BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

شالقاردا 90 جاستاعى قاريا پويىزدىڭ استىنان وتپەك بولعان

فوتو: интернеттен

اقتوبەنىڭ شالقار اۋدانى بەرشۇگىر ستانسياسىندا توقسانداعى قاريا ابايسىزدا پويىزدىڭ استىنا تۇسە جازدادى. جۇرگەلى تۇرعان پويىزدىڭ استىنان وتپەك بولعان قاريانىڭ ەكى باشپايىن پويىز باسىپ كەتكەن، دەپ حابارلايدى ۆaq.kz اقپارات اگەنتتىگى "قازاقستان تەمىر جولى" ۇك" اق ٴباسپاسوز قىزمەتى.

ساقتىق شارالارىنىڭ ٴجيى قولعا الىنىپ جاتقانىنا قاراماستان، ستانسيادا تۇرعىندار تاراپىنان جول بويىن كەسىپ وتەردە قاۋىپسىزدىك ەرەجەلەرى ساقتالا بەرمەيدى ەكەن. توقساننان اسقان اقساقالدىڭ پويىزدىڭ استىنان قالاي وتپەك بولعانى تۇسىنىكسىز.

اقتوبە جۇك تاسىمالى بولىمشەسى قاۋىپسىزدىك قىزمەتىنىڭ باسشىسى ايبولات داربايەۆتىڭ حابارلاۋىنشا، قاريا 1928 جىلى دۇنيەگە كەلگەن.

«اۋىل تۇرعىنى، جاسى ٴبىرازعا كەلگەن، جول بويىنداعى قورشاۋدان دا قالاي ٴوتىپ كەتكەنى بەلگىسىز. باشپايلارىن پويىز باسىپ كەتتى. قاريا رۇقسات ەتىلمەگەن جەردەن جولدى كەسىپ وتپەك بولعان. بەلگىلىسى، ۇلكەن كىسى سپيرتتىك ىشىمدىك ىشپەگەن. بۇگىندە تەكسەرۋ جۇمىستارى جۇرگىزىلىپ جاتىر. اقتوبە جۇك تاسىمالىنىڭ قاۋىپسىزدىككە جاۋاپتى قىزمەتكەرلەرى الداعى ۋاقىتتا قورىتىندىسىن حابارلايدى»، – دەيدى ول.

ستانسيا تۇرعىندارى قاۋىپسىزدىكتەن حاباردار. مەكتەپتەردە، مەكەمەلەردە ارنايى كەزدەسۋلەر ٴجيى ۇيىمداستىرىلادى. الايدا، اۋىلدا كوپىر بولا تۇرا، تۇرعىندار جول اراسىمەن ٴجۇرۋىن دوعارار ەمەس. ٴتىپتى، ارنايى قورشاۋ دا تۇرعىزىلعان. الايدا، ونى دا بۇزىپ كەتەدى ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي