BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

ٴسىم كاسپييدە ۋلانعان يراندىقتارعا قاتىستى پىكىر ٴبىلدىردى

كاسپيي تەڭىزى ارقىلى اقتاۋدان باكۋگە باعىت العان جۇك كەمەسىنىڭ ەكيپاجى جاپپاي ۋلانىپ، ٴۇش ادام قايتىس بولدى. دەگەنمەن يران ۇكىمەتى ازەربايجان بيلىگىنە ٴمان-جايدى انىقتاۋ ٴۇشىن ساۋال جولداعان، ال قر سىرتقى ىستەر مينيسترلىگىنە حابارلاسپاعان. بۇل تۋرالى ٴسىم رەسمي وكىلى ايبەك سمادياروۆ بريفينگ بارىسىندا ايتتى.

«قر سىرتقى ىستەر مينيسترلىگى كاسپيي تەڭىزىندەگى «نازمەحر» يراندىق جۇك كەمەسىندەگى ۋلانۋعا قاتىستى جاعدايدى باقىلاۋدا ۇستاپ وتىر. كەمە اقتاۋدان باكۋگە باعىت العان. ماڭعىستاۋ وبلىسىنداعى قر اۋىل شارۋاشىلىعى مينيسترلىگىنىڭ اۋماقتىق ينسپەكسياسى ۋلانۋدىڭ سەبەپتەرىن انىقتاپ جاتىر. يران تاراپى بۇل ماسەلە بويىنشا قر سىرتقى ىستەر مينيسترلىگىنە حابارلاسقان جوق»، - دەدى رەسمي وكىل.

يراننىڭ irna رەسمي اقپارات اگەنتتىگى 19 قازاندا «نازمەحر» جۇك كولىگىنىڭ ەكيپاجىندا جاپپاي ۋلانۋ بولدى دەپ ازەربايجان بيلىگىنە حابارلاسقان. كەمە اقتاۋدان بيداي الىپ بارا جاتقان. زارداپ شەگۋشىلەر جاعاعا شىعارىلعان. ٴۇش تەڭىزشى اۋرۋحاناعا بارار جولدا قايتىس بولعان. ازەربايجان دەنساۋلىق ساقتاۋ مينيسترلىگىنىڭ ٴباسپاسوز حاتشىسى پارۆيز ابۋبەكيروۆتىڭ ايتۋىنشا، الدىن الا مالىمەتتەرگە سايكەس ەكيپاج بيداي داقىلدارىن قورعاۋعا ارنالعان حيميالىق زاتتارمەن ۋلانۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي