BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

شىمكەنتتە العاشقى اربات دەمالىس ورنى اشىلدى

فوتو: Самат Мырзалиев

بۇگىن شىمكەنت قالاسىندا وتباسىمەن دامالاتىن العاشقى «اربات» ەل يگىلىگىنە بەرىلدى. شىمكەنت قالاسىنىڭ بەكەت باتىر كوشەسىنەن ورىن تەپكەن جاڭا دەمالىس ايماعىنىڭ اشىلۋ راسىمىنە وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ، قالا اكىمى نۇرلان ساۋرانبايەۆ پەن وبلىستىق جانە قالالىق ٴماسليحاتتىڭ دەپۋتاتتارى، قالا تۇرعىندارى قاتىستى، دەپ حابارلايدى baq.kz اقپارات اگەنتتىگى.

شىمكەنت ەلىمىزدەگى ٴىرى قالالاردىڭ ٴبىرى ەكەنىن ايتقان ايماق باسشىسى دامىعان قالالاردىڭ بارلىعىندا حالىق دەمالاتىن ورىنداردىڭ كوپتەپ ورنالاسۋى زاڭدىلىق ەكەنىن اتاپ ٴوتتى. سونىمەن قاتار، قالانى كوركەيتۋدىڭ نەگىزگى جۇمىستارىنا توقتالىپ، اتقارىلىپ وتىرعان جۇمىستاردىڭ بارلىعى قالا جۇرتشىلىعىنىڭ يگىلىگى ٴۇشىن جاسالىپ جاتقانىن ايتتى.

«بۇگىن حالىقارالىق وتباسى كۇنى. وسىنداي كۇنى وتباسىلىق دەمالىس ورنى – شىمكەنتتىڭ العاشقى ارباتىن حالىقتىڭ يگىلىگىنە بەرىپ وتىرمىز. 1 شاقىرىمعا دەيىن سوزىلعان اربات قۇرىلىسىن ەكى ايدىڭ ىشىندە اياقتاعان قالا اكىمدىگىنىڭ جاۋاپتى باسشىلارىنا العىسىمدى بىلدىرەمىن. ەندى بۇل جەر قالامىزدىڭ ەڭ تارتىمدى دەمالىس ورنى بولادى دەپ ويلايمىن. مۇنداي يگى قادام قالا تۇرعىندارىنىڭ جانە جاس ۇرپاقتىڭ تۋعان جەرگە دەگەن سۇيىسپەنشىلىگىن قالىپتاستىرۋدا اسەرى مول ەكەنىن ايرىقشا اتاپ وتكىم كەلەدى. مۇنداي دەمالىس ورنى الداعى ۋاقىتتا قالاداعى ا.اسقاروۆ پەن بەيبىتشىلىك كوشەسىن دە ورىن تەپپەك. جىل سوڭىنا دەيىن جاڭارىپ، جانداناتىن ول نىسانداردى دا بىرگە تاماشالايتىن بولامىز»، - دەدى ج.تۇيمەبايەۆ.

شىمكەنتتىك ارباتتىڭ ۇزىندىعى ٴبىر شاقىرىم شاماسىندا. بۇل جەرگە جاڭا شامدار ٴىلىنىپ، ورىندىقتار قويىلدى، لاندشافت ديزاينى كوز تارتادى. قالانىڭ جاسىل جەلەگىنە جاڭا رەڭ قوسقان اربات ادەمى گۇلدەرمەن كومكەرىلىپ، جارىق شاشاتىن شامدارمەن بەزەندىرىلگەن. ىڭعايلى دەمالىس ايماعىندا سونىمەن بىرگە ۆەلوسيپەد جولاعى دا قاراستىرىلعان. مۇنداعى 3600 شارشى مەتر اۋماق كوگالداندىرىلىپ، 2000 شارشى مەتر جەردى اياق جولدار الىپ جاتىر. بۇدان بولەك، ول جەرگە 700-گە جۋىق جوكە، تالشىن، اققايىڭ سىندى اعاش تۇرلەرى مەن 1000 ٴتۇپ راۋشان گۇلى ەگىلدى. تۇنگى ارباتتى جارىق ەتۋگە 76 كوشە شامدارى مەن 45 كىشى تورشەرلەر قويىلدى.

قازىرگى تاڭدا ماماندار ارباتتىڭ ەرەكشە كەلبەتىن اشا تۇسەتىن اركانى قۇرۋ جۇمىسىن اياقتاۋدا. جۋىق ارادا بەكەت باتىر كوشەسىنىڭ بۇل بولىگى ناعىز شىعارماشىلىق ادامدارىنىڭ ورتالىعىنا اينالماق. سەبەبى بۇل اۋماققا سۋرەتشىلەر ٴۇيىن سالۋ جوسپارلانۋدا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي