BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

سينتەتيكالىق ەسiرتكiمەن كۇرەسۋ وڭاي بولماي تۇر – قاسىموۆ

فوتو: Нұржас Жақсыбай

بۇگىن ٴمينيستردىڭ حالىققا ەسەپ بەرۋ كەزدەسۋىندە سولتۇستىك قازاقستان وبلىسىنىڭ تۇرعىنى بايلانىسقا شىعىپ، باق بەتتەرىندە «مەكتەپ وقۋشىلارىن الەۋمەتتىك جەلىلەر ارقىلى ەسىرتكى ساتۋعا شاقىرۋ كوبەيىپ بارادى» دەگەن اقپارات ٴجيى تارالىپ جاتقانىن ايتتى. وسى ماسەلەگە الاڭداۋشىلىق بiلدiرگەن ايەل وسى باعىتتا iشكى ىستەر مينيسترلىگى قانداي شارالاردى قولعا الىپ جاتقانىن سۇرادى، دەپ حابارلايدى baq.kz تiلشiسi.

«بۇل ماسەلە سينتەتيكالىق ەسىرتكى زاتتارىنىڭ تارالۋىمەن بايلانىستى. ولاردى جەتكىزۋ ٴتاسىلى بۇگىندە ٴارتۇرلى. كوبىندە ينتەرنەت رەسۋرستار قولدانىلادى. ٴبىز بۇل ماسەلەلەردى باقىلاپ وتىرمىز. ەسىرتكى بيزنەسىمەن كۇرەس دەپارتامەنتىنەن بولەك، بىزدە ەلەكتروندى قىلمىستارمەن اينالىساتىن دەپارتامەنت بار. وتكەن جىلى وسىنداي 198 سايتتى انىقتادىق، ولار بويىنشا شارالار قابىلداپ جاتىرمىز»، - دەدى iiم باسشىسى قالمۇحانبەت قاسىموۆ ەسەپ بەرۋ كەزدەسۋىندە.

مينيستر سينتەتيكالىق ەسىرتكىمەن كۇرەسۋ بۇگىندە وڭاي بولماي وتىرعانىن اشىق ايتتى.

«ٴبىز تەك زاڭدا كورسەتىلگەن زاتتى عانا ەسىرتكى دەپ تانيمىز. ٴبىز، ماسەلەن، زاڭنامامەن گەروين مەن اپيىندى ەسىرتكى دەپ بەكىتەمىز. ەگەر تاركىلەنگەن ەسىرتكى ٴتۇرى زاڭدا كورسەتىلسە، وندا ونى ەسىرتكى دەپ ساناپ، ادامدى جاۋاپقا تارتامىز. ٴبىراق، سوڭعى ۋاقىتتا سينتەتيكالىق ەسىرتكىنىڭ فورمۋلاسى ۇنەمى وزگەرىپ تۇراتىن بولدى. ٴبىز ەسىرتكى تاراتقانداردى ۇستايمىز، الايدا كەيىن تەكسەرە كەلە مۇنداي ەسىرتكى ٴبىزدىڭ تىزىمدە جوق بولىپ شىعادى. سايكەسىنشە، ۇستالعان ادامدى جاۋاپقا تارتا المايمىز. سونداي-اق، ەسىرتكىنىڭ قانداي دا ٴبىر ٴتۇرىن ەسىرتكى زاتتارىنىڭ تىزىمىنە ەنگىزۋ تۋرالى شەشىم قابىلدايمىز. بۇل وتە ۇزاق پروسەسس، ويتكەنى زاڭ مەملەكەتتiك ورگانداردا، پارلامەنتتە قارالادى، ادەتتە وعان 5-7 اي ۋاقىت كەتەدi، كەيدە ٴبىر جىلعا دەيىن بارادى. شەشىم قابىلداعان ساتتە جاڭا ٴتۇرىن تىزىمگە قوسامىز، ٴبىراق وندىرۋشىلەر سول ارادا ونىڭ فورمۋلاسىن وزگەرتىپ، قايتادان ٴبىزدىڭ ەلگە تاسىمالدايدى. ٴبىز تاعى دا دارمەنسىز بوپ قالامىز»، - دەدى قاسىموۆ.

ۆەدومستۆو باسشىسى سينتەتيكالىق ەسىرتكىمەن كۇرەس ماسەلەسىندە حالىقارالىق تاجىريبە زەرتتەلگەنىن اتاپ ٴوتتى.

«الەم ەلدەرى دە وسىنداي پروبلەماعا تاپ بولىپ وتىر. ٴقازىر ٴار ەل مۇنى ٴارقالاي شەشە باستادى. ياعني، ولار ەسىرتكىنى تىزىمگە ەنگىزۋدى زاڭمەن ەمەس، زاڭعا قوسىمشا اكتىلەرمەن شەشەدى. زاڭ دەڭگەيىندە ەمەس. ايتالىق، رەسەي مەن وزبەكستان ۇكىمەت دەڭگەيىندە شەشتى. بەلارۋس باسقا جولدى تاڭدادى – ٴتىزىمدى دەنساۋلىق ساقتاۋ ٴمينيسترى جاسايدى. ٴبىز الەمدىك تاجىريبەنى زەردەلەپ، ۇزاق تالقىلاپ، ەسىرتكىنى تىزىمگە ۇكىمەت قاۋلىسىمەن ەنگىزۋگە كەلىستىك. بارلىق مەملەكەتتىك ورگان مۇنى قۇپتاپ وتىر. ٴقازىر ٴتيىستى زاڭ پارلامەنتتە جاتىر. بۇل ماسەلە شەشىمىن تاپسا، پوليسەيلەردىڭ جۇمىسى جەڭىلدەيدى دەگەن ويدامىز»، - دەدى مينيستر.

قاسىموۆتىڭ ايتۋىنشا، ٴقازىر قازاقستان باسقا ەلدەرمەن ەسىرتكىگە قاتىستى اقپاراتپەن الماسىپ كەلەدi.

«ولار بىزگە ەسىرتكىنىڭ فورمۋلاسىن جىبەرەدى، ٴبىز ونى تىزىمگە قوسامىز. وسىلايشا، ەسىرتكىنىڭ ٴبىر ەلدەن ەكىنشى ەلگە تاراۋىنا مۇمكىندىك بەرمەيمىز. وسىنداي ۇجىمدىق جۇمىس ٴجۇرىپ جاتىر. مەنىڭ ويىمشا، ٴبىز بۇل پروسەستى توقتاتا الامىز»، - دەپ سەنىم ٴبىلدىردى قالمۇحانبەت قاسىموۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي