BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

شپەكبايەۆ: مەملەكەتتىك قىزمەتتىڭ 90% ەلەكتروندى فورماتقا كوشىرىلەدى

استانا، baq.kz ٴتىلشىسى. قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى اليك شپەكبايەۆ الداعى ەكى جىلدا مەملەكەتتىك قىزمەتتىڭ 90% ەلەكتروندى فورماتقا كوشىرىلەتىنىن مالىمدەدى.

الدىمەن ول كاسىبي جانە سىبايلاس جەمقورلىقتان ازات مەملەكەت قالىپتاستىرۋ ٴۇشىن ەلىمىزدە بىرنەشە ماڭىزدى شەشىم قابىلداعانىن اتاپ ٴوتتى.

«1995 جىلى ٴبىز تمد ەلدەرى ىشىندە «سىبايلاس جەمقورلىققا قارسى كۇرەس تۋرالى» زاڭدى جانە «سىبايلاس جەمقورلىقپەن كۇرەس» باعدارلاماسىن قابىلدادىق. سول كەزدە مەملەكەتتىك قىزمەت تۋرالى زاڭ قابىلدانىپ، اگەنتتىك مارتەبەسىندەگى ۋاكىلەتتى ورگان قۇرىلدى. 2015-2025 جىلدارعا ارنالعان قر سىبايلاس جەمقورلىققا قارسى ستراتەگياسى قابىلداندى. ەلىمىزدەگى مەملەكەتتىك باسقارۋدىڭ تەرەڭ ينستيتۋتسيونالدىق رەفورمالارىنىڭ جول كارتاسىنا اينالعان «100 ناقتى قادام - ۇلت جوسپارىن» ىسكە اسىرۋ دا مەملەكەتتىك قىزمەت جۇيەسىن جانە سىبايلاس جەمقورلىققا قارسى ساياساتىن جاڭعىرتۋعا ەلەۋلى ۇلەس قوستى»، - دەدى اليك شپەكبايەۆ استانادا ٴوتىپ جاتقان استانادا ازيا-تىنىق مۇحيتى ايماعى ەلدەرى سىبايلاس جەمقورلىققا قارسى باستاماسىنىڭ وتىرىسىندا.

وسى ورايدا اگەنتتىك باسشىسى ەلىمىزدە كاسىبي مەملەكەتتىك اپپارات قالىپتاسىپ، زاڭنىڭ ۇستەمدىگى مەن قاتاڭ جازالاۋ پرينسيپتەرىنىڭ ساقتالۋى قامتاماسىز ەتىلگەنىن العا تارتتى. سونداي-اق ول سىبايلاس جەمقورلىقتىڭ الدىن الۋ ٴۇشىن مەملەكەتتىك قىزمەت تۇرلەرى ەلەكتروندى فورماتقا اۋىستىرىلعانىن ايتتى.

«قازىرگى تاڭدا كورسەتىلەتىن قىزمەتتىڭ 78% ەلەكتروندى فورماتتا. الداعى ەكى جىلدىڭ ىشىندە ونى 90%-كە جەتكىزۋ جوسپارلانىپ وتىر. بۇگىنگى كۇننىڭ وزىندە قازاقستان بۇۇ ٴتيىستى رەيتينگىسىندە ەلەكتروندى ۇكىمەتتى دامىتۋدىڭ جوعارى الەۋەتى بار ەلدەردىڭ قاتارىنا كىرىپ تۇر، - دەيدى ٴتوراعا.

سونىمەن قاتار شپەكبايەۆ قازاقستان بۇۇ سىبايلاس جەمقورلىققا قارسى كونۆەنسياسىن راتيفيكاسيالاپ، ەىدۇ سىبايلاس جەمقورلىققا قارسى ىستانبۇل ٴىس-قيمىل جوسپارىنا قوسىلعانىن ايتتى. ونىڭ پىكىرىنشە، بۇل قادام حالىقارالىق ەڭ ۇزدىك تاجىريبەلەردى ەنگىزۋگە مۇمكىندىك بەرەدى.

«مۇنىڭ ٴبارى بىزگە ەڭ ۇزدىك حالىقارالىق تاجىريبەلەر مەن قوعامدىق قۇرىلىمداردىڭ ەرەكشەلىكتەرىن ۇتىمدى تۇردە بىرىكتەرىن سىبايلاس جەمقورقىققا قارسى ٴوز ۇلگىمىزدى قۇرۋعا مۇمكىندىك بەرەدى»، - دەدى اگەنتتىك ٴتوراعاسى.

ايتا كەتەيىك، وسىعان دەيىن ەلىمىزدە مەملەكەتتىك قىزمەت تۇرلەرىن ەلەكتروندى فورماتقا كوشىرۋ جەمقورلىق دەرەكتەرىن ازايتۋعا مۇمكىندىك بەرگەنىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي