارنالعان پاندۋس جانە قىزمەتكەرلەردى شاقىرتۋ تۇيمەسىمەن جابدىقتالعان. مەملەكەتتىك قىزمەتتەردى ميگرانتتار كۇندەلىكتى (سەنبى، جەكسەنبى جانە مەرەكە كۇندەرىنەن باسقا) ساعات 09:00-دەن 18:30-عا دەيىن تۇسكى ٴۇزىلىسسىز الا الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي