BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

سىبايلاس جەمقورلىق قۇقىقبۇزۋشىلىعىنىڭ 80%-ى مەملەكەتتىك كىرىس ورگاندارىندا جاسالادى

فوتو: ria.ru

قازاقستانداعى سىبايلاس جەمقورلىق قۇقىقبۇزۋشىلىعىنىڭ 80%-ى سالىق جانە كەدەن سالاسىندا جاسالادى. بۇل تۋرالى قر پارلامەنتى ٴماجىلىسىنىڭ دەپۋتاتى بەرىك وسپانوۆ «نۇر وتان» پارتياسى جانىنداعى سىبايلاس ەمقورلىققا قارسى ٴىس-قيمىل جونىندەگى رەسپۋبليكالىق قوعامدىق كەڭەستىڭ وتىرىسىندا مالەمدەدى، دەپ حابارلايدى baq.kz ٴتىلشىسى.

«ٴبىزدىڭ زەرتتەۋ انىقتاعانداي، مينيسترلىك قىزمەتىندەگى كەمشىلىكتەر مەن ولقىلىقتار جانە ولاردىڭ كورسەتىپ وتىرعان مەملەكەتتىك قىزمەت ساپاسىنىڭ تومەندەۋى سىبايلاس جەمقورلىق ٴۇشىن وڭتايلى جاعداي تۋعىزۋدا. 2016-2017 جىلدارداعى ستاتيستيكالىق دەرەكتەرگە سايكەس، مينيسترلىكتىڭ جانە ونىڭ اۋماقتىق بولىمشەلەرىنىڭ قىزمەتەرلەرىنە قاتىستى تىركەلگەن سىبايلاس جەمقورلىققا بايلانىستى قۇقىقبۇزۋشىلىقتار سانى جانە سوتتالعان ادامداردىڭ سانى جىل سايىن كەمۋدىڭ ورنىنا، ٴوسىپ كەلەدى. قارجى مينيسترلىگى ورگاندارىنىڭ سالاسىندا بولىپ جاتقان سىبايلاس جەمقورلىق فاكتىسى مەملەكەتىمىزگە ەسەلەنگەن ٴقاۋىپ توندىرەدى»، - دەدى قر پارلامەنت ٴماجىلىسىنىڭ دەپۋتاتى.

ونىڭ ايتۋىنشا، مەملەكەتتىك مۇلىك جانە جەكەشەلەندىرۋ كوميتەتىنىڭ اۋماقتىق بولىمشەلەرى قىزمەتكەرلەرى جالعا بەرۋ كولەمىنىڭ اي سايىنعى سوماسىن تومەندەتۋ، تولىق جەتكىزىلمەگەن تاۋارلار ٴۇشىن مەملەكەتتىك ساتىپ الۋ شارتتارى بويىنشا تولىق تولەم تولەپ لاۋازىمدىق قىزمەتىن تەرىس پايدالانۋ سەكىلدى فاكتىلەرمەن سوتتالادى.

«ايماقتارعا ىسساپارمەن بارعان كەزدە مەملەكەتتىك مۇلىك جانە جەكەشەلەندىرۋ ورگاندارىندا سىبايلاس جەمقورلىق تاۋەكەلى جوق دەيدى. بارلىعى ەلەكتروندى پورتال ارقىلى وتەدى دەپ ايتادى. ەشقانداي بايلانىستىڭ جوعىن ايتقانىمەن، ٴبىراق قىزمەتكەرلەر امالىن تاۋىپ جىلدار بويى جالعا الۋشىلاردان پارا الۋدا. وسى ايتىلعان جەمقورلىق فاكتىلەرى جانە كەمشىلىكتەر مينيسترلىك تاراپىنان ۇدايى تۇردە جانە ٴتيىستى سىرتقى باقىلاۋ جوق ەكەنىنە كوز جەتىپ وتىر. مەملەكەتتىك كىرىس كوميتەتىندەگى جانە اۋماقتىق بولىمشەلەرىندەگى سىبايلاس جەمقورلىق كورىنىستەرى مينيسترلىك ۆەدومستۆولارى ىشىندە ەرەكشە ورىن الىپ جاتىر»، - دەدى وسپانوۆ.

ماجىلىسمەن ستاتيستيكا بويىنشا، سىبايلاس جەمقورلىق قۇقىقبۇزۋشىلىعىنىڭ 80 پايىزى سالىق جانە كەدەن سالاسىندا، ياعني مەملەكەتتىك كىرىس ورگاندارىندا جاسالعانىن اتاپ ٴوتتى. ونىڭ ايتۋىنشا، بۇگىندە ەلدەگى كەدەن سالاسى بىردەن ٴبىر سىبايلاسقان سالا بولىپ وتىر.

«كەدەن قىزمەتىن رەگلامەنتتەيتىن باسقا دا نورماتيۆتىك قۇقىقتىق اكتىلەرى سىبايلاس جەمقورلىق تاۋەكەلىنە جاسالعان سىرتقى تالداۋ بويىنشا كەلەسى جاعدايعا جول بەرگەن نورمالار مەن ەرەجەلەر انىقتالدى: كەدەن ساراپتاماسىن وتكىزۋ، شارتتى شاعارىلعان تاۋارلاردى تەكسەرۋ جانە جەكە تۇلعالارمەن كەدەن شەكاراسى ارقىلى تاۋارلاردى تاسىمالداۋ كەزىندە، مەملەكەتتىك كىرىستەر كوميتەتىنىڭ كورسەتىلەتىن مەملەكەتتىك قىزمەتتىڭ ساپاسىن مونيتورينگىلەۋ جانە ساۋالناما جۇرگىزۋ ناتيەجەسى كەدەن ورتالىق ورگاندارىندا سىبايلاس جەمقورلىق دەڭگەيى سالىق ورگاندارىنا قاراعاندا ون ەسە جوعارى. ەڭ ٴبىر سىبايلاسقان قىزمەت ٴتۇرى – شەكاراداعى كەدەن باقىلاۋى. ٴبىراقاتار ايماقتاردا سىبايلاس جەمقورلىق 40 پايىزعا دەيىن جەتىپ وتىر»، - دەدى كەڭەس مۇشەسى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي