BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

شەتەلدىك دەپۋتاتتار قازاقستاننىڭ پەنيتەنسيارلىق جۇيەسىمەن تانىستى

16 ٴساۋىر كۇنى الماتى قالاسىندا ازاپتاۋمەن كۇرەس تاقىرىبىندا بريفينگ ٴوتتى، دەپ حابارلايدى baq.kz اقپارات اگەنتتىگى الماتى قالاسىنىڭ ىشكى ىستەر دەپارتامەنتىنە سىلتەمە جاساپ.

بۇگىن الماتى قالاسى ىشكى ىستەر دەپارتامەنتى باس پروكۋرورىنىڭ ورىنباسارى ە. ا. كەنەنبايەۆ، ىشكى ىستەر مينيسترلىگى باسشىسىنىڭ ورىنباسارى ر. ت. جاقىپوۆ، ٴسىم باسشىسىنىڭ ورىنباسارى ر. يۋ. ۆاسيلەنكو، جەمقورلىقپەن كۇرەس بويىنشا ۇلتتىق بيۋرو تەرگەۋ دەپارتامەنتىنىڭ جەتەكشىسى س. ن. پەروۆ شەتەلدىك دەپۋتاتتار دەلەگاسياسىنا ارناپ بريفينگ وتكىزدى. جيىن بارىسىندا قازاقستاندا قولعا الىنعان ازاپتاۋعا قارسىلىق جانە جالپى ادام قۇقىعىن قورعاۋ ماسەلەلەرى قارالدى.

ىشىندە يسپانيا، رۋمىنيا، پولشا دەلەگاتتارى بولعان پارلامەنت وكىلدەرى جانە يتاليا مەن چەحيادان كەلگەن مەملەكەتتىك ەمەس ۇيىمدار، قر پارلامەنت سەناتىنىڭ دەپۋتاتتارى قازاقستاننىڭ پەنيتەنسيارلىق جۇيەسىمەن تانىستى. تانىستىرىلىمدا قازاقستان رەسپۋبليكاسىنىڭ 1998 جىلى بۇۇ كونۆەنسياسىنا قوسىلعالى ازاپتاۋمەن كۇرەس ماقساتىندا ٴتۇرلى شارا جاسالعانىن اتاپ ٴوتتى.

سونداي-اق، قازاقستاننىڭ اشىق، دەموكراتيالى جانە قۇقىقتىق مەملەكەت ەكەنى تۋرالى دا ايتىلدى. بۇگىندە مەملەكەتتىك ورگاندار ازاپتاۋ فاكتىلەرىن جاسىرمايدى جانە كىنالىلەردى جاقتامايدى. مەملەكەت ٴار شاعىمدى قاراپ، بارلىعىنىڭ زاڭ جۇزىندە جۇزەگە اسۋى ٴۇشىن تەرگەۋ جۇمىستارىن جۇرگىزىپ وتىرۋ ساياساتىن ۇستانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي