USD 335.71 EUR 357.36 RUB 5.23
استانا:

سقو اكىمى پاتەر كىلتتەرىن تابىس ەتتى

پەتروپاۆل قالاسىندا تۇڭعىش پرەزيدەنت كۇنىنە وراي پاتەر كىلتتەرى تابىس ەتىلدى. جاڭا قونىس قيزاتوۆ كوشەسىندە بوي كوتەرگەن، دەپ حابارلايدى baq.kz.

كىلت تابىستاۋ شاراسى اياسىندا جاڭا قونىس يەلەرىن سولتۇستىك قازاقستان وبلىسىنىڭ اكىمى ەرىك سۇلتانوۆ قۇتتىقتادى.

«قازاقستاندىقتاردى قولجەتىمدى تۇرعىن ۇيمەن قامتۋ –مەملەكەت باسشىسى نۇسۇلتان ٴابىش ۇلى نازاربايەۆتىڭ باستى ساياسي باعىتىنىڭ ٴبىرى. بۇل تاۋەلسىزدىك جىلدارىندا جۇرگىزىلگەن حالىقتى الەۋمەتتىك قامتۋ باعدارلامالارىنىڭ ٴتيىمدى جۇزەگە اسىرىلۋىنىڭ ايقىن كورىنىسى دەپ بىلەمىن. سولتۇستىك قازاقستان وبلىسىندا تۇرعىن ٴۇيدى پايدالانۋعا بەرۋ كولەمى جىل سايىن 20%-دان استام كورسەتكىشكە ارتىپ كەلەدى. مىسالى، بيىل 170 مىڭ شارشى مەتر تۇرعىن ٴۇيدى پايدالانۋعا بەرۋ جوسپارلانعان. ونىڭ 60 مىڭ شارشى مەترى قولدانىستاعى مەملەكەتتىك باعدارلامالار اياسىندا بوي كوتەرۋدە»، - دەپ اتاپ ٴوتتى ٴوڭىر باسشىسى.

وبلىس اكىمى تۇرعىن ٴۇيدى سالعان قۇرىلىس ۇيىمدارىنا ساپالى ٴارى ۋاقىتىلى جۇمىسى ٴۇشىن العىسىن ٴبىلدىردى. پاتەر كىلتىنە بارلىعى 198 وتباسى يە بولدى. ولاردىڭ اراسىندا مەملەكەتتىك قىزمەتكەرلەر، اسكەري قىزمەتكەرلەر، بيۋدجەتتىك ۇيىم ماماندارى، سونداي-اق حالىقتىڭ الەۋمەتتىك جاعىنان وسال توپتارى: جەتىم جانە اتا-انا قامقورلىعىنسىز قالعان بالالار جانە وزگە دە ازاماتتار بار.

كىلت تاپسىرۋ سالتاناتىنان سوڭ وبلىس اكىمى ەرىك سۇلتانوۆ جاڭا قونىس يەلەرىنىڭ پاتەرلەرىن ارالادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي