BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ساتىپ الۋ قابىلەتى ارتقان سايىن ونەر مەن ويىن-ساۋىق سالاسىندا سۇرانىس ارتتى – زەرتتەۋ

فوتو: ашық дереккөзден

2018 جىلدىڭ العاشقى جارتى جىلدىعىنىڭ قورىتىندىسى بويىنشا مادەنيەت پەن ويىن-ساۋىق سالاسىنداعى قىزمەتتەر ٴبىر جىلدا 5،5% قىمباتتادى، دەپ حابارلايدى baq.kz اقپارات اگەنتتىگى energyprom.kz سايتىنا سىلتەمە جاساپ.

اعىمداعى جىلدىڭ i توقسانىندا قازاقستاندىقتارعا شىعارماشىلىق، ونەر مەن ويىن-ساۋىق سالاسىندا 9،2 ميلليارد تەڭگەگە قىزمەت كورسەتىلدى - بۇل وسىدان ٴبىر جىلعى بۇرىنعى كورسەتكىشتەن 14،4% ارتىق.

قىزمەتتىڭ باسىم بولىگى ۇلكەن قالالاردا كورسەتىلگەن: الماتىدا 30،6% (2،8 ملرد تەڭگە، جىلىنا +12،5%)، جانە استانادا 30،1% (2،8 ملرد تەڭگە، جىلما جىل بىردە +50،6%).

ايتا كەتەيىك، بيىل استانادا ەلوردانىڭ 20 جىلدىعىنا وراي كوپتەگەن مادەني شارالار وتكىزىلدى.

2018 جىلدىڭ i توقسانىنىڭ قورىتىندىسى بويىنشا كورسەتىلگەن قىزمەتتىڭ جارتىسى تەاتر سالاسىنا تيەسىلى بولدى - 54،5%، ال كونسەرتتىك شارالار 27،7% قۇرادى.

اتاپ وتسەك، رەسمي مالىمەتتەرگە سايكەس شالعايداعى ەلدى مەكەندەردە شىعارماشىلىق، ونەر مەن ويىن-ساۋىق سالاسىنداعى كورسەتىلگەن قىزمەت 0،7% قۇرادى. وسىدان ٴبىر جىل بۇرىنعى جاعدايدا ٴدال وسىنداي بولعان.

جالپى، 2018 جىلدىڭ i توقسانىنىڭ قورىتىندىسى بويىنشا مادەنيەت، ويىن-ساۋىق جانە دەمالىس سالاسىنداعى قىزمەت قۇنى وتكەن جىلدىڭ قاڭتار-ماۋسىم ايىمەن سالىستىرعاندا 5،5% قىمباتتادى.

ايتا كەتەيىك، سايكەسىنشە كەزەڭدە ينفلياسيا كورسەتكىشى 4% قۇراعان بولاتىن.

سالىستىرمالى تۇردە ايتاتىن بولساق، وتكەن جىلدىڭ العاشقى جارتى جىلدىعىنىڭ قورىتىندىسى بويىنشا، ينفلياسيا دەڭگەيى 7،7% شاماسىندا بولعان جاعدايدا قىزمەت كورسەتۋ قۇنىنىڭ ٴوسىمى 6،5% كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي