BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

شىمكەنتتە توپىراق جولدار بولمايدى

فوتو: forum.probki.net

شىمكەنتتە بۇدان بىلاي توپىراق جولدار بولمايدى. جۇرۋگە ٴقاۋىپتى ٴارى قولايسىز كوشەلەردىڭ بارلىعىنا تاس توسەلىپ اياقتالىپ قالدى، دەپ حابارلايدى baq.kz اقپارات اگەنتتىگى شىمكەنت قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

ايتا كەتەيىك، شىمكەنتتەگى جولداردىڭ جالپى ۇزىندىعى – 2882 شاقىرىم. سونىڭ 334 شاقىرىمى جولسىز دەۋگە بولادى. بۇعان دەيىن ۇزاق جىلدار بويى وسى كوشەلەردىڭ تۇرعىندارى قىستا – ساز-بالشىقپەن، ال كۇن ىستىقتا شاڭ باسقان جولمەن جۇرۋگە ٴماجبۇر بولعان ەدى. بيىل ولاردىڭ تالاپ-تىلەكتەرى اكىمنىڭ نازارىنان تىس قالمادى.

شىمكەنتتىڭ اكىمى نۇرلان ساۋرانبايەۆ 2019 جىلعا دەيىن شاھاردا توپىراق جولدار قالمايدى دەپ مالىمدەگەن بولاتىن. ونداي جولداردىڭ بارلىعىنا تاس توسەۋ جۇمىستارى باستالىپ، قازىرگى تاڭدا اياقتالىپ قالدى. جوسپارلى جۇمىستىڭ ناتيجەسىندە جالپى الاڭى 1 ميلليون شارشى مەتر جولعا تاس توسەلدى.

«ٴبىز قالا اكىمدىگىنىڭ تاپسىرماسىن مەرزىمىندە ورىنداپ شىعامىز. ال جۇمىستىڭ ساپاسىن ساراپشىلاردان بولەك كوشە ٴتوراعالارى دا باقىلاپ وتىر»، - دەدى قالالىق جولاۋشىلار كولىگى جانە اۆتوكولىك جولدارى ٴبولىمىنىڭ جەتەكشىسى اباي تۇرحانوۆ.

ايتا كەتەيىك، كوشەلەرگە تاس توسەۋ جۇمىستارى جوسپارلى مەرزىمىنەن بۇرىن، شىلدە ايىندا اياقتالادى دەپ كۇتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي